Leti

Jæja, þá er maður búinn að vera sultuslakur í allt of langan tíma, búinn að vera í páskafríi.

Ég gleymdi auðvitað að minnast á hana færnku mína í síðasta bloggi sem á einmitt sama afmælisdag og hann Lalli gamli. Það er hún Carita sem var að verða sautján ára....... úff. Væri að fá bílpróf ef hún væri hérna á Íslandi en danir eru skynsamari í þessu og leyfa ekki börnum að aka bílum. Ef ég fengi einhverju ráðið þá fengi fólk ekki bílpróf fyrr en við 24 ára aldur. Það er fyrst þá sem börn öðlast þann andlegan þroska að geta stjórnað ökutæki og skipt um útvarpstöð á sama tíma. Fyrir um níu árum var unga fólkið hinsvegar mun þroskaðra og tilbúið til að takast á við þá ábyrgð sem fylgir því að aka bifreiðum og þ.a.l. alveg eðlilegt að ég hafi t.d. fengið bílprófið 17 ára.
Páskafríið mitt var eitthvað hálf endasleppt, var innan við sólahring í bænum, aksjón á kallinum. Var búinn að plana fríið frá A-Ö en það eina sem ég náði að gera var að skipta um dekk á bílnum mínum. Kom hinsvegar í örstutta kaupstaðarferð í gær og náði þá að versla mér forlátan lampa í stofuna á 398 krónur og svo skrifborðsljós á rúmar 800 krónur.
Lalli var svo glaður að fá að sækja bílinn minn í Þorlákshöfn á afmælisdaginn að ég ákvað að leyfa honum að skutla bílnum til baka aftur í bátinn. Við það varð hann svo yfir sig glaður að hann ákvað að fara að kaupa fyrir mig ráter svo ég komist á netið heima. Nú þarf ég bara að leggja höfuði í bleyti og sjá hvað annað ég get platað hann útí.
Nú er verið að ráða hérna á fulli og styttist í það að ég verði ekki lengur einn í íbúðinni. Þeir sem hafa hug á að kíkja í heimsókn ættu að fara að huga að því, ef þeir/þau/þær villja vera ein með mér í íbúðinni...... purrrrrrrrrrrrrrrr
Annars get ég nú alveg tekið við gestum í sumar, það er bara ekki sami lúxus í boði þá.

Ég vyl þakka honnum Lalla firyr prófarkalestur á þesary greyn, veyt ekky hvernyg ég færy að án hanns.

kv.