fimmtudagur, janúar 10, 2008
að lokum, kíkið á þetta:
http://www.tatuagemdaboa.com.br/
í fyrstu línuna setjið fornafn
í línu tvö setjið eftirnafn
svo í ganni er hægt að segja e-mailið sitt og e-mail vinar
kv.
mánudagur, janúar 07, 2008
föstudagur, janúar 04, 2008
Þegar veðrið er eins og það er og maður rétt stingur hausnum út um gluggann þá vill það gerast að skammhlaup eigi sér stað og ofangreindur texti heyrist. Eitthvað sem verður ekki viðráðið.
Þetta sleppur því ég er á leiðinni aftur út í blíðuna. Jakarta er það heillin, klára að koma pílagrímunum heilum heim frá fyrirheitna landinu.
Svo gæti farið að sjálfur Hjalti Grétars, sem hefur stundað það að eignast börn síðustu misserin, komi aftur til vinnu og verði jafnvel staðsettur um tíma í Jakarta. Það væri ekki leiðinlegt.
Ég kveð því klakann um tíma, jafnvel um góða stund (hversu lengi á eftir að koma í ljós) og hlakka til að koma heim aftur þegar sólin er farin að sjást ofan sjóndeildarhrings og veður eru síður válind.
kv.
mánudagur, desember 31, 2007
Bangladesh
Dhaka
Saudi Arabía
Jedda
Riyadh
Dammam
Medinahhhhhh
Sameinuðu Arabísku Furstadæmin
Dubai
Abu Dhabi
Argentína
Buenos Aires
Mar Del Plata
Uruguay
Montevideo
Brasilía
Rio De Jainero
Súdan
Khartoum
Indónesía
Jakarta
Bali
Jogjakarta
Medan
Malasía
Kuala Lumpur
Penang
Filipseyjar
Manila
Kína
Shanghai
Guangzhou
Uzbekistan
Tashkent
Ástralía
Sydney
Melbourn
Portúgal
Porto
Lisboa
Caldas
Og fullt af öðrum stöðum
Holland
Amsterdam
Belgía
Brussel
Frakkland
París
Ítalía
Bologna
Hér og þar.....
Danmörk
Köben
England
London
og svo örugglega einhverstaðar annarstaðar sem ég man ekki eftir.
Gleðilegt ár öll saman, allt það besta á því nýja. Ég finn það svona í iðrum mér að sumarið verði langt, þurrt og gott.
kveðja
þriðjudagur, desember 25, 2007
Það er umdeilt í netheimum hvort hún sé uppspuni eða alvara, læt hvern dæma fyrir sig en sjálfur er ég ekkert í vafa.... ég hringdi í hana og við erum að fara á deit, purrrrrrrrr.
Annars er nú einum degi styttra þar til ég fæ hjólið.... hlakkar ekki öllum til???!?!?!?
jóla kv.
mánudagur, desember 24, 2007
Jólahjól
Það er nú þannig að mitt mottó er að maður verður að elska og vera góður við sjálfan sig áður en maður getur beint svoleiðis að öðrum. Því vinn ég hörðum höndum að því að halda sjálfum mér góðum með gjöfum og góðri meðferð.
Eftir að hafa lagst undir feld, metið stöðu mína og smekk, skipt nokkrum sinnum um skoðun og að lokum tekið ákvörðun tók ég stefnuna upp í Mótor Max í Árbænum. Verslaði mér þar eitt svona:

Þið kunnið að spurja hvort ég sé virkilega svona lovable að ég gefi sjálfum mér svona..... ekki spurning!!!
Þannig að ég komi aftur að inngangi bloggsins þá væri það helst Oslóartréð sem hæfir glæsigrip sem þessum.
Pirrandi staðreind málsins er þó sú að nú er hávetur á Íslandi. Snjór, slydda og slabb hentar þessu ekki, þannig að sú ákvörðun var tekin að umboðið geymi fákinn fram í mars eða apríl þegar snjó hefur leyst og ég verð kominn með allan nauðsinlegan aukabúnað.
Ég get ekki beðið!!!!!
GLEÐILEG (hjóla)JÓL ÖLL SAMAN!!!!
kær kveðja
Birkir Örn
laugardagur, desember 22, 2007
http://www.ruv.is/aj/
Annars held ég að mér hafi tekist að koma upp um glæpamann í kvöld......
kv
föstudagur, desember 21, 2007
Stelpur! Það er ekki hægt að flokka mat, og ákveða hvað skal borðast, eftir krúttleika. S.s. þó kjötið á beinunum í lifandi lífi hafi verið krúttlegt, þá réttlætir það ekki að kjötið þjóni ekki tilgangi sínum og sé boraðað af bestu list. Krúttleiki hefur bara ekkert með það að gera hvað maður borðar. Hættið þessum asnaskap!
og úr alvöru lífsins í eitthvað skemtilegra... MIG!
http://www.elfyourself.com/?id=1629494814
ef þessi linkur virkar ekki þá endilega kíkið á http://www.elfyourself.com , stelpur, þetta er rosa krúttlekt!
kv.
þriðjudagur, desember 18, 2007
Svo hefur verið látlaust rok og rigning síðan ég steig á klakann, nýji staðallinn í veðrinu hérna, skil ekki hvað mönnum gengur til með þessu!
Svo er maður heima um jólin og hvaðeina, hangikjöt og sænsk jólaskinka, piparkökur og laufabrauð, nóakonfekt og jólaöl..... svo er maður farinn aftur í blíðuna í útlöndum að safna meiri brúnku
kv,
mánudagur, desember 10, 2007
fimmtudagur, nóvember 29, 2007
Er núna staddur í Medan í Indónesíu og geri þar garðinn frægan í skvassinu. Náði mér í kennara sem tekur mig í bakaríið daglega og hefur gaman að. Svo illa leikinn var ég eftir fyrstu tvö skiptin að ég var óskrifandi á vinstir hendi, sem er óheppilegt því svo lánsamur er ég að vera vinstrhentur (nota ekki örfhentur því það er rangnefni).
Kem sjálfsagt heim í stutt stopp 15. des. Farinn aftur út fyrir jól.
Ef allt fer fram sem horfið þá mun ekki sjást mikið til mín á frónni á næstu mánuðum. Það er allt af yfirlögðu ráði og hið besta mál.
kv.
fimmtudagur, nóvember 15, 2007
Ég fer því núna í kvöld til Kuala Lumpur og svo þaðan til Medan nokkrum dögum síðar.
Steini Hall er byrjaður aftur að blogga, linkur á hann hér á hægri hönd
kv
mánudagur, nóvember 12, 2007
Ég hugsaði mér gott til glóðarinnar þar sem ég smurði brilljantíni í hárið og sprautaði vellyktandi í munn. Brosandi gekk ég út af hótelinu og í huga mínum voru sjónvarpsauglýsingar sem ég hef séð í gegnum tíðina. Aðlaðandi ungt fólk af gangstæðu kyni hittist í möntvaski og rómantíkin blossar. Klám og kossar næstu árin og allir hamingjusamir….
Ég var með fullan poka af skítugum fötum, langt um liðið síðan síðasti þvottadagur var. Spurðist fyrir og fékk punkt á kort þar sem sjálfsalaþvottahús væri, downtown
Væntingar mínar um þvottahúsarómantík a-la
Ég lét mig hafa það, enda allt orðið óhreint sem ég var með, hugsaði að það væri nú ekkert steitment þó maður sæist læðast um göturnar í þessu hverfi. Smokra mér inn í möntvaskið og les leiðbeiningarnar. Sure enough, það þarf klink og ég er með hverju nærri nóg af því!! “Dem, hvað
Geng ég yfir götu og kemst að því mér til mikillar geðshræringar að það sem skilaboðunum ljáðist að nefna var að
“Hvernig hagar maður sér í svona búð” hugsaði ég þar sem ég gekk inn, taka þetta á kúlinu kanski? Smurefni, böttplöggar, latexbúningar og titrandi hnefar upp um alla veggi. Harðkjarna hommaklámmyndir í sjónvarpinu og gúmmídúkka til sýnis. Er þetta Felix sem er að bera saman kosti Ultralube og Megalube? Ég spilaði mig kúl, “blessaður Felix”…… en þetta var ekki Felix. “Hvað var ég hvort eð er að heilsa” hugsa ég í þá mund er ég fer að telja flísarnar á gólfinu á leið minni upp að afgreiðsluborðinu. Hafði það af að skipta peningunum og koma mér út áður en fleiri afglöp áttu sér stað.
Eins og við var að búast sást ekki stakur kvennmannsskrokkur í möntvaskinu og strákurinn fór einn á kaffihús með hreina þvottinn sinn. Næst tek ég með mér Kók Zero….
Kv
laugardagur, október 27, 2007
En hvað haldið þig... fann ég ekki póst sem ég skrifaði þegar ég var offline, ný kominn úr menningar og vínsmökkunarferð um miðbæ Shanghæ með Bennu. Læt þetta flakka, hef engu að tapa!
Skrifað eldsnemma að morgni 21.10.07
Klukkan er sex að morgni í Shanghai. Ég var að koma a jamminu með Bennu frænku og hennar sambýliskonum. Það eru um 40 tímar síðan ég sá rúm síðast... kallast þetta ekki harka? Samt er ég einhvernveginn ekki þreyttur!???!?! Ekki hjálpa íþróttaálfarnir sem eru byrjaðir að hlaupa hringinn á ítþóttavellinum fyrir utan gluggan... “ER EKKI ALLT Í LAGI!!!! KLUKKAN ER SEX AÐ MORGNI Á SUNNUDEGI!!! ÞEIR SEM ERU EKKI AÐ HVÍLAST FYRIR KIRKJUFERÐ ERU AÐ REYNA AÐ SOFNA ÞUNNIR EÐA ILLA ÞJAKAÐIR AF DRYKKJU!!!” langar mig til að hrópa út um gluggan en átta mig í þá mund sem ég opna hann að þeir tala víst ekki íslensku... hvað þá ensku! Jæja, ég sef þá bara...
Ég er s.s. kominn til Shanghai til heimsóknar við frænku mína hana Bennu. Kuldinn er farinn að segja til sín, einungis um 20 gráður að nóttunni sem er frekar hrissingslegt, nema kanski að maður hafi fengið sér aðeins neða í því......
Lentum í afmælisteiti með ítösku mafíunni í Shanghai eins og hún leggur sig og fann ég áþreyfanlega fyrir því hvernig karlmennska mín átti undir högg að sækja, eða allt þar til ég hneppti niður tvær tölur og bretti upp ermar á skirtunni.... kominn þá á par eða skrefi framar en hinir ósnertanlegu.
Við komumst aldrei að því hver afmælisbarnið var, vissum bara að hann borgaði drykkina og meira þurftum við svosum ekki að vita enda flugmaður, fyrrverandi og núverandi námsmær sem mynduðu föruneitið.
Verð hér til 23. okt þegar ég fer til Kuala Lumpur.... say no more....
kv
fimmtudagur, október 18, 2007
Er núna í Frankfurt en á morgun fer ég FRA-KUL-PVG(Shanghai) þar sem Benna frænka tekur á móti mér.
Ég hitti í kunningja í fríhöfninni í dag, hann sagði mér að honum þætti Kuala Lumpur eitthvað svo töff og exótískt nafn... langaði að fara þangað. Ætla ekki að draga úr glamúrnum, snilldar pleis og allt það en ég spurði lókalinn þar síðast þegar ég var hvað nafnið þýddi. Kuala þýðir drullu, eða skítugur, Lumpur þýðir árós. S.s. Kuala Lumpur = Drullugi Árós. Welcome to Kuala Lumpur.... HROLLUR!
Annars fyrrir öll þau ykkar þarna úti sem hundleiðis í framhaldinu að hafa lesið þennan póst (skil það vel að fólk finni fyrir tómarúmi eftir að hafa lesið ritninguna) þá mæli ég eindregið með að kíkja á www.youtube.com og fletta upp þáttunum um Chad Vader.
Chad er bróðir Darth Vader úr hinum geisivinsælu Star Wars myndum. Chad hefur ekki komist jafn langt í lífinu og bróðir sinn en heldur þó stoltinu, lætur ekki troða á sér. Kíkið á þetta
hér er fyrsti þátturinn http://www.youtube.com/watch?v=4wGR4-SeuJ0
Svo bendi ég á nýjan kubb hérna hægra megin. Ef ég skil þetta allt rétt þá á hann að setja inn punkt á þá staði sem fólk er að skoða síðuna mína. Svo stækkar punkturinn eftir því sem fleiri skoða.
kv
þriðjudagur, október 16, 2007
kv.
fimmtudagur, október 11, 2007
miðvikudagur, október 10, 2007
Alveg steinhlessa skelli ég töskunum mínum á bandið. Það er verið að gegnumlýsa töskurnar mínar. Af öllum þeim skiptum sem ég farið í gegnum tollin, á þeim þrem og hálfu ári sem ég hef verið í þessari vinnu, hef ég tvisvar áður verið “tekinn”. Fyrra skiptið var fljótlega eftir að ég byrjaði, annað skiptið var síðast þegar ég kom heim og svo aftur núna, þrisvar í heildina og 66,6% af þeim skiptum eru síðustu tvö skiptin!!. Ég var farinn að líta svo á að ég væri með þetta afbragðs saklausa lúkk en svo er maður stoppaður tvisvar í röð, hvað er að gerast? Síðast var tölvan handsömuð, en smoothtalkerinn ég kjaftaði mig inn í að sleppa í það skiptið, því eins og satt er þá hafði ég verið minna á landinu en frá því síðan tölvan var keypt og planið var að svoleiðis yrði það áfram hjá mér. Nú var ég auðvitað skíthræddur um að tölvan yrði tekin aftur og að nú væri latexhanskar notaðir í stað hvítu bómullarhanskanna frá því síðast. Svo reyndist hinsvegar ekki. Það sem vakti athygli tollvarða hins íslenksa ríkis var smiglgóss í farangri sem ég var að taka til landsins fyrir nýbakaðan ungapabba úr bumbuflota félags míns.
“Má ég sjá úrið” sagði tollvörðurinn með valdsmannsröddinni sem hann setti á sig við vaktaskiptin í hádeginu.
“Þá byrjar það, nú á að taka mann frá toppi til táar” hugsaði ég um leið og ég sýndi honum úrið sem ég var með á hendinni “gott að ég var ekki með “Rolexinn” í þetta skiptið”.
Hann lítur á það og segir “Já flott úr sem þú átt, láttu mig sjá útið sem þú ert með í töskunni!”
“Ha? Já... þú meinar” stamaði ég um leið og ég hefst handa við að opna tösku ungapabba því ég vissi að ekkert slíkt var í minni tösku! Eftir að hafa farið í gegnum allt og útskýrt það að ég væri nú að taka þessa tösku fyrir félaga minn... blablablabla...... fann ég loks úrið umrædda og rétti kauða. “Þetta er örugglega feik, félagi minn hefur verslað það einhverstaðar” segi ég með það að augnamiði að minka glæpinn með því að játa ALLT frá upphafi.
Tollarinn veltir úrinum á allar hliðar og segist lítið vita um svona úr... hann þurfi að taka það til hæstráðandi yfirtollara á vakt og skilur við mig þar sem ég í andköfum stama “þú getur bókað það að þetta er feik, ég hef smá vit á þessu, þú sérð það á ólinni....”
Þar sem ég stend og bíð stóradóms fylgist ég með mannlífinu í kringum mig. Verið var að opna tösku manns á næsta borði. Hann tjáði tollara að hann væri ekki með nein skilríki á sér. Sá grunur laumaðist að mér að hann væri annaðhvort að gera grín eða fremja lygi. Hann var alvarlegur á svipin þannig að ég dró þá ályktun að hann væri að ljúga, af svip tollarans að dæma komst hann að sömu niðurstöðu og ég.....
Tollarafélagi minn kom að vörmu spori með úrið í annari og sagði að allt væri í góðu. Ég spurði hann hvort ég væri laus, hvort ég mætti fara og hvort allt væri í góðu. Hann sagði já, já og JÁ. Ég gekk því út úr tollinum með bros á vör, syngjandi glaður með skjálfta í hnjám og sæluhroll í maga. Skilríkislausi einstaklingurinn var hinsvegar ekki á leiðinni út og það vottaði ekki fyrir brosi á hans vörum.
Strákurinn verður núna á landinu í nokkra daga... sjáum til hversu lengi það verður
kv