mánudagur, september 24, 2007
Það helsta sem ég hef frá að segja núna er sagan af því þegar ég fékk mér Chicken Ravioli í Herbergisþjónustu hér á Albilad. Það væri svosum ekki í frásögur færandi nema kanski fyrir það að það bragðaðist ágætlega á leiðinni inn en virðist ekki ætla að bragðast eins vel á leiðinni út. Stuttur eftir að ég hafði aflokið að glopra því í mig byrjaði maginn að snúast hægt og rólega rangsælist (miðað við aftstöðu mína) afturábak í hringi. Snúningnum fylgdi einstaka ropar sem lyktuðu eins og íþróttaskórnir mínir, sem hafa fengið að safna lykt allt of lengi óáreittir, og bragðaðist eins og æla. Nú sit ég spenntur, skrifa blogg og bíð þess sem verða vill. Krossum fingur og vonum það besta!
Nú, ef verða vildi að ég nenni ekki að blogga meir þá er þó myndasíðan mín opin og verður opin um ókomna framtíð..........
kv.
laugardagur, september 22, 2007
Á þessu alvefsvafri mínu rakst ég á síðu sem haldið hefur mér við efnið síðustu þrjár vikurnar.
http://www.petitiononline.com/
Nú þegar hef ég skrifað undir áskoranir um öll þau helstu baráttumál sem eru mér hugleikin s.s.
Áskorun um að fá Hubba Bubba til að framleiða Bubble Tape sem heldur betri og þéttari seigju og heldur bragði lengur
Áskorun um að Asrock Bios Teimið stórbæti móðurborðin sín
Áskorun til Pimpsleur um að búa til tungumálakennslu á kúrdísku
Áskorun til Mars Inc. um að hætta að framleiða Skittles með grape bragði vegna þess að:
a) Það passar ekki með hinum brögðunum (sítrónu, appelsínu og læm) því það er ekki sitrus bragð
b)Engum líkar við það!
Áskorun um að Hasbro, sem framleiðir G.I. Joe, gefi út pakka með tveim Kóbra Köllum í því það auðveldar mönnum að byggja upp heildstæðari herafla
Ég mæli eindregið með að menn, konur og börn kíki á http://www.petitiononline.com/ og láti til sín taka.
Næsta frí verður frá 1. okt. Stefnan er tekin á Portúgal þar sem siglingar, surf og sólböð verða stunduð grimmt.
bið að heilsa í bili
þriðjudagur, september 18, 2007
sunnudagur, september 16, 2007
Ding Dong í Hong Kong
Í botnlausri gleði minni verslaði ég mér iHlöðu (tónhlöðu) af nýjustu og fullkomnustu gerð og býð ég fólki að njóta myndar af henni á myndasíðu minni. Tónhlöðuna er ekki einungis hægt að nota undir tóna heldur einnig myndskeið, kyrrmyndir, heimilisföng, hlaðvörp og svo margt fleira!
Bið að heilsa í bili,
Kv.
KALLINN
fimmtudagur, september 13, 2007
kveðja
sunnudagur, september 02, 2007
Með öllu fræga fólkinu!
Hvernig tengist þetta mér svo allt saman. Fyrir það fyrsta þá hef ég komið til Súdan sem á einmitt landamæri að Uganda. Í öðru lagi fór Amin í útlegð til Saudi Arabíu þegar honum var sparkað af stóli og segir sagan að hann hafi notið þess að fá sér kaffibolla á Al Bilad hótelinu í Jedda, sem er einmitt sama hótel og ég hef margoft stundað gistinætur á. Í ofanálag segir sagan að bin Laden fjölskyldan eigi hótelið.
Þannig er líf mitt þétt ofið sögu Uganda.
Útferð á þriðjudag.
kv.
laugardagur, ágúst 25, 2007
laugardagur, ágúst 11, 2007
Nú situr strákurinn og nýtur þess að horfa á Stargeit í sjónvarpinu. Æsispennandi þáttarröð um stjörnuhlið sem mannkyninu hefur tekist að beisla og swingar sér út og suður um hinar ýmsu víddir alheimsins. Í dag..... veðursteinn hefur horfið og veðrið er alveg brjálað. Ekki gott þykir generálnum og sendir því tímateimið sitt til að ransaka. Á næstu þrjátíu mínútum kemur í ljós hvernig málin reddast, en það gera þau alltaf!
kveðja
mánudagur, ágúst 06, 2007
Allir hættir að skoða þetta því ekkert hefur gerst í allt of langan tíma.
Aftur er ég kominn með nýja myndasíðu. Það var meiriháttar vesen á hinum "accountinum" þannig að ég þurfti að fara út í að búa til nýjan. Er að vinna í að skipta út myndasíðuauglýsingunni hérna hægra megin en þar til njótið á
http://www.flickr.com/photos/orninn/
kv.
föstudagur, júlí 06, 2007
Á sama tíma fer annar fyrrum heiðursmaður í skammarkrókinn og linkurinn hans er formlega fjarlægður. Steini sveik lit, gengur nú um með eitthvað á höfðinu (ekki hárkollu) í vinnuni, hætti að blogga og hélt ekki upp á afmælið sitt (bjór og brúnkaka hefði jafnvel sloppið). SVEI ÞÉR!!!
Einnig ber að kynna til sögunnar nýjan, snarskemtilegan myndalink inn á nýja, feiknar skemtilega myndasíðu. Sjá hægramegin.
Riyadh.............. tvær nætur......... jíha.........
kv.
sunnudagur, júlí 01, 2007
Annars eru það litlu hlutirnir í lífinu sem heilla mann þessa dagana og margt sem maður kemst að þegar maður staldrar við og horfir í kringum sig. Vissuð þið t.d. að á hvorum fæti manns eru fimm tær og á þeim vaxa neglur, ein á hverri tá. Þessar neglur þarf svo að klippa og snyrta reglulega!
Það er margur leindardómurinn sem afhjúpast þegar strákurinn fer á stjá!!
kv
föstudagur, júní 29, 2007
Nú er það staðfest að ég hyggst nota allt það frí sem ég á inni núna í sumar. Það þýðir að næst þegar ég kem heim mun almenningur ekki losna við mig fyrr en 11 september, eða um það leiti sem ég hef alfarið gleymt hvernig á að sinna vinnuni sem borgar launin mín.
Ég vonast til að bæta úr útileguleysi síðasta sumars og auglýsi eftir fólki í útilegu. Kuglegrillið verður notað til hins ýtrasta og hver veit nema ég máli kanski herbergið mitt (HD!)!!
En mál málanna.... slepjan hefur verið slöpp undanfarið þannig að ég fór með viðskipti mín (ehem) annað. Slöpp tengingin þar sem ég er núna en fleiri myndir munu dælast inn smá saman.
http://www.flickr.com/photos/birkirorn/
kv.
miðvikudagur, júní 27, 2007
föstudagur, júní 22, 2007
Lessur bíta gat í Brussel
Sá/sú sem getur sagt hvað þetta er/þýðir fær Toblerone stöng að gjöf við næstu heimkomu!
Reglur:
1. Skýrnarnafn má eigi vera Steindór eða Hjalti
2. Bannað að kjafta
3. Lögheimili skráð á Íslandi í Kjósa og Hnappadalssýslu eða nágrenni
4. Finnast harðsoðnu eggin hans Birkis góð! Virkilega góð!
kveðja
mánudagur, júní 18, 2007
Fréttatilkynning
Ég vil nota tækifærið og lýsa stuðningi við Hr. Ólaf Ragnar Grímsson og spússu hans frú Dorrit Mússajeff. Þau eru landi og þjóð til sóma auk þess hversu krúttlegt það er þegar Dorrit talar íslensku. Ég tel það því farsælast fyrir ættjörð vora að þau sitji á stóli sem lengst.
Ég mun halda áfram að beita áhrifum mínum í þágu örvhentra og rauðhærðra sem og á vettvangi Menningarsögufélags Vilson Muga (MVM).
Ég vil afþakka öll blóm og kransa en teki við fjárframlögum að hámarki 10.000.000kr (tíu milljón krónur) á reikning minn í Glitni banka.
að lokum vitna ég í ónefndan höfund og segi " Stjórnmál eru skemmtanaiðnaður ljóta fólksins"
yðar hæstvirtur
BÖA
fimmtudagur, júní 07, 2007
Jólakúkurinn Hr. Hankey

Aðspurður, neitaði Hr. Hankey að tjá sig um málið
sunnudagur, júní 03, 2007
Ég fagnaði lokum veikinda minna með því að fara með Röggu frænku í bíó í gær á Pirates of the Carribean. Mjöööööööööööööööög löng mynd sem er svona bara lala.
Nú ætla ég að fara að raka mig
kv
fimmtudagur, maí 31, 2007
Varla er maður kominn heim í kuldann að líkami manns ákveður að bæta úr. Með hita sígandi í 40 gráðurnar sit ég heima, sultardropar í nefi og almenn aumingjalegheit. Ekki er ég neitt sérlega kátur með ástand mála. Lýsi eftir einhverri mjúkhentri til að strjúka mér um höfuð á meðan ég segi "öööööööööööööööööööööööööööööööööööööööööööööööö, mér líður svo IIIIILLLLLLLLLAAAAAAAAAAAAAA!!!"
Ég er þó ekki af baki dottinn og hugsa mér að ná mér af þessu fyrr en síðar þó alvarlegt sé! Það síðasta sem ég vil þó, er vorkunn!
kv.
sunnudagur, maí 27, 2007
þriðjudagur, maí 22, 2007
Á morgun má hinsvegar búast við því að ég verði jákvæður. Þá verð ég staddur í Dammam, sem er ekki svo beisið, en á leið til Manilla á Filipseyjum. Filipus prins, er hann frá Filipseyjum? Ég ætla mér að komast að því. Frá Filipseyjum fer ég tvisvar til Hong Kong. Er King Kong frá Hong Kong? Því ætla ég einnig að komast að.
kv
sunnudagur, maí 20, 2007
Ég er rótin að stjórnarkreppunni á Íslandi í dag. Ég fór ekki að kjósa og þar af leiðir að Haaaarde og Rúnka eru í þeim viðræðum sem fara fram þessa dagana.
Hefði ég hinsvegar kosið hefði rauðhærði gaurinn með skeggið og fyndni lagahöfundurinn á litla bílnum fengið yfirgnæfandi þingmeirihluta og tekið á málunum um ókomin ár.
Ég byrjaði á könnun, sem Ragga frænka byrti á síðunni sinni, sem leiða átti í ljós hvaða flokk væri skynsamlegast fyrir mann að kjósa. Ég komst hinsvegar ekki lengra en spurningu þrjú því mér leiddist svo könnunin og hætti ég henni þessvegna. Þar að auki var orðið full seint að ákvarða hvað ég skyldi kjósa þar sem vika er síðan kosningarnar voru.
Ég hef fengið það staðfest undanfarnar tvær vikurnar að ég er lélegur í skvassi. Ég ætla hinsvegar að taka mig á í því og mæta fílelfdur til leiks næst þegar innanfélagsmót AAI fer fram hér í sandkassanum. Engin miskun, ekkert bull, bara blóð, sviti og tár.... ef ég nenni.
BISON er besti orkudrikkurinn í Mið Austurlöndum í dag. Af hverju? Vegna þess að hann inniheldur MAXIMUM POWER skv. utanáskrift dollunar sem ég er að drekka úr.
Ég tel mig hafa verið brautriðjanda SUDOKU íþróttarinnar á Íslandi. Fljótlega í kjölfar byrtingar SUDOKU þrautar á vefsíðu minni varð íþróttin hinsvegar mainstream og kastaði ég henni því frá mér eins og hráu úldnu kjöti er kastað fyrir hund. Nú þegar allir eru hinsvegar búnir að fá nóg hef ég fjárfest í SUDOKU bók og leysi gátur sem mest ég má.
Ég lýsi eftir uppskrift að hlöðnu grilli. Ég á reyndar ekki von á því að nokkur maður sem les þetta hafi góða hugmynd að slíku en trúin flytur fjöll og hef ég því ákveðið að halda í trúnna.
Kem svo heim 29. maí um miðjan eftirmiðdag með óskabörnum þjóðarinnar, Icelandair og Hjalta Grétars.
kv. í bili
fimmtudagur, maí 17, 2007
http://www.slepja.com/gallery/Jeddaogalltsem%FEv%EDfylgir%21
Kv.
þriðjudagur, maí 15, 2007
sunnudagur, maí 13, 2007
Mundi ekki vilja vera framsoknareurovisionnord thessa dagana. Bommer a ollum vigstodvum.
Nog ad gera, thannig sed, svosum ekki mikid meira ad segja um thad.
Hereford Steikhus a laugaveginum er tom steik, allt of dyr og ekki nogu adladandi. Ekki fara thangad.
kv.
þriðjudagur, maí 08, 2007
Ég er nú ekki mikið fyrir að monta mig en er nú samt yfir meðallagi greindur og kemst ekki hjá því að segja frá því hvílík meistarastykki ég geri dag hvern því það er svoleiðis langt á undan öllu sem allir aðrir gera. Hvað um það.Það er nú samt gaman frá því að segja að síðan ég fór út 13. janúar þá hef ég komið til eftirfarandi landa, að Íslandi undanskildu!
England
UAE (United Arab Emirates)
Bangladesh
Saudi Arabíu
Frakklands
Spánar
Argentínu
Brasilíu
Úrúgvæ
Portúgal
Malasíu
Indónesíu
Kína
Tævan
Ástralíu
Þýskalands
Lúxembourg
og örugglega einhverra fleiri staða sem ég man ekki eftir í hendingu.
Annað helst í fréttum er að ég gafst alfarið upp á þvottavélinni minni og seldi hana bilaða á 5000 kall. Í staðin keypti ég Alveg Einstök Gæði (AEG) þvottavélaþurkara. Ég vil ekki heyra neina þvælu með að svoleiðis tæki séu verri en venjulegar þvottavélar því það er BULL.
Nú hef ég þvegið og þurkað tvisvar í Alveg Einstökum Gæðum og komist að því sem ég vissi ekki áður, nefnilega að þegar maður þvær og þurkar í splunkunýjum vélum þá kemur ný lykt af fötunum manns. Einskonar nýbílalykt. Ég lykta því eins og nýr bíll þessa dagana, en það er í góðu lagi því ég er að fara til Saudi Arabíu og verð sjálfsagt best lyktandi einstaklingurinn á arabíuskaganum, á eftir Hjalta Grét, að sjálfsögðu!
þar til næst, salamalekum!
sunnudagur, apríl 29, 2007
Svo er það bara heim 4.
kv
sunnudagur, apríl 22, 2007
Ný nýru óskast gefins eða fyrir lítinn pening, helst lítið eða ó-notuð

http://www.slepja.com/gallery/album176?page=2
og
http://www.slepja.com/gallery/album178
kv
föstudagur, apríl 20, 2007
Það er þrettán sinnum hættulegra að fljúga í Rússlandi en annarsstaðar í heiminum. Að Afríku meðtalinni. Afríka er þó ekki rómuð fyrir flugöryggi. Þetta kemur fram í tölum International Air Transport Association.
Í hverjum milljón flugferðum á Vesturlöndum verða að meðaltali 0,65 prósent alvarleg slys. Í Rússlandi er meðaltalið 8,6 prósent. Það er helmingi hærra en í Afríku. Ástæðurnar eru sagðar skortur á þjálfun áhafna, slæmt veður og léleg fjarskipti. Einnig nota mörg flugfélög gamlar og úr sér gengnar vélar.
En ég fer til Taipei á morgun þannig að það er óhætt að segja að ég sé vel óhultur.
Það verður svo að viðurkennast að spennu er farið að gæta í herbúðum minna manna yfir heimkomu minni. Heimkoman verður þó að öllum líkindum skammvinn, örfáir dagar því ég er að spara mér aukalega unna daga fram á sumar þegar sól og steikjandi hiti mun ráða ríkjum á klakanum.
Svo er það auðvitað stóra málið heima þessa dagana:
Stúlka nokkur í vogunum sótti um stúdentaíbúðir nýverið. Þótti henn nóg komið af kjallaravist í híbýlum foreldra sinna og var foreldrunum satt best að segja orðið nóg boðið af langsetu hennar inná heimili þeirra.
Ekki stóðu til miklar vonir um að húsnæði fengist fyrir stúlkuna, en í andstöðu við allt sem eðlilegt þykir reyndist biðlistinn ekki langur og stúlkan fékk íbúð. Grafarvogurinn er framtíðin og því eins gott að hún eigi bíl sem hægt er að aka með einu auga.
Ritstjórnarskrifstofa Peyjans vill óska Röggu til hamingju
kv
fimmtudagur, apríl 19, 2007
sunnudagur, apríl 08, 2007
Þad var svo í dag sem óskopin dundu yfir. Dagurinn byrjadi vel med ágætis kaffi i morgunmatnum og scattered i þrjú og fimm. Gladur i bragdi rölti eg mer nidur á höfn þaðan sem Manley hraðbáturinn siglir yfir til Manley. Planið var að kíkja á mannlífið og grípa aðeins í brimbretti. Fann mér brimbrettabúð við Manley strönd sem leigði mér langbretti og blautbúning með stuttum ermum og skálmum. Glaður í bragði rölti ég niður á strönd með brettið í annari og ekkert í hinni. Tilbúinn að takast á við brimskaflana renndi ég upp gallanum, sparkaði af mér flipp floppunum og hljóp Baywatch-style með brettið undir höndunum á vit ævintýrana. Ég er svona rétt að komast í gang þegar ein alveg massa góð alda kemur og ég set mig í stellingar. Rétt við það að standa upp þegar jafnvægisbrestur á sér stað og ég steypist í hvítfrissandi öldufarganið. Þar sem ég veltist um og bíð eftir að hamagangurinn gangi yfir kemur brettið mitt á siglingu og ákveður að grafa sér holu í andlitið á mér. Beint í vinstri augabrúnina fór það og undarlegur tónn heyrðist fyrir vinstra eyra. Stend upp, reyni að halda reisn og veifa til skvísanna sem sitja uppá strönd og dást að hörku minni. Riðandi tek ég nokkur skref út aftur í átt að öldunum, ætlaði ekki að láta þetta litla atvik stöðva mig. Líður ekki á löngu áður en blóðbragð lætur á sér kræla og steikurnar í Argentínu koma upp í hugann. Ég legg lófa á vinstri augnabrún og kíki svo á. Rauður lófinn gefur mér vísbendingu um að hugsanlega væri ráð að kíkja betur á báttið.
Magann inn og bringuna út, geng ég í land og sé að fólk gjóar augunum á mig, þorir samt ekki að horfa. Dofinn í andlitinu ráfa ég stefnulaust um ströndina að leita að skónum og handklæðinu mínu. Finn það á endanum og tek stefnuna á almenningssalerni í næsta nágrenni. Kíki í spegil og ransaka sárin. Verandi sonur fagmenntaðra heilbrigðisstarfsmanna sá ég á augabragði á blóðugu andliti mínu að best væri að skola það. Þrjár vatnsgusur í andlitið gerðu sitt gagn og í ljós kom myndarlegur skurður á utanverðri vinstri augnabrún, sirka einn og hálfur sentimeter að lengd með um fjörtíuogfimm gráðu horni við miðlínu andlits. Það var á þeim tímapunkti sem ákvörðun var tekin um að finna Strandvörð og leita ráðlegginga. Til að gera langa sögu stutt a sagði hann mér að það þyrfti að öllum líkindum ekki að sauma og að best væri að setja butterfly plástur á þetta til að halda saman. Ég ráfaði því í apóteki í nágreninu og opereraði á sjálfum mér þar. Tók svo þá ákvörðun að láta fagmann kíkja á og fór því á spítala (var búinn að skila brettinu og gallanum í millitíðinni). Fagmaður sagðist ekki þurfa að sauma og skipti mínum umbúðum út fyrir steristrip og sellófan filmu yfir sárið.
Og svo fór nú um sjóferð þá!
laugardagur, apríl 07, 2007
sunnudagur, apríl 01, 2007
Allt er breitingum háð hérna í KL eins og annarstaðar. Kom á staðinn með botlaust brjálaðan roster (vinnuskrá) en er í dag kominn í þann pakkann að reyna að plana næstu fjóra dagana í fríi. Sjötíu og eitthvað flugtímar eru komnir niður í fjörtíu. En ég hef þó náð þeim merka áfanga að komast í 100 tíma á vélina
HD er eitthvað að vorkenna skepnunum úr geitafluginu frá Sydney um daginn. Það er hinsvegar algjör óþarfi að barma sér yfir ógæfu dýranna því tilgangur og tilefni flutningsins var að veita skepnunum þá gæfu að njóta ásta. Þetta voru kynbótageitur og get ég varla í fljótu bragði séð neitt ljúfara í lífi geitar en að fá sína eigin breiðþotu til að skutla sér á milli landa í kynsvall. As we speak er stór hluti þeirra sjálfsagt "making sweet, SWEET love" við Filipínskar skvísur og tarfa!
kv
föstudagur, mars 30, 2007
Restin af Portúgal annarsvegar
http://www.slepja.com/gallery/album175?page=2
Og svo síðustu dagar
http://www.slepja.com/gallery/album176?page=1
Kom frá Sydney í morgun. 2000 geitur, 30 hross og einn hundur voru með í för. Vélin lyktaði eins og fjósið í sveitinni í gamladaga (og sjálfsagt enþann dag í dag).
Ætlaði að skrifa meira en nenni því ekki í bili
kv
miðvikudagur, mars 28, 2007
mánudagur, mars 26, 2007
http://www.slepja.com/gallery/album176
kv
sunnudagur, mars 25, 2007
fimmtudagur, mars 15, 2007
Falleg borg, gomul hus, mikil saga og portugalskur matur.
Rolegheit i dag, strakurinn tharf ad laera adeins adur en hann fer aftur ad vinna.
Litid annad ad segja i bili thannig ad eg hef akvedid ad blogga fyrir Steindor nokkurn Hall thvi undrun saetir ad hann skuli fa ad halda uti eins ovirkri bloggsidu og raun ber vitni.
Steini, thu bara dekkir textan, gerir Ctrl C og svo ferdu i blogginn thinn og gerir Ctrl V
kv
Saelir halsar. Ja, thad er bara ein leið til að lysa því hversu dapur ég hef verið í að skrifa hér á síðuna, já ég er búinn að vera bloggarahaugur!!!
Annars er eg med limru sem lysir vel blogghaugelsi minu:
Latur er eg ad blogga mjog
og thad naer engum attum
sit eg bara og hlusta a log
og er kominn med vinnu hja icelandair
Annars langar mig bara lika ad segja ad eg var ad spila golf um daginn, eg stod mig bara svo vel ad menn a vid Tiger Woods og Erny Ells voru farnir ad hringja i mig til ad fa tips. Eg sagdi theim bara ad gleyma thessu, their mundu aldrei na "The Hallster" taekninni.
kv. Chammpin
þriðjudagur, mars 13, 2007
http://www.slepja.com/gallery/album175
sunnudagur, mars 11, 2007
fimmtudagur, mars 08, 2007
Flugið á íslandi er allt komið á annan endann því Kaftein Æsland hefur verið fjarverandi í mánuð og Portúgal skelfur af tilhlökkun því Drengurinn Væni er væntanlegur innan stundar.
Þetta hefur verið hin besta dvöl og engum lokum fyrir það skotið að maður gæti hugsað sér að koma aftur við gott tækifæri og skoða landið og miðin nánar. Þetta er nú einusinni það land sem býður upp á auðveldustu leiðina til að heimsækja einu heimsálfuna sem ég á eftir að setja X við, Suðurskautið. Hvernig ætli mörgæsasteik bragðist?? Happy feet anyone?
Áttaði mig annars á því í gær, þar sem ég stóð yfir postulíninu, að þegar ég kem heim í apríl þá hef ég heimsótt níu lönd í þrem heimsálfum á þrem mánuðum og þar af eru fimm á eigin vegum. Allsekki útilokað að það gæti eitthvað bæst á listann.
Nú er annars rétt rúm vika í að ég fari að fremja flug aftur. Það væri lygi að segja að maður sé ekki spenntur því ég er nú bara rétt búinn að fá nasasjón á nýju (gömlu) vélinni sem ég er kominn á. Risaeðla er gott orð til að lýsa tækinu. Auk þess standa vonir til að ég fái beis með Hjalta Grétars aka. Daddy Cool, ekki slæmt það.
Síðustu myndirnar héðan eru í upphleðslu. Nokkrar frá Montevideo og þar af eitt vídjó...
að lokum
ADIOS GRINGOS!
sunnudagur, mars 04, 2007
Nú settist ég niður fullur hugmynda um hvað ég ætlaði að skrifa en svo eins og dragsúgur um miklagljúfur skolaðist allt út á einni svipstundu. Hér sit ég eftir gapandi og tómur.
Síðan síðast. Við þríeykið leigðum okkur bíl og brunuðum til Mar Del Plata, strandstað hérna í Argentínu, 400 km suður af Buenos. Verandi sunnan við miðbaug, eðli málsins samkvæmt kólnar í veðri þegar maður fer suður á bóginn.
Við sáum fyrir okkur hvítar strendur, ber brjóst og olíuborna kvennmannsrassa... en það sem tók við okkur var hífandi rok og rigning og gamalt fólk, einskonar Kanarí eyjar Argentínu. Mikið svekkelsi en í staðin sáum við meira af landinu en bara borgina og fengum að reyna Argentínska umferðarstöppu, hún var súr á bragðið! Rúlluðum til baka strax daginn eftir og tókum betur púlsinn á borginni.
Strákurinn er kominn með nýjan fínan leðurjakka. Meistarastykki sem var sérsaumaður utan um fagurmótaðan líkama hans. Af einhverjum ástæðum þótti leðurskeranum þó nauðsin á að hafa herðarpúða. Fellur ekki í kramið og planið að fara og láta þá fjúka enda er drengurinn mótaður í mynd sjálfs skaparans og hef ég hvergi séð það í biblíunni að hann hafi notað herðapúða undir lakinu!
Plön næstu daga eru
-að smella sér yfir til Montevideo í Úrúgvæ. Þriggja tíma bátsferð, tíu tíma í landinu og svo þrír tímar til baka.
-strangar æfingar í jaðarsportinu Harðkjarnatennis
-mátun fyrir klæðskerasniðin jakkaföt
-æfa sig að halda bolta á lofti
-ná í helmassatan áður en komið er heim (á ekki við um sjálfan strákinn, hann hefur enþá góðan tíma í að ná hinum fagra gullinbronsleita lit sem hann er svo þekktur fyrir)
-drekka nokkra bjóra, hvítvín, rauðvín og Tom Collins í viðbót áður en ég fer í afvötnun til Jeddah
-og svo margt margt fleira
37 nýjar myndir komnar inn, á Slepjuna
kv
þriðjudagur, febrúar 27, 2007
Ég er ekki enþá búinn að finna mér konu hérna þrátt fyrir að verða ástfanginn á hverjum degi, mörgum sinnum á dag en setningin sem verður notuð við rétta tækifærið er komin á hreynt.
Eres tan guapa con florisilla de primavera, eða eitthvað í þá áttina. Þú ert fögur eins og vorblóm þýðir þetta. Ég fann þetta í spænskri frasabók, undir kaflanum clubbing, beint á undan "ertu með smokka" frasanum.
kv.
mánudagur, febrúar 26, 2007
sunnudagur, febrúar 25, 2007
Einn stærsti misskilningur mannkynssögunnar þökk sé Portúgölum, hvernig kom það til?
Portúgalski landkönnuðurinn Gaspar De Lemos kom siglandi ásamt hiski sínu á bátum suður eftir ströndu Brasilíu 20. janúar 1502. Komu þeir að gríðar fallegum stað með afar sérkennilegu landslagi og svona temmilega stórum flóa sem teigði sig lang inn í land. Flóinn afmarkast í norðri af hvítum ströndum en í suðri af stórum kletti.
Gaspar sagði við kumpána sína er hann benti á klettinn stóra "Klett þennan nefni ég sykurhleyfinn, því mér þykir hann sætur" því næst tók hann á sjónauka sínum, snéri sér til suðurs og sagði "Strendur þær er liggja suður af Sykurhleifnum gef ég nafnið Copacabana og Ipanema því auðvelt er að semja lög í stuðlum við þau nöfn" að lokum sagði hann "Fljót það er rennur hér í sjó fram nefni ég Janúar Áin og mun borg sú er reist verður hér nefnd eftir fljótinu"
Reistu þeir borg, byggðu liftu uppá sykurhleifinn og smelltu styttu af frelsara sínum upp á einn af fjölmörgum tindum sem gnæfir yfir borginni. Líður og bíður og taka þeir sér bátsfar einn sunnudaginn upp ánna. Það er á þeim tímapunkti sem þeir átta sig á að þeim hefur orðið alvarlega illa á í messunni. ÞAÐ ER ENGIN Á!
Það var þá sem Gaspar sagði hina fleigu setningu "Hei, það geta allir gert mistök! Meira að segja ÉG!"
Ríó og Buenos Aires eru að mörgu leiti eins og svart og hvítt, epli og appelsína, grjónagrautur og hafragrautur. Strendurnar í Ríó setja mikið mark á staðin og mynnir pleisið frekar á strandbæ á Spáni á meðan Buenos Aires virkar á mann frekar sem notaleg borg með meiri menningu.
Kristján er mættur fjallhress og planar að vera hér til 7. mars. Hann fær fjöldan allan af rokkstigum fyrir að slá til og skella sér suður fyrir miðbaug í sumarið og sólina. Hvernig er veðrið annars heima??
Slatta af myndum hefur verið bætt við
kv.
miðvikudagur, febrúar 21, 2007
miðvikudagur, febrúar 14, 2007
Við erum s.s. á spænskunámskeiði þessa vikuna, fjóra tíma á dag og út úr tímum kemur maður illa steiktur í höfðinu. Fallbeigingar, eignarfornöfn, fortíð þátíðar, eignarháttur þuríðar og þessháttar, ég bara skil ekki þessa hluti!!!
Annars festi ég mér eina íbúð í þessu húsi http://www.maderocenter.com/english/home.html
Adios Gringos
föstudagur, febrúar 09, 2007
BUENOS AIRES
Ferðalagið var svo langt að ég missti töluna á tímunum en gróflega áætlað erum við að tala um tæpa 50 tíma. Þar af voru tæpir 30 um borð í flugvél.
En allt er þetta þess virði eins og sjá má á eftirfarandi lynk http://www.slepja.com/gallery/album89
Við erum svona rétt að byrja að skoða bæinn og átta okkur á hlutunum. Planið er fyrst vika hér í Buenos Aires, þar næst fjórar eða fimm nætur í Rio DeJainero á kjötkveðjuhátíð, aftur svo hér í Buenos þar til 8/3/07 þegar við fljúgum heim á leið. Ég reyndar hef hugsað mér að fara beint að vinna enda ekkert varið í að koma heim í kuldann í mars.
Meira hef ég ekki að segja í bili, nema bara að almúginn hefur komið áliti sínu til skila. Í þetta eina skipti verður það tekið til greina og birkir.multiply.com verður ekki notað frekar. Póstarnir hérna fara reyndar automatískt yfir á þá síðu en hverjum er ekki sama um það. Einhver uppfærsla var í boði á þessari bloggsíðu sem ég skráði mig fyrir... veit ekki hvaða dúndur þar er það kemur kanski bara í ljós.
ADIOS GRINGOS!
föstudagur, febrúar 02, 2007
þriðjudagur, janúar 30, 2007
þriðjudagur, janúar 23, 2007
Kíkti í dag útfyrir veggi hótelsins í fyrsta skipti síðan ég kom (fyrir utan ferðina til og frá flugvellinum). Gerðist svo geðveikur að fara á TugTug og verð að segja eins og er að traffíkin hér er eins og ekkert sem ég hef áður séð og hef nú séð ýmislegt. Tók nokkrar myndir á símann, þær eru komnar inn á myndasíðuna
http://www.slepja.com/gallery/Hajj2007
kv
þriðjudagur, janúar 16, 2007
Kominn til Jedda. Planað morgunmatur og sólbað við laugina á morgun.
Fyrsta flugið á vélinni gekk vel. Gaman frá því að segja að fyrir tveim árum þegar ég stundaði mikið flug milli Oran í Alsír og Orly í París sá ég of vél frá Corsair á planinu í Orly. Ég er ekki mjög hjátrúafullur en ég hugsaði oft með mér að þeirri vél vildi ég ekki fljúga þar sem hún er með stafina F-HJAC. Viti menn, Atlanta leigði vélina af Corsair þetta Hajjið og smellti henni til Bangladesh þar sem ég er staddur. Nú er ég að fljúga flugráninu sem ég hafði hugsað mér að væri ekki þar sem ég gæti hugsað mér að gera... náði þessu einhver?
Svo dugði ekkert annað en sjálfan yfirstrumpinn á mig, sjálfan flotaforingjann, yfirflugstjóra félagsins. Það hefur víst spurst út hversu yfirburða hæfileika ég hef í framkvæmd flugs og var hann sérstaklega fenginn til að documenta það.............. righty
kv.
sunnudagur, janúar 14, 2007
miðvikudagur, janúar 10, 2007
Annáll
Árið hófst í Indónesíu, þar fór ég á brimbretti og flaug flugvél.
Í Febrúar kom ég heim og fór í tveggja mánaða frí.... WÁ hvað ég þurfti á því að halda eftir erfiða törn í pílagrímafluginu.
Í mars málaði ég stofuna, það tók viku.
Í apríl hófst ströng þjálfun á flugvélar Excel airways. Svokölluð "Proper training" var framkvæmd á okkur.
Í Júni fór ég svo að vinna fyrir laununum aftur og heimsótti held ég bara allar eyjar í gríska hafinu sem hafa á annað borð flugvöll.
Í október var ég í fríi.
Í nóvember og desember lærði ég á nýja flugvél.
Nú á næstu dögum fer ég svo til Bangladesh í stuðið þar. Handakriki alheimsins, en alltaf gaman að sjá öðruvísi staði.
kv
sunnudagur, janúar 07, 2007
Þið eruð s.s. laus við mig fram í apríl!!!
Vídjó og ljósmyndir af lendingum koma á næstu dögum.
kv
föstudagur, janúar 05, 2007
Hvað dettur manni í hug þegar nefndur er veitingastaðurinn El Paso??? Vænar Vínarschnitselar, sænsk popptónlist og ungverskur bjór innan um mexíkanskt veggskraut. Eða tapas, litlir gaurar með stóra gítara og feitir náungar með litla gítara og fagrar stúlkur með samvaxnar augnabrúnir?
kv.
þriðjudagur, janúar 02, 2007
Rómantískt Stroganoff
Þetta verður lengsti bloggur ársins þannig að setjið ykkur í stellingar og komið vel fyrir.
Nokkrar pælingar sem ég vil fá svör við en áður en það skellur á þá vil ég þakka ÖLLUM þeim sem mættu í nýárspartíið hjá mér aðfaranótt 1. janúar 2007... og fram á morgun fyrir þá sem það á við um. Teitið tókst með svo miklum ágætum að það hefur tekið mig tvo daga að klára þrif almennilega. Húsið var stútfull út að dyrum á tímabili og síðustu gestir kvöddu klukkan 9:30.
Prumpu og rop keppni fór fram (ekki að mínu frumkvæði) og tapaði drengur fyrir stúlku. Smánarblettur á karlþjóðinni og þá sérstaklega í ljósi þess sem almennt er talið að stelpur prumpa ekki. Og ef sá fáheyrði atburður gerist þá er það með blóma og álfalykt!
Nú horfði ég á íþróttamann ársins um daginn á meðan ég svitnaði á skíðavélinni í Laugum. Ekki
var ég sjálfur tilnefndur fyrir frábæra frammistöðu við spegilpósur á árinu en það kemur kanski næst. Allt fór þetta nú vel fram og má hrósa gestum í sjónvapssal fyrir prúðmannlega framkomuki í garð looseranna sem lentu í 2.-10. sæti.formi (ef frá eru taldir bridds menn, skák menn og pókerspilarar) og ættuNú vill það loða við stétt íþróttamanna að þeir eru yfirleitt í yfirburða ekki að eiga erfitt með að lofta verðlaunagripum sem á þá eru bornir. Það var hinsvegar raunin í þetta skiptið. Hvað er MÁLIÐ með þennan verðlaunagrip??? Á hverju var "listamaðurinn" þegar hann bjó til þetta....... verk!?!?!?!?!?!! Mynnir helst á turninn sem kallinn með hvíta skeggið bjó í, í myndinni um Hobbitann... man ekki hvað myndin heitir.
Aumingja maðurinn þarf að koma þessu fyrir heima hjá sér og ég sé ekki alveg fyrir mér að þetta verðir mikið stofustáss.

Ég segi nei takk! Ég mun ekki taka við þessu á næsta ári!
Nú hef ég horft á sjónvarpið í nokkur ár, ekki stanslaust, tek mér pásu á tveggja til þriggja vikna fresti. Ég hef, eins og svo margir, ofboðslega gaman af lögreglu/lögfræðinga/ CSI/Líkhúsavinnufólks/o.s.frv. þáttum sem fjalla um glæpi og hvernig löng hönd laga og réttlætis nær ALLTAF vondu köllunum og kemur þeim fyrir þar sem þeir eiga heima... bak við lás og slá. Það hefur hinsvega valdið mér hugarangri og miklum heilabrotum að horfa á þessa þætti því ef maður skoðar þá í stóru samhengi þá ganga þeir ekki upp hver gagnvart öðrum. Tökum sem dæmi CSI. Glæpur er framinn og Gil Grissom og hans yfirburðar lið er kallað á staðinn. Þau ransaka vetvanginn, vinna úr sönnunargögnum og finna sökudólginn. Þau handtaka sökudólginn, yfirheira hann og sanna sekt hans. Hann fer að sjálfsögðu í fangelsi.
Ef við kíkjum nú á Law and Order þættina þá koma CSI gaurarnir og gellurnar fyrir bara í augnablik þar sem þau greina lögreglumönnunum frá niðurstöðum sínum og svo sér lögreglufólkið um rest, s.s. allt sem CSI fólkið gerði í SCSI þáttunum.
Svo eru lögrfæðingaþættir og þar gera lögfræðinarnir allt sem CSI fólkið gerði í CSI þáttunum og lögreglufólkið gerði í Law and Order þáttunum.
Hausinn á mér er eins og undinn svampur þegar ég hugsa um þetta ég bara átta mig ekki á þessu!!!!
Svona að lokum þá ætlaði ég að láta uppskrift að Ungerskri Gúllassúpu fylgja, en ég fann hana ekki á netinu þannig að hér fáið þið Stroganoff. Nú skora ég á alla stráka sem lesa blogginn að vera rómantískir, elda Stroganoff rétt fyrir konuna og segja svo hvernig til tókst á Kommentið.
Rétturinn er bragðgóður og kúnstin er að sjóða svínakjötið ekki á fullum dampi eða of lengi og hafa gúllasbitana ekki of litla þá verða þeir þurrir og seigir. Pylsurnar gefa gott bragð (Alipylsur er bestar að mínu mati gefa dálítið reykbragð sem gefur sérstakt bragð en þetta er smekksatriði).
Rétturinn er ódýr, áætlaður kostnaður rúmlega 2000 kr fyrir 6+ manns.
Hráefni:
5-700 gr svínakjöt (t.d. svínaskanki í gúllasbitum)
4-5 msk hveiti, salt, pipar og paprikudufti blandað saman við og kjötbitunum velt upp úr hveitiblöndunni.
ca 2 msk smörlíki
5-8 laukar skornir í ferhyrninga (magnið er smekkatriði)
250 gr sveppir sneiddir niður
ca 5 meðalstórar gulrætur skornar í grófa bita
4 dl soð/vatn
1 dl tómatkraftur (puré)
1 peli rjómi/matreiðslurjómi
1/2-1 pk kokteilpylsur (magn eftir smekk)
Aðferð: Brúna laukinn á pönnu og setja í pott með soðinu/vatninu. Brúna kjötið sem búið er að velta upp úr hveiti kryddblöndunni og setja í pottinn ásamt tómatkraftinum. Soðið rólega (á lágum straumi) í ca 15-20 mín. Þá er sneiddum og brúnuðum sveppunum, gulrótunum og rjómanum bætt út í og látið malla í 10 mín. Bæta kokteilpylsunum út í og láta þær trekkja í sósunni (ekki sjóða, sama aðferð og við venjulega pylsusuðu).
Þetta er gott með kartöflumús, hrásalati, brauði eða hrísgjrónum.
kv.
miðvikudagur, desember 20, 2006
mánudagur, desember 18, 2006
sunnudagur, desember 17, 2006
Óhemju feginn að það sér fyrir endann á þessu öllu því þó simminn sé skemtilegur þá er allt gott hófi. Lendingarnar sem við þurfum að taka til að slá endapunktinn á þjálfunina nást ekki fyrir jól. Þær verða þá einhverntíman á nýju ári, vonandi bara sem fyrst.
Kveðja á klakann, sjáumst þar...
föstudagur, desember 15, 2006
þriðjudagur, desember 12, 2006
sunnudagur, desember 10, 2006
Tókst í einhverju æði að rífa gat á náttbuxurnar sem ég brúkaði í nótt. Ekki vandamálið, settist nú niður með nál og tvinna og henti á þetta þreföldum þversaum og buxurnar eru eins og nýjar.
Eins og meðfylgjandi myndir bera með sér þá var þetta ekki mikið mál og finst mér of mikið mál gert úr húsmóðurstarfinu í dag.

laugardagur, desember 09, 2006
Það eru sjálfsagt til margar mismunandi skilgreiningar á því að láta sér leiðast en hér er ein þeirra.
Hermirinn var bilaður í dag en það kom þó ekki í ljós fyrr en við vorum mættir og búnir í tveggja tíma fyrirlestri hjá kennaranum (hann var raddlaus fyrsta daginn og kemur svosum ekki á óvart......). Hvað var þá til ráðs að taka, búinn að læra fyrir tímann og nennti enganvegin að leggjast meira yfir bækur í dag. Það eru takmörk fyrir hvað baunin móttekur af efni áður en það fer að flæða útfyrir. Því var úr vöndu að ráða því möguleikarnir á afþreyingu þegar maður gistir á flugvallarhótelum eru óþrjótandi........ sé maður einhverfur þ.e.
Eftir að hafa farið vandlega yfir stöðu okkar ákváðum við, ég og Nicolas hinn belgíski, að lifa hættulega og kanna ókunnar slóðir. Terminal Tvö var óransökuð og því kjörið að nota drjúgan tíma okkar í að athuga hvaða ævintýri biðu okkar þar. Sky-Link lestin tók okkur yfir og þrátt fyrir stutta ferð þá bauð hún upp á gríðar gott útsýni yfir flugvallastæðið. Eina var að það var orðið mirkur og erfitt að sjá út um lestargluggana. Ég lét því ýmyndunaraflið ráða ferðinni og það sem ég sá.... spuring um að fara að taka grænu pillurnar aftur.
Terminal Tvö bauð upp á mikil vonbrigði. Í raun lítið að sjá annað en McDóna og Mexíkanskan veitingastað (Yo quiero taco bell!), eldflaugaleiktæki sem ég fékk ekki að prófa (vildu meina að ég væri of stór!!!!??!?!?!) og kasskeita safn með höttum frá merkum flugfélögum eins og JAL, Saudia, American og eitthvað fleira.
Hótel skutlan var því tekin uppá Steikina þar sem enn aftur blasti blákaldur veruleikinn við manni.... á ég að leggja mig eða gefa lögunum í iTunes stjörnugjöf???? Decisions, decisions!!! Gamli kallinn sefur svo illa núorðið ef hann leggur sig á daginn, þannig að iTunes varð fyrir valinu. Nú er ég búinn að sitja í TVO tíma við að gefa lögum stjörnugjöf og reikna með að hafa afgreitt um 500 lög á þeim tíma! Það eru 4.17 lög að jafnaði á mínútu.
Ég er svona að komast á þá skoðun að það væri jafnvel heillaráð að kíkja í rassvasaræktina hérna á efstu hæðinni.... það er erftitt að rífa sig frá iTunes....................
Það er svo skemst frá því að segja að í dag var hermirinn bilaður AFTUR! Vorum ný komnir í loftið þegar rofa var smellt og KABÚM.... simminn bókstaflega krassaði með braki og brestum. Það tók svo nákvæmlega þrjá tíma og 15 mínútur að laga hann en það var einmitt sá tími sem við áttum eftir af slottinu okkar í honum. Við erum því tveim "sessionum" eftirá og vill svo skemtilega til að það eru einmitt tveir lausir dagar á prógramminu. Þeir verða væntanlega stoppaðir upp með tímum seint að kvöldi eða um miðjar nætur þannig að þetta nær að klárast fyrir 19. þegar jarðskjálftamælar um alla mið og vestur evrópu fara af stað. Bjartsýnn og einfaldur í hugsun að eðlisfari, þannig að þetta reddast allt saman. Enda er það EINA LEIÐIN!
kv
fimmtudagur, desember 07, 2006
Danke
þriðjudagur, desember 05, 2006
Hann lofar bót og betrun og ætlar að bæta um betur með myndasíðu. Steini, haltu samt myndunum úr svefnherberginu fyrir sjálfan þig og frú Hall.
FBS kláraðist í dag FFS á morgun og næstu níu dagana með tveim D/O.
kv
sunnudagur, desember 03, 2006
auf Wiedersehen
laugardagur, desember 02, 2006
Verslaði mér vídjóvél í fríhöfninni á leiðinni út og er svona rétt að byrja að fikta í henni. Tvö stykki komin inn undir VIDEO flokknum. Annað innan úr "simmanum" sem ég er að hamast í þessa dagana og hitt af öðrum mun nýrri sem er í einhverjum æfingum. Gaman að hafa það í huga að þetta er sjálfsagt á við tveggja herbergja íbúð að flatarmáli.
Flugnörd... kanski, en það er betra en að vera bara nörd eins og vel flestir allir aðrir!
kv.
Stemningin er eins og að vera í lélegri gamalli þýskri klámmynd. Klámmynd vegna þess að möllet og handlebar yfirvaraskegg er normið, léleg vegna þess að það er engin kona nakin!
Þýskan er skemtilegt tunfumál og alltaf gaman að heyra þjóðverjana tala ensku. Kennararnir eru þýskir og frasra eins og:
"Birkir, sis is nicht good.... se shpeeed must...."
"And then you pull da shpeedbrake, JA!"
"Ja, das is wery goot!"
koma skemtilega út.....
Dagskráin er nokkuð þétt. Þetta gengur allt vel enda drottning háloftana sem um er talað.
meira verður ekki sagt í bili
kv
miðvikudagur, nóvember 29, 2006
Heimilisráð!
Skuli hinsvegar harðsjóða egg þá er eggið soðið í um 10 mínútur og kælt svo undir kaldri vatnsbunu. Hvernig skal linsjóða egg kemur ekki fram hér enda er það ekki gott.
óskir um húsráð berist í komment kerfið
kv
þriðjudagur, nóvember 28, 2006
Þegar ég byrjaði á þessum pósti var ég fullur hugmynda um hvað ég skyldi skrifa. Einhvernvegin hefur samtal á msn og Jay Leno alveg þurkað út þær hugmyndir.
Fer út á fimtudag, kanski fyllist ég andagift þegar út er komið eins og skáldin forðum daga. Ég ætti allavegana að geta sagt einhverjar hressilegar sögur af sjálfum mér í simmanum.... og hver vill ekki lesa svoleiðis???????!!!!!?
Það er eitt sem ég ætla ekki að leggjast út í, eins og bumbubræður Hjalti og Steini eru svo duglegir við, og það er að semja limrur og ferskeytlur(skeitlur) svona til að fylla upp í tómt speis á blogginu hjá sér. Ef út í það fer þá er þrettándinn orðinn skelfilega þunnur.
kv
mánudagur, nóvember 27, 2006
miðvikudagur, nóvember 22, 2006
Námskeiðið gengur þokkalega vel, maður er orðinn nett slétt þreyttur á þessu skólaveseni en það sér fyrir endann á þessu því föstudagurinn er sá síðasti. Miðvikudag eftir viku er svo förinni heitið til Frankfurt í Lufthansa skólann þar sem German Precision ræður ríkjum, eða ríður rækjum. Það kemur góðan að þekkja Ómar og vita því hvernig maður tæklar þessa kalla. Svo verður bara að koma í ljós hvort ég flái feitan gölt....
kv.
mánudagur, nóvember 20, 2006
kv.
miðvikudagur, nóvember 15, 2006
Brandarinn verður ekki sagður hér. Það er álitamál hvort hann sé fyndinn eða ekki og skiptist fólk algjörlega í tvo hópa: karlmenn og kvennmenn. Konur/stelpur bara sjá ekkert fyndið í þessu... EKKERT! En það er líka bara í góðu lagi, þær hafa svo margt annað að hlægja að.
Bumban er á góðri leið. Gaman frá því að segja að um það leyti sem ég fæ mína fyrstu bumbu þá losnar Helga hans Snorra við sína vonandi á næstu dögum.
Meira er það ekki í bili
kv.
mánudagur, október 30, 2006
Ég reyndar sé mis vel með augunum. Vinstra hefur vinningin með sjáanlegum mun en ég hef enga nánari útlistun á því.
Ragga frænka átti afmæli um helgina. Hún sýnda afburðar lélegheit með því að fara ekki út á lífið með frænda sínum. Í staðin hitti frændi hennar vinkonur hennar á Vegamótum en tókst með afburðar snilli sinni að móðga og særa hópinn í heild sinni þannig að stór sá á.
Svo vildi til að frændi Röggu lærði brandara fyrr um kvöldið sem honum þótti svo fyndinn að hann sá nauðsin á að segja öllum þennan brandara. Brandarinn er hinsvegar á þann veginn að stelpum finst hann ekki hið minnsta fyndinn. Strákar hinsvegar hlægja sig máttlausa þegar brandarinn er sagður. Frændanum grunaði þetta reyndar en ákvað að sannreina það engu að síður. Við getum orðað það sem svo að útlit er fyrir að vinkonur Röggu hafa ekki mikið álit á frænda hennar eftir atburði helgarinnar.
Það skal tekið fram að frændinn var ekki fullur þó hann hafi verið með Gin og Tónik við hönd, það var einungis til að fæla frá moskítóflugurnar sem voru þrálátar þetta kvöldið.
Frændinn lærði þá dýrmætu leksíu þetta kvöldið að stelpur taka sig allt of alvarlega og móðgast við minnsta tilefni.
kv.
miðvikudagur, október 25, 2006

Eins og sést hafa augun mín litið glaðari dag. Það voru þó ekki slagsmál sem valda þessu heldur Laser augnaðgerð. Ég fékk nóg af gleraugna og linsunotkun og lét slag standa. Búinn að hugsa um þetta í mörg ár og tókst loks með dáleiðslu og hardcore hugalestri að fá foreldra mína í þetta fyrst, svona rétt til að tékka hvort þetta væri ekki í lagi. Það gekk allt vel hjá þeim þannig að ég skelli mér.
Nú er búið að staðfesta bumbunámskeið á mig sexta nóvember. Í tilefni þess birti ég mynd af bumbu:
Tek það fram að ég þekki kauða ekki, hef aldrei hitt hann og ég tók myndina ekki!kveðja
þriðjudagur, október 17, 2006
Þarf sjálfsagt ekki að segja neinum það en það er SKÍTKALT á íslandi.
kv.
laugardagur, október 07, 2006
En hvað um það. Nú er það helst að frétta að Regga frænka er komin með nýja bloggsíðu, ekki seinna vænna enda komið rúmt ár síðan hún skipti síðast. Maður var farinn að sjá það á henni að þetta var farið að plaga hana. Óviðráðanlegur skjálfti, rauð þrútin augun, útbrot í andliti o.fl. Svona fyrst ég er að tala um Röggu þá er vert að taka það fram að hún er á lausu!
Ritgerðarvinnan gengur svona og svona. Ég fékk ritræpu um daginn og ruddi ritgerðinni upp í tæp 1900 orð. Hún á hinsvegar einungis að vera 1500 þannig að ég þarf eitthvað að laga þetta til. Á auðvelt að skrifa um suma þætti verkefnisins en kem varla orði út um annað. Sérdeilis pirrandi.
Nú lítur út fyrir að ég komist heim mánudaginn eftir rétt rúma vikur, ef allt verður á tíma hjá mér fyrr um daginn. Veðbankar eru bjartsýnir á vasklega framgöngu og on-time performance og segja 1/500.000 að það verði töf. Nokkuð gott það.
Meira var það ekki í bili,
kv
sunnudagur, október 01, 2006
Ég er enþá að hugsa um hversu snilldarlega við Hgrét komum aftan að Simma bakkabróður nýlega. Nú bíð ég bara eftir símtali frá Hrekkjalómafélaginu í Vestmannaeyjum. Læðist þó að mér sá grunur að ég sé hvorki orðinn nógu háaldraður né stórskrítinn til að fá inngöngu í það annars ágæta (EEEEEEEEEEHEM!!!!!!) félag. Má vera að Hjalti uppfylli skilyrðin.
Flug til Zakinthos nú seinnipartinn, hvar í hel/%#u sem þar er. Einhverstaðar í Gríska eyjaklasanum... hverjum er ekki sama? Þetta er allt sama sullið. Lítil eyja með malbikuðum flugbrautum sem eru misstuttar og fullt fullt af fjöllum í kring, mjög fallegt o.s.frv. Þrátt fyrir það tekst mér að finna upp flugið á hverjum degi og flugstjórarnir koma gapandi úr flugum með mér yfir endalausum, botlausum, óendanlegum o.s.frv. hæfileikum mínum í að framkvæma flug. Ég er nú ekkert mikið fyrir að monta mig af því en annað eins hefur víst ekki sést síðan Wright bræður smíðuðu reiðhjól hér um árið. Ekki það að ég vilji að kjaftasögur spyrjist út, en sagan segir að til standi að sjálfur Ólafur Ragnar Grímsson komi til með að verða þess heiðurs aðnjótandi að hengja Stórkrossstjörnu (já það eiga að vera þrjú S!) hinnar íslensku Fálkaorðu á mig innan skamms fyrir stórfenglegt framlag til flumála og þá einkum og sér í lagi til flugmála á heimsvísu.
En nóg um mig, tölum um flug!
Var í LonDon um daginn, skoðaði nokkra markverða staði s.s. húsið sem er við það að falla um sjálft sig, eggjahúsið, London Tower og síðast en ekki síst Tower Bridge. Myndaserían, Ég-Og-.... heldur því áfram:

Ég-Og-Tower Bridge

kv
fimmtudagur, september 28, 2006
Það er annars að frétta að ég er kominn aftur til Wilmslow, síðasta skiptið svona í bili allavegana. Það virðist ætla vera nóg að gera í fluginu, svona fyrir utan það að ég svitna þessa dagana yfir ritgerðinni góðu sem ég er að hamast við að berja saman. Ef einhver er með góðar hugmyndir varðandi ALA og CFIT þá eru þær vel þegnar
kv
þriðjudagur, september 26, 2006
Moldvarpan em vildi vita hver skeit á hausinn á henni
"Þvílík ósvífni!" æpti moldvarpan. "Hver skeit á hausinn á mér?" (En hún var svo nærsýn, að hún kom ekki auga á sökudólginn.)
"Skeist þú á hausinn á mér?" spurði hún dúfuna sem flaug þar hjá.
"Ég? Nei, ertu frá þér? - Svona geri ég!" svaraði dúfan. (Og plask-slask - hvít og slepjuleg klessa lenti á jörðinni rétt hjá litlu moldvörpunni. Sletturnar gengu upp á hægri fótinn á henni.)
"Skeist þú hausinn á mér?" spurði hún hestinn sem var þarna á beit
"Ég? Nei, ertu frá þér? - Svona geri ég!" svaraði hesturinn. (Og pomp-klomp - fimm stórar og þykkar hrossataðskúlur hlunkuðust niður beint fyrir framan moldvörpuna. Hún varð svo gáttuð að hún settist beint á dindilinn.)
"Skeist þú á hausinn á mér?" spurði hún hérann.
"Ég? Nei, ertu frá þér? Svona geri ég!" svaraði hérinn. (og tatatatatatatata-fimmtán litlar kúlur þyrluðust um eyrun á moldvörpunni. Henni tókst að víkja sér fimlega undan.)
"Skeist þú á hausinn á mér?" spurði hún geitina sem var þarna að spóka sig.
"Ég? Nei, ertu frá þér? - Svona geri ég!" svaraði geitin. (Og klakkedíklakk - heil hrúga af maltbrjóstsykursbrúnum spörðum hrundi niður í grasið. Moldvörpunni þóttu þau næstum falleg."
"Skeist þú á hausinn á mér?" spurði hún grísinn.
"Ég? Nei, ertu frá þér? - Svona geri ég!" Svaraði grísinn (Og slask - lítill, mjúkur, brúnn klessa lenti á jörðinni. Moldvarpan tók fyrir nefið.
"Skituð þið á haus..." spurði moldvarpan, en hætti við þegar hún sá að þetta voru tvær feitar, grænar flugur að háma í sig mat. Loksins, einhver getur hjálpað mér, hugsaði moldvarpan. "Hver skeit á hausinn á mér?" spurði hún snöggt.
"Augnablik," suðuðu flugurnar. Og svo eftir smástund: "Alveg á hreinu: þetta er HUNDUR!"
Loksins vissi litla moldvarpan hver það var sem skeit á hausinn á henni:
DRELLIR, hundur slátrarans!
Eldsnöggt klifraði moldvarpan upp á hundakofann. (og Pling - lítil svört pylsa lenti á miðjum hunds hausnum)
Glöð g ánægð hvarf litla moldvarpan ofan í jörðina á ný.
Nú spyr ég.... er ég með nógu fjörugt ýmyndunarafl til að semja þetta?
kv
miðvikudagur, september 20, 2006
Kíkið á þetta
Loose Change Part1
Loose Change Part2
What Happened To WTC Building 7
kv.
sunnudagur, september 17, 2006
föstudagur, september 15, 2006
Það er gott að vera kominn heim......................
kv.
föstudagur, september 08, 2006
Haustið er farið að láta á sér kræla hér í konungsveldinu, skilst að það sé suddi og viðbjóður heima. Þetta er allt niðurávið héðan af.... fram í febrúar allavegana
kveðja
sunnudagur, september 03, 2006
Fyrir margt löngu fékk ég viðbjóð og ógeð af matnum sem okkur er boðið uppá í flugvélunum. Sniðugur strákurinn fór því að taka með sér Myoplex próteinhræringa í flug, óhrærða að sjálfsögðu. Var ég nú staddur á jörðinni í Tenerife í gær og hugsaði sem svo að kjörið væri að nota dauðan tíma til að hrista sér einn ískaldan hræring (maður fær vatn í munnin við tilhugsunina). Hristingurinn fer fram eftir kúnstarinnar reglum og geymi ég svo hristingsdolluna mér við hlið þar sem ég hugsaði með mér að kjörið væri að láta klakana sem ég bætti í dallinn kæla hræruna þar til við værum komnir í farflugshæð. Þar sem við erum að klifra í gegnum 24.000 fetin verður mér hugsað til hrærunnar og hveru sárlega svangur ég væri orðinn. Þótti mér þá tilvalið að hrista aðeins betur upp í hrærunni til að hún mundi ná kjör hitastigi og optimum blöndu þegar í efri lög himinhvolfsins væri komið. Þarna gríp ég dunkinn og hefst handa við að hrista. Það sem ég leiði hugan EKKI að á þessum tímapunkti er að dunkurinn er svo þéttur að segja mætti að ég hafi haft sýnishorn loftþrýstings við sjávarmál þarna í höndunum. Þar sem innan veggja vélarinnar vorum við farin að nálgast á þriðja þúsund fetin þá hafði lokið óhemju tendens að skjótast af. Það er einmitt það sem gerðist. Þar sem ég hristi af öllum lífs og sálar kröftum skaust lokið að mestu leiti af og hræran út um allt. Á buxurnar mína, töskuna mína, aðflugskortin, hendurnar, bindið mitt sem ég var ekki einusinni með á mér, QRH-inn (fyrir þá sem vita), meira að segja á gluggann. Hátæknibúnaður flugvélarinnar slapp að öllu leiti enda var ég nógu greindur til að hrista ekki í þá áttina.
Fluffurnar hlógu að mér þar til ég sletti á þær.....
kv
föstudagur, september 01, 2006

Nú er allt farið í hestana. Við kíktum í hesthúsin með Cpt. Lavigne þar sem MERIN hans er ný búin að kasta. Mjög gaman þó við höfum nú ekki komist á bak.
Nú byrjar skólinn hjá mér eftir rétt rúma viku. Álíka þurrt lesefni hefur varla á daga mína drifið síðan ............... mig skortir ímyndunarafl til að ljúka þessari setningu. En allt hefst þetta á endanum og hef ég fulla trú á sjálfum mér.
Meira hef ég ekki að segja í bili.
Þar til næst
kv.
laugardagur, ágúst 26, 2006
Dæmi: Hjalti flugmaður (engin sérstök ástæða að ég velji þetta nafn) ákveður að skella sér í sólarlandaferð. Hann heldur upp á afmælið sitt nokkrum mánuðum fyrr og kemur því svo fyrir að flugfreyjum frá Icelandair sé boðið. Í afmælinu nælir hann sér í eina fluffu og þau eru saman í dag. Þannig fær hann sólarlandaferð til Krítar á töluvert niðursettu verði því hún fær starfsmannaafslátt. Hann pullaði flugmanninn á þetta!
Annars er snarbiluð geðveiki að gera, sem er mér að skapi.
sunnudagur, ágúst 20, 2006
Maður dettur ekkert út úr þjóðmálunum þó maður stígi fæti af skerinu. Annað markvert í fréttum er að EGD Group hefur ákveðið að segja skilið við flugrekstur að öllu leiti og fara alfarið út í annað fjármálabrask. Aðspurður hverju sætti vísaði Bjarni Ra. Garðarsson á sinn næstráðanda Guðmund Tó. Sigurðsson. Guðmundur Tó. neitaði alfarið að svara öllum spurningum en vísaði Magnús Hring Sigurjónsson. Magnús sagði að stefnan hefði lengi vel verið að selja flugvélaflota félagsins á uppsprengdu verði og leigja hann svo aftur á niðursettri óverðtryggðri leigu á erlendum vöxtum. Nýlega hafi hinsvegar fundist betri lausn á...... Þarna hringdi síminn hjá Magnúsi og eftir stutt símtal sagðist Magnús ekkert frekar geta tjáð sig um hagi eða stefnumótun félagsins og vísaði á Hjalta Gr. fjölmiðlafulltrúa félagsins. Erfiðlega gekk að ná í Hjalta en eftir að hafa flett honum upp á www.ja.is undir "Maja" fannst númer sem hann ansaði í. Hjalti vildi einungis koma því á framfæri miklum létti yfir að enginn hafi meiðst, það væri höfuðmálið, hann sló svo út með "farinn til Krítar.....QA TA POUME!"
kveðja


