sunnudagur, október 07, 2007

Þá hefur þríeykið, þ.e. hjónin og þriðja framhjólið, lokið stífu þriggja daga seglbrettanámskeiði. Mikil þreyta er í mannskapnum enda búið að logga níu tíma á vatninu og fólk almennt séð farið að standa stóran hluta úr tímanum. Baráttan í dag stóð um það að beygja undan vindi og sigla svo í þá átt. Beygjan hafðist á endanum en það þarf eitthvað meira að mastera handtökin við það að ná sér á ferð í þá átt. Ég skora á alla að prófa þetta ef tækifæri gefst, mjög skemtileg sport þegar maður fer að ná tökum á því!

Nýjar myndir á Flickr-inum, sjá auglýsingu hér hægra megin -----

kv.

föstudagur, október 05, 2007


Góða veðrið dróg okkur út í dag og niður að vatni hér niðri við sjó. Þar skráðum við okkur í siglingaskóla og tókum til við að læra að vindsurfa. Það reyndis mun minna mál en við bjuggumst öll við og innan skams vorum við farin að bruna þvers og kruss út og suður eftir vatninu endilöngu. Kennarinn hinsvega hló að okkur og benti réttilega á að við vorum á brettum sem hétu Easy-Ride og seglin voru barnasegl! Á morgun er hinsvegar planið að smella sér aftur úteftir og prófa meira svona alvöru bretti, þ.e. ekki algjör byrjendabretti og vonandi stærri segl.

fimmtudagur, október 04, 2007

Ég þakka endalausan stuðning og baráttukveðjur, nema auðvitað frá þessum síðasta... ég veit hver þú ert og hvar þú átt heima, við útkljáum þetta þegar ég kem heim!

Portúgal er að gera góða hluti. Blíðan að drepa mann og allt í þessu stakasta lagi... eða þar til Ómar komst í kast við lögin. Við erum á rúntinum um miðbæ Caldas da Rainha (eitthvað í þá áttina) þegar við ákveðum að leggja og taka rölt. Komum við þá ekki að skilti sem klárlega segir P (hvítt á bláum fleti) og reynist vera laust stæði þar. Ómar sýnir færni sína í samhliðarlaggningu og tekst það vel. Röltið tekið, kaffið drukkið, veðursins notið og markaðurinn skoðaður. Komum aftur að bílnum og reynist vera stöðumælasekt undir þurkublaði. Þefum við uppi næstu lögreglustöð því þar skilst okkur að þessir hlutir séu útréttaðir og teljum að skaðræðis mistök hafi átt sér stað því klárlega er um hvítt P á blaum fleti að ræða.... P fyrir Park, ekki rétt???? Lögregluþjónninn mun taka sektina, rífa hana og segja okkur félögunum að njóta dagsins og dvalarinnar í fyrrum heimsveldinu Portúgal.

Önnur varð reyndin!

Komum við kumpánarnir inn á stöð, sakleysið uppmálað og segjum farir okkar ekki sléttar. Sýnum offisernum mynd af bílnum við skiltið sem við tókum og segjumst ekki skilja hvaða á okkur stendur veðrið því eftir okkar bestu kunnáttu þá þýði hvítt P á bláum fleti að þar skuli lagt. Bendir þá lögreglumaðurinn okkur á að undir skiltinu áðurnefnda sé skilti á portúgölsku sem segir að þar skuli einungis leggja til að hlaða og afhlaða bíla og þá einungis til fimm mínútna. Við segjumst enn ekki skilja, til séu sérstök merki sem tákni hleðslusvæði, þetta væri ekki það og við skildum ekki portúgölsku enda bara aumir túrista í hans stórglæsilega landi. Hann tjáði okkur þá að svona væri þetta nú í portúgal og að í portúgal þyrfti maður að fara eftir portúgölskum reglum. Við þetta hváðum við og spurðum hvort portúgal væri ekki í EU og hvort þeir notuðust ekki við alþjóðleg umferðaskilti eins og aðrar þjóðir evrópu. Hann sagði okkur þá ða þetta væri aljóðlegt skilti og að það væri bara supplementað með þessum aukaskiltum sem lýstu takmörkunum hins skiltisins. Þá spurðum við hvernig við ættum að vita hvað stæði þarna og svar hans var "BUY A DICTIONARY!!" Okkur fanst þetta ótækt, að við þyrftim að aka um með orðabók í annari til að geta komist klakklaust um og vorum þess vissir að þetta væri alls ekki rétt notkun skiltisins. Svona er þetta bara her og þið verðið að borga sekt.... 60 evrur takk fyrir!

"YOU ARE JOKING, ARENT YOU???!?!" segir Ómar þá.

"LOOK INTO MY EYES, DOES IT LOOK LIKE IM JOKING????!?" segir lögreglumaðurinn

"YOU MUST BE JOKING, 60 EUROS FOR PARKING ILLEGALY AND WE DIDNT EVEN KNOW IT WASNT ALLOWED!!!!!" segir ómar

"YES" segir lögreglan

"THIS SIGN MEANS YOU ARE SUPPOSED TO PARK THERE EVERYWHERE ELSE, OBVIOUSLY WE ARE NOT WELCOME HERE IN PORTUGAL!!!" segir Ómar

"I COULD REPEAT WHAT I SAID EARLIER BUT THAT WOULD PUT ME IN THE POSITION WHERE EITHER I LOOK STUPID OR YOU LOOK STUPID, I DONT WANT THAT, YOU ARE A CLEVER GUY, DONT PUT ME IN THIS SITUATION!!!"

"60 EUROS?"

"YES!"

"ARE YOU SERIOUS?"

"YES"

allt fer þetta þannig á endanum að Ómar greiðir uppsetta sekt, 60 evrur fyrir að leggja ólöglega (kostar 1200 kall á íslandi) og báðir göngum við illa önugir út. Síðar sama dag ræðum við málið við spússu Ómars. Verandi portúgölsku mælandi tekur hún sig til, strunsar á lögreglustöð með bunka af útprentuðum myndum af sam evrópskum umferðaskiltum og krefst þess að ræða við Commandante, PRONTO!!! Hann er hinn ljúfast, veit hvaða kauða við vorum að díla við og lofar betrum og bótum. Skrifa þarf bréf sem sendast skal til Lisboa þar sem það mun fara í gegnum handdirifð tannhjólakerfi Pórtúgalska bjúrókratasystemsisn sem er hægvirkt á heimsmælikvarða. 60 Evrurnar verða því endurheimtar... fyrr eða síðar,, sjálfsagt síðar.

góðar stundir

mánudagur, september 24, 2007

Nú hefur strákurinn verð að hugleiða það undanfarið að hætta að blogga, hann nennir því ekki lengur enda ekki mikið komið uppúr honum undanfarið!

Það helsta sem ég hef frá að segja núna er sagan af því þegar ég fékk mér Chicken Ravioli í Herbergisþjónustu hér á Albilad. Það væri svosum ekki í frásögur færandi nema kanski fyrir það að það bragðaðist ágætlega á leiðinni inn en virðist ekki ætla að bragðast eins vel á leiðinni út. Stuttur eftir að ég hafði aflokið að glopra því í mig byrjaði maginn að snúast hægt og rólega rangsælist (miðað við aftstöðu mína) afturábak í hringi. Snúningnum fylgdi einstaka ropar sem lyktuðu eins og íþróttaskórnir mínir, sem hafa fengið að safna lykt allt of lengi óáreittir, og bragðaðist eins og æla. Nú sit ég spenntur, skrifa blogg og bíð þess sem verða vill. Krossum fingur og vonum það besta!

Nú, ef verða vildi að ég nenni ekki að blogga meir þá er þó myndasíðan mín opin og verður opin um ókomna framtíð..........

kv.

laugardagur, september 22, 2007

Ef það er hægt að gera ekki neitt í vinnuni þá kemst ég nokkuð nálægt því í þetta skiptið. Alveg afspyrnu rólegt búið að vera og því eins og svo oft áður leitar maður á náðir alvefsins og skimar hann hátt og lágt eftir afþreyingu.
Á þessu alvefsvafri mínu rakst ég á síðu sem haldið hefur mér við efnið síðustu þrjár vikurnar.
http://www.petitiononline.com/

Nú þegar hef ég skrifað undir áskoranir um öll þau helstu baráttumál sem eru mér hugleikin s.s.

Áskorun um að fá Hubba Bubba til að framleiða Bubble Tape sem heldur betri og þéttari seigju og heldur bragði lengur
Áskorun um að Asrock Bios Teimið stórbæti móðurborðin sín
Áskorun til Pimpsleur um að búa til tungumálakennslu á kúrdísku
Áskorun til Mars Inc. um að hætta að framleiða Skittles með grape bragði vegna þess að:
a) Það passar ekki með hinum brögðunum (sítrónu, appelsínu og læm) því það er ekki sitrus bragð
b)Engum líkar við það!
Áskorun um að Hasbro, sem framleiðir G.I. Joe, gefi út pakka með tveim Kóbra Köllum í því það auðveldar mönnum að byggja upp heildstæðari herafla


Ég mæli eindregið með að menn, konur og börn kíki á http://www.petitiononline.com/ og láti til sín taka.


Næsta frí verður frá 1. okt. Stefnan er tekin á Portúgal þar sem siglingar, surf og sólböð verða stunduð grimmt.

bið að heilsa í bili

þriðjudagur, september 18, 2007

Tók þetta meistarastykki fyrr í sumar þegar við Bjórn kíktum á downtown Jedda. Bæði vídjóin eru tekin í gullsúkkunni þegar 8:30 bænatíminn stendur sem hæst.

sunnudagur, september 16, 2007

Ding Dong í Hong Kong

Hafði það af að komast aftur til Hong Kong og í þetta skiptið með tíma til að spreða. Rétt ný kominn þegar þau skilaboð berast að vegna vélarbilunar í Manila verði túrinn styttur all svakalega og enginn tími til neins. Súr í skapi náði ég þó að kíkja nóg í bæinn til að geta sagt "Já, Hong Kong, ég hef komið þangað". Drekkti svo sorgum mínum í glasi af bjór með öðrum mönnum og fór fúll í rúmið. Rankaði svo við mér að morgni næsta dags og gerði það sem flugmenn gera þegar þeir vakna, athugaði hvort það væri blað undir hurðinni. Blað var undir hurðinni og á því stóð að ekkert yrði úr að við þyrftum að fara til Manila. Ég tók fimmfalt heljastökk afturábak og hef nú verið á þriðja dag í þessari mögnuðu borg.
Í botnlausri gleði minni verslaði ég mér iHlöðu (tónhlöðu) af nýjustu og fullkomnustu gerð og býð ég fólki að njóta myndar af henni á myndasíðu minni. Tónhlöðuna er ekki einungis hægt að nota undir tóna heldur einnig myndskeið, kyrrmyndir, heimilisföng, hlaðvörp og svo margt fleira!
Bið að heilsa í bili,

Kv.
KALLINN

fimmtudagur, september 13, 2007

Athygli mín var dregin að því að Forest Whittager, sem rætt var um í bloggi fyrir stuttu, er nátengdur mér. Það vildi svo til hér um árið að ungur flugnemi á uppleið flaug með kauða þegar verið var að taka upp kvikmynd með honum á landinu bláa. Drengurinn ungi hinvegar vissi ekki að um heimsfrægan kvikmyndaleikara væri að ræða enda blindaður af því að vera einka"dræver" Jónsa nokkurs á þeim tíma. Þessi ungi drengur er góður félagi minn.

kveðja

Strákurinn kominn aftur til Riyadh. Stutt stoppið í þetta skiptið því förinni er heitið til Hong Kong þar sem ég ætla að skoða mannlífið næstu rúmu vikuna. hhhhhhhhhh Erfitt líf
Læt fljóta með vídjó sem ég tók fyrr í sumar svona til að testa nýja fúnksjón á bloggernum

kv.

sunnudagur, september 02, 2007

Með öllu fræga fólkinu!

Kláraði í gærkvöld að horfa á myndina "The last king of Scotland" með stórleikaranum Forest Whittager. Myndin fjallar um Idi Amin sem stjórnaði Uganda með harðri hendi áratuginn upp úr 1971 og tókst á þeim tíma að láta drepa um 300.000 manns. Skoskur læknir hálfpartinn lendir í því að verða aðal ráðgjafi Amin og svo framvegis... horfið á myndina ef þið viljið vita meira.
Hvernig tengist þetta mér svo allt saman. Fyrir það fyrsta þá hef ég komið til Súdan sem á einmitt landamæri að Uganda. Í öðru lagi fór Amin í útlegð til Saudi Arabíu þegar honum var sparkað af stóli og segir sagan að hann hafi notið þess að fá sér kaffibolla á Al Bilad hótelinu í Jedda, sem er einmitt sama hótel og ég hef margoft stundað gistinætur á. Í ofanálag segir sagan að bin Laden fjölskyldan eigi hótelið.
Þannig er líf mitt þétt ofið sögu Uganda.

Útferð á þriðjudag.


kv.

laugardagur, ágúst 25, 2007

Undir niðri kraumar bloggur sem er á leiðinni og mun birtast á næstu vikum. Hef svosum ekkert meira um það að segja í bili.

kv.

laugardagur, ágúst 11, 2007

Fyrir um einu og hálfu ári tók strákurinn sig til og málaði glugga og gluggakistu í stofunni á íbúð sinni. Kjörið þótti honum þá að skilja opnanlega fagið eftir í um vikutíma eða svo. Nú einu og hálfu ári síðar þótti stráknum vera komnar kjöraðstæður til að klára að mála og það gerði hann. Húrra fyrir honum!

Nú situr strákurinn og nýtur þess að horfa á Stargeit í sjónvarpinu. Æsispennandi þáttarröð um stjörnuhlið sem mannkyninu hefur tekist að beisla og swingar sér út og suður um hinar ýmsu víddir alheimsins. Í dag..... veðursteinn hefur horfið og veðrið er alveg brjálað. Ekki gott þykir generálnum og sendir því tímateimið sitt til að ransaka. Á næstu þrjátíu mínútum kemur í ljós hvernig málin reddast, en það gera þau alltaf!

kveðja

mánudagur, ágúst 06, 2007

JÆJA!!!!!!
Allir hættir að skoða þetta því ekkert hefur gerst í allt of langan tíma.

Aftur er ég kominn með nýja myndasíðu. Það var meiriháttar vesen á hinum "accountinum" þannig að ég þurfti að fara út í að búa til nýjan. Er að vinna í að skipta út myndasíðuauglýsingunni hérna hægra megin en þar til njótið á

http://www.flickr.com/photos/orninn/

kv.

þriðjudagur, júlí 17, 2007

Gúrkutíð

föstudagur, júlí 06, 2007

Stórir hlutir gerast hjá stórum strákum. Það er þá helst að frétta að bæst hefur í hóp þeirra sem stoltir geta sagt að vísað sé til þeirra síðu af minni. Eyfi (aka. Eyfiator) fyrrum Eyjamaður er nú að mæta á línuna hjá AAI, ásamt fleiri hetjum, og hlotnast því sá heiður að fá linkinn sinn inn hjá MÉR! Það er lykilorð til að komast inn á síðuna (ekki b747), ég veit ekki alveg hvernig það er hugsað þannig að ég gef það ekki upp....
Á sama tíma fer annar fyrrum heiðursmaður í skammarkrókinn og linkurinn hans er formlega fjarlægður. Steini sveik lit, gengur nú um með eitthvað á höfðinu (ekki hárkollu) í vinnuni, hætti að blogga og hélt ekki upp á afmælið sitt (bjór og brúnkaka hefði jafnvel sloppið). SVEI ÞÉR!!!

Einnig ber að kynna til sögunnar nýjan, snarskemtilegan myndalink inn á nýja, feiknar skemtilega myndasíðu. Sjá hægramegin.

Riyadh.............. tvær nætur......... jíha.........

kv.

sunnudagur, júlí 01, 2007

Í sól og sumaryl, ég samdi þetta lag... á þetta við ef það er 45°c hiti?

Annars eru það litlu hlutirnir í lífinu sem heilla mann þessa dagana og margt sem maður kemst að þegar maður staldrar við og horfir í kringum sig. Vissuð þið t.d. að á hvorum fæti manns eru fimm tær og á þeim vaxa neglur, ein á hverri tá. Þessar neglur þarf svo að klippa og snyrta reglulega!
Það er margur leindardómurinn sem afhjúpast þegar strákurinn fer á stjá!!

kv

föstudagur, júní 29, 2007

Enn og aftur í Riyadh, tveggja daga stopp. Ætla svosum ekki að eyða mörgum orðum í að segja frá því hversu gaman það er hér en ég hef allavegana verið iðinn við kolann að lesa bók, fara í sólbað, setja upp nýja myndasíðu og svo margt margt fleira.

Nú er það staðfest að ég hyggst nota allt það frí sem ég á inni núna í sumar. Það þýðir að næst þegar ég kem heim mun almenningur ekki losna við mig fyrr en 11 september, eða um það leiti sem ég hef alfarið gleymt hvernig á að sinna vinnuni sem borgar launin mín.
Ég vonast til að bæta úr útileguleysi síðasta sumars og auglýsi eftir fólki í útilegu. Kuglegrillið verður notað til hins ýtrasta og hver veit nema ég máli kanski herbergið mitt (HD!)!!

En mál málanna.... slepjan hefur verið slöpp undanfarið þannig að ég fór með viðskipti mín (ehem) annað. Slöpp tengingin þar sem ég er núna en fleiri myndir munu dælast inn smá saman.
http://www.flickr.com/photos/birkirorn/


kv.

miðvikudagur, júní 27, 2007

Manilla netkaffi med tilheyrandi hafada mordodra Hald Life spilara. Stutt stopp og svo aftur til Riyadh thar sem eg hef verid sendur i utlegd vegna hroka og yfirgangs.

kv

föstudagur, júní 22, 2007

Í tilefni þess að ég sé á leiðinni til Brussel þá er þessi lauflétti leikur settur upp hér í boði Toblerone á Íslandi.

Lessur bíta gat í Brussel

Sá/sú sem getur sagt hvað þetta er/þýðir fær Toblerone stöng að gjöf við næstu heimkomu!

Reglur:
1. Skýrnarnafn má eigi vera Steindór eða Hjalti
2. Bannað að kjafta
3. Lögheimili skráð á Íslandi í Kjósa og Hnappadalssýslu eða nágrenni
4. Finnast harðsoðnu eggin hans Birkis góð! Virkilega góð!

kveðja