DGFOPUYHVGKHTG

Diggidiggidigg...
Fréttir frá Svíþjóð, diggidigg

Héðan er allt gott að frétta. Stífur lærdómur alla daga, ekkert helgarfrí í bili o.s.frv. Eins og ég er kanski búinn að taka fram áður þá er það þessi vika og fyrstu tveir dagar nætsu viku í bóklegt, próf á þriðjudag og svo byrjar hermirinn á miðvikudag. Planið er að taka sér frí á sunnudag til að vera túristi í Stokkhólmi. Terje Hansen sem er yfirkennari hérna og verður með okkur Guðrúnu í herminum sagði okkur reyndar að nýta tímann vel, vera ekkert að þvælast til Stokkholm, það tæki mikinn tíma og væri dýrt. Hann er norðmaður þannig að maður tekur ekkert mark á þessu.

Held að ég hafi verið búinn að barma mér yfir því að það hafi ekki verið míníbar á herberginu mínu á hótelinu. Það gengur að sjálfsögðu ekki að vera á hóteli í rúman mánuð og vera ekki með míníbar. Sem sannir íslenskir flugmenn fórum við niðrí lobbí og fórum að "röfla" því það er það eina sem íslenskir flugmenn kunna, fyrir utan það að taka alla hendina þegar litli putti er réttur. Það bar vel í veiði hjá okkur því ekki nóg með að við fengum míníbar heldur vorum við færð uppá VIP hæðina þar sem stærri herbergi, parket, hvítir baðsloppar, straujjárn, gestarúm, RISA stórir koddar og að sjálfsögðu míníbarir ráða ríkjum. Þetta er auðvitað bara tóm snilld, fyrir utan koddana. Við fyrstu sín virðast þeir jafnvel vera það besta sem komið hefur fyrir mann í langan tíma. Svo tekur maður upp tommustokkinn og fer að mæla.... á að giska rúmur fermeter að flatarmáli, og það eru tvö stykki. Svo fer maður að sofa, þá taka þeir svo mikið pláss að fæturnir standa út fyrir endan á rúminu. Í kvöld ætla ég að röfla og fá lítinn kodda.

kv.