Hvað skal segja? Fór í banka, er að banka.....

Er núna staddur í Medan í Indónesíu og geri þar garðinn frægan í skvassinu. Náði mér í kennara sem tekur mig í bakaríið daglega og hefur gaman að. Svo illa leikinn var ég eftir fyrstu tvö skiptin að ég var óskrifandi á vinstir hendi, sem er óheppilegt því svo lánsamur er ég að vera vinstrhentur (nota ekki örfhentur því það er rangnefni).
Kem sjálfsagt heim í stutt stopp 15. des. Farinn aftur út fyrir jól.

Ef allt fer fram sem horfið þá mun ekki sjást mikið til mín á frónni á næstu mánuðum. Það er allt af yfirlögðu ráði og hið besta mál.

kv.

Breytingar eru af hinu góða. Ég átti að vera hérna í Amsterdam fram að jólum en fékk símtal nýverið sem boðaði mig í pílagrímaflug frá Indónesíu. Það er hið besta mál því þrátt fyrir að það sé wet season þarna niðurfrá þá er það betra en kuldinn í Evrópu.
Ég fer því núna í kvöld til Kuala Lumpur og svo þaðan til Medan nokkrum dögum síðar.

Steini Hall er byrjaður aftur að blogga, linkur á hann hér á hægri hönd

kv

Ég hugsaði mér gott til glóðarinnar þar sem ég smurði brilljantíni í hárið og sprautaði vellyktandi í munn. Brosandi gekk ég út af hótelinu og í huga mínum voru sjónvarpsauglýsingar sem ég hef séð í gegnum tíðina. Aðlaðandi ungt fólk af gangstæðu kyni hittist í möntvaski og rómantíkin blossar. Klám og kossar næstu árin og allir hamingjusamir….

Ég var með fullan poka af skítugum fötum, langt um liðið síðan síðasti þvottadagur var. Spurðist fyrir og fékk punkt á kort þar sem sjálfsalaþvottahús væri, downtown Amsterdam.

Væntingar mínar um þvottahúsarómantík a-la Levis og Coke urðu að engu og rúmlega það þegar á staðinn var komið. Röndótt flögg í öllum regnbogans litum blöktu á hverju húsi og stælgæjar standandi á öðru hverju götuhorni.

Ég lét mig hafa það, enda allt orðið óhreint sem ég var með, hugsaði að það væri nú ekkert steitment þó maður sæist læðast um göturnar í þessu hverfi. Smokra mér inn í möntvaskið og les leiðbeiningarnar. Sure enough, það þarf klink og ég er með hverju nærri nóg af því!! “Dem, hvað gera bændur nú” hugsa ég, en rek svo augun texta sem segir “For assistance, contact Bronx across the street”

Geng ég yfir götu og kemst að því mér til mikillar geðshræringar að það sem skilaboðunum ljáðist að nefna var að Bronx ber undirtitilinn “Gay Shop”. Mér er ekkert sérleg annt um að sjá mann taka mann, svo ég staldraði við og mat stöðu mála. Eftir góðar þrjár sekúntur ákvað ég fötin skildu þrífast, lét slag standa og gekk inn.

“Hvernig hagar maður sér í svona búð” hugsaði ég þar sem ég gekk inn, taka þetta á kúlinu kanski? Smurefni, böttplöggar, latexbúningar og titrandi hnefar upp um alla veggi. Harðkjarna hommaklámmyndir í sjónvarpinu og gúmmídúkka til sýnis. Er þetta Felix sem er að bera saman kosti Ultralube og Megalube? Ég spilaði mig kúl, “blessaður Felix”…… en þetta var ekki Felix. “Hvað var ég hvort eð er að heilsa” hugsa ég í þá mund er ég fer að telja flísarnar á gólfinu á leið minni upp að afgreiðsluborðinu. Hafði það af að skipta peningunum og koma mér út áður en fleiri afglöp áttu sér stað.

Eins og við var að búast sást ekki stakur kvennmannsskrokkur í möntvaskinu og strákurinn fór einn á kaffihús með hreina þvottinn sinn. Næst tek ég með mér Kók Zero….

Kv

Prufa

Test