föstudagur, maí 26, 2006

Leitin að mínu innra sjálfi

Hver er ég, hvaðan kem ég, hvert er ég að fara og er ég sá sem ég held ég sé eða er ég einhver annar? Þessar spurningar brunnu á mér eitt kvöldið hér í Creepy Crawley. Ég fór því í leiðangur. Leiðangur í leit að mínum innri manni. www.google.com -> Personality test -> sirka 8.450.000 niðurstöður. Hér á eftir kemur einskonar þverskurður af því sem ég komst að um sjálfan mig.

Þetta byrjaði ekki vel. Lots Of Jokes persónuleikaprófunarsíðan áreiðanlega komst að einfaldri niðurstöðu: Ég er skíthæll
(You're an asshole.)

Í stutta stund sló þetta mig alveg út af laginu. Ég velti því fyrir mér að kaupa tvo lítra af Hagen Das, leggjast upp í rúm og horfa á Bold And The Beutiful. Þegar ég hinsvegar áttaði mig á því að Bold And The Beutiful var ekki á dagskrá ákvað að halda leitinni áfram.



Næsta stopp átti ég á Quizbox. Þar tók ég Journey to the Real You prófið sem mun hafa verið hannað af hinum virta þýska Dr. Ubershrinken Von Krakkenhausen. Ég vissi ekki hvort ég ætti að hlægja eða gráta, "old, gray and wrinkled". Ég hef greinilega leitað á röngum stöðum að stóru ástinni.
  1. You have 1 true friend.
  2. You will have 1 true love before getting married.
  3. It is your work ethic that you rest for just a minute.
  4. Here is the description of your ideal mate: "Old, gray, wrinkled"
  5. PAMELA ANDERSON is the person you will never get over for the rest of your life.
  6. You give 75% in a relationship.


Nú var ég komin á fulla ferð og lét ekki svona skítakomment stoppa mig. Oreo Personality Prófið var næst. Listi yfir tíu mismunandi leiðir við að borða Oreo kex. Ég valdi tíunda möguleikann, mér finst ekkert Oreo kex ekkert sérstaklega gott, þýðir það að ég sé vondur einstaklingur?!

10. I don't have a favorite way, I don't like Oreo cookies. You probably come from a rich family, and like to wear nice things, and go to up-scale restaurants. You are particular and fussy about the things you buy, own, and wear. Things have to be just right. You like to be pampered. You are a prima donna. There's just no pleasing you.



Ég vil nú meina að þetta sé tóm þvæla, svona að mestu leiti allavegana en það var bara ein leið að komast að því, nefneilega að halda leitinni áfram. Næst bar mig niður á Málningaklessuprófið eða Inkblot test eins og það kallast á fræðimálinu. Ekki fyrr en eftir að hafa svarað 56 spurningum um hinar ýmsu málningaklessur, hvort mér þætti þær kynæsandi eða hvort þær mynntu mig á kýr í faðmlögum fékk ég að vita að það þyrfti að borga 90 pund til að fá fulla staðfestingu á hversu veill á geði ég væri. Svona til málamynda kom þó úrdráttur úr rapportinu. Ég skil ekki orð af því sem stendur þarna!

your subconscious mind is driven most by Imagination

This means you have a deep desire to use innovative ideas to enhance your life and influence the world around you. This drive influences you far more than you may realize on a conscious level.

Your need to be innovative drives how you look at new opportunities and the kinds of experiences in life you choose to have. On an unconscious level, the reason you may be so driven by imagination is your fear of destruction, the opposite of creation. When you are unable to create due to restrictions imposed by your environment or even ones you unwittingly impose on yourself, do you feel trapped or confined? You may find these feelings of unease only get better when you find another outlet for your imagination.

With such a strong creative orientation, you are willing to entertain a broad spectrum of ideas at any given time. The world is a fuller, richer place because you can contribute new ideas to any experience. Your natural curiosity inspires those around you and encourages them to come up with ideas they wouldn't have thought of without your help.

Though your unconscious mind is driven most strongly by Imagination, there is much more to who you are at your core.



Ég áttaði mig á því að ég kæmist sjálfsagt aldrei að hinu sanna um mig nema ég fengi sérfræðiálit Dr. Phil á þessu öllu saman. Eftir að hafa skoðað alla mína kinglegu króka og kima komst Dr. Phil að eftirfarandi niðurstöðu:

Others see you as sensible, cautious, careful & practical. They see you as clever, gifted, or talented, but modest. Not a person who makes friends too quickly or easily, but someone who's extremely loyal to friends you do make and who expect the same loyalty in return. Those who really get to know you realize it takes a lot to shake your trust in your friends, but equally that it takes you a long time to get over it if that trust is ever broken.



Svona til að fá lokaniðurstöðu í þessu stóra máli kíkti ég á próf sem er byggt á öðru prófi þróað af Ulle Zang. Þar valdi ég flottustu myndina og var greindur eftirfarandi:
Peaceful Discreet Non Aggressive
You are easy-going yet discreet. You make friends effortlessly, yet enjoy your privacy and independence. You like to get away from it all and be alone from time to time to contemplate the meaning of life and enjoy yourself. You need space, so you escape to beautiful hideaways, but you are not a loner. You are at peace with yourself and the world, and you appreciate life and what this world has to offer.

Nú var ég farinn að skemta mér svo við þetta að það var erfitt að stoppa. Svona undir lokin ákvað ég að athuga hvort ég væri alvöru flugmaður..... nískur! Myvesta er með það allt á hreinu þannig að ég spurði þá félaga:
" valign="top">

" valign="top">

People who exhibit a balanced money personality style enjoy making and managing money. They may view budgeting and investing as a game of sorts.

Money is viewed as a tool that is used to achieve ones goals.

While they often have a budget, Balanced persons do not become overly uncomfortable with the occasional unforeseen expense or in purchasing the occasional luxury item.

Balanced persons often feel that diligence, research and effort will reward them in the end.

If they invest, Balanced persons tend to have balanced portfolios and are often comfortable seeking advice from financial managers.


Svona til að fá einhverja niðurstöðu í málið eftir að hafa lesið allt þetta þá vil ég segja eftirfarandi. Eftir að hafa kastað út öllum óþægilegum greiningum og niðurstöðum sem mér á einhvern hátt líkar ekki við, kemst ég að þeirri niðurstöðu að ég er hið besta grei og mættu margir..... ALLIR skulum við hafa það, taka mig til fyrirmyndar.

Auðmjúk kveðja ;)

mánudagur, maí 22, 2006

Sama gamla sagan, lítið bloggað undanfarið en það má ekki misskiljast sem svo að ég hafi lítið gert.

Svona síðan ég datt á hjólinu hef ég verið mikið í ræktinni á æfingahjólunum. Þar hef ég verið í stífum æfingum við að pósa á meðan hjólreiðar eru yfirstandandi og gengur bara nokkuð vel. Þarf að bæta mig örlítið í jafnvæginu en þegar það er komið stefni ég beint niður í Nauthólsvíkina í netabolnum.

Nú fer að styttast í að ég þurfi að vinna fyrir laununum mínum. Það hefur ekki gerst síðan ég þurfti að gera það síðast! Planið er að ég fari út á næstu dögum og komi svo aftur heim þegar ég hef lokið útiverunni það skiptið. Þar eftir mun ég taka nokkurra vikna cool-down preíódu til að ná andanum.

kv.

miðvikudagur, maí 17, 2006

Ég fór ekki í ræktina eins snemma og ég ætlaði mér í morgun.........

þriðjudagur, maí 16, 2006


Nú er strákurinn orðinn úttékkaður á tvö flaggskip hins íslenska flugflota, Yak52 og Yak18t. Síðan það gerðist hef ég fátt annað gert markvert en að fljúga. Fór í gærkveld með Guðmund nokkurn Sigurðsson og svo skutlaði ég Hannesi Greese Monkey Auðunnarsyni til Eyja í dag.

Nú ætla ég að skella mér í morgunleikfimi klukkan 06:30 í fyrramálið. Það er rétt ég er endanlega genginn af göflunum. Það góða við að vakna svona snemma er að maður hefur FULLKOMLEGA löglega afsökun fyrir því að leggja sig aftur í hádeginu eða síðdegis.

ég bið ykkur vel að lifa

sunnudagur, maí 14, 2006

Ég man ekki hvar ég sá þetta fyrst en þetta er sjúklega fyndið, og satt í öllum smáatriðum. Robin Williams er auðvitað snillingur og hér talar hann um golf:

http://thetravisty.com/Stand_Up_Comedy/WMV/Robin_Williams_Golf.htm

Steggjun fór fram í gær, tókst mjög vel til hjá okkur, full dagskrá frá morgni til kvölds. Við fórum meðal annars í M16 sem ég mæli eindregið með fyrir utan það ef þið þjáist af hjólreiðameiðslum, þau geta tekið sig upp á ný og grasserað.

kv

fimmtudagur, maí 11, 2006

Var ég úti að hjóla nú fyrir tveim kvöldum síðan. Hjóla framhjá tveim skutlum á línuskautum og hugsa að það borgi sig nú að vera svalur for the ladies. Sit því í svona afslappaðri stellingu á hnakknum með aðra hendi á stýri. Hygg ég nú að ráðlegt sé að bremsa léttilega til að fari ég ekki allt of langt frá dömunum sem ég er að heilla upp úr skónum. Vill ekki betur til en svo að ég ríf svo svaðalega í frambremsuna að hjólið staðnæmist en ég held áfram. Malbikið tekur á móti mér opnum örmum. Þar sem ég ligg í öngum mínum í götunni rúlla beiburnar framhjá. "er í lagi með þig? þetta var nokkuð tilkomumikið hjá þér". Það eina sem ég hef af að segja er "Já, takk!"

Annars er ég bara nokkuð kátur

fimmtudagur, maí 04, 2006

Hinn Háæruverðugi skrifar:

Nú styttist í að fólk þurfi að fara að taka mig alvarlega. Strákurinn er búinn að skrá sig í fjarnám og verður innan fárra ára kominn með meistaragráðu í flugresktrarfræðum ef allt gengur eins og ætla má. Námið er við City University London og kostar skyldinginn þannig að manni er hollast að standa sig. Eina spurningin er hvort maður komi til með að finna sér tíma til að læra í amstri vinnunar sem maður er í.

Nú hef ég kosið og gæti kjörstjórn því allt eins lokað kjörstað og talið upp úr kassanum. Hvað ég kaus ætla ég ekki að gefa upp hér en að sjálfsögðu kaus ég rétt, en ekki hvað!

Sjöppenhamn verður það heillin um helgina. Ég ætla að halda upp á átján ára afmælið mitt í Köben með því a skella mér á Radiohead tónleika. Gunni Litli bjallaði í mig fyrir um mánuði síðan, sagðist eiga tvo miða á Radiohead og bauð mér forkaupsrétt á öðrum þeirra. Eftir ýtarlega skoðun á vinnutilhögun minni ákvað ég að nýta mér forkaupsréttarákvæðið og verslaði mér því miða með IceEx til Köben. 25° hiti og sól verður þar um helgina, hvað annað.

Steini greiið. Hann er svo dedicated að það hálfa væri nóg. Nú erum við massabræður að hamast í ræktinni við hvert tækifæri. Það hinsvegar nægir ekki heldur kýs hann að skella sér á Hilton Kúrinn til að ná auknum árangri. Hilton kúrinn, eins og Atkins kúrinn, er hinsvegar mjög umdeildur af þeirri einföldu ástæðu að hann er í raun Búlimía with an edge. Nóg um það í bili.

kveðja

laugardagur, apríl 29, 2006

Hjólaklúbbur 101 hefur hafið göngu sína í fjarveru eins aðal sprotans. Ómar Extreme er erlendis en það heldur seint aftur af Bjarna Bike (aka. Grandmaster BB) í að skipuleggja ferðir um 101 og nágrenni. Bjarni Bike fékk sér hjól og hefur vart stigið af því síðan. Nú fyrir nokkrum dögum var ég dreginn í hjólatúr þegar ég heldur hefði viljað horfa á Lost. Miskun er orð sem finnst ekki í annast feiknar fjölbreittum orðaforða Grandmaster BB þannig að ég gaf mig á endanum. Ég pumpaði því í hjólbarða Garðars Fiskimanns og smellti mér á bak. Við komum við hjá Magga Marathon og tókum svo skemtilega ólögulegan hring um miðbæinn. Þegar öllu var á botninn hvolft reyndist þetta mjög gott framtak hjá BB því veðrið var hið ákjósanlegasta og hjólatúrinn því meira en lítið hressandi.

kv

þriðjudagur, apríl 25, 2006

sunnudagur, apríl 16, 2006

Það vottar fyrir öfund í kommenti frá Steina við síðasta póst. Sjálfsagt vegna þess að síðast þegar hann var í Crawley sótti hann um að gerast meðlimur í Bingóklúbbi Crawley. Hann þótti hinsvegar ekki físilegur kandídat og fékk neitunarbréf sent nýverið. Steini tekur Bingóið alvarlega og varð meira en lítið súr við þessar váfréttir. Það að rakka niður aðra betri Bingó spilara er hans leið að "díla" við neitunina, við verðum bara að virða það. Steini, það geta ekki allir verið góðir í Bingó!

Kem annars heim annað kvöld

kveðja

sunnudagur, apríl 09, 2006

Konan í næsta bás hjálpar okkur að skilja í hvaða röð miðarnir verða spilaðir, ekki veitir af því ég hef ekki spilað Bingó síðan fyrir löngu og þetta er einhvernvegin allt öðruvísi. Tölurnar glymja í hátalarakerfinu, gamlar konur með sígarettuna í annari og bingóspjaldið í hinni mynna helst á áhorfendur á tennisleik þar sem höfuðið sveiflast milli þess að horfa á skjáinn með tölunni og spjaldið.

Okkar leikur er ekki byrjaður þannig að við bregðum okkur frá til að kaupa bingópenna. Á undan okkur gengur kona með fullan disk af frönskum og einhverju sem lítur út fyrir að vera stórasystir pulsunnar en litli bróðir bjúgans. Einhverskonar saussage er það en ég kemst ekki hjá því að velta því fyrir mér hversu marga daga það hafi legið frammi eftir að það var eldað.

Bingósalurinn er nákvæmlega eins og ég var búinn að sjá hann fyrir mér. Mikil og sterk lýsing, teppi á gólfinu, ljós bleikur litur ráðandi, básar með fjórum sætum hver og í hverjum bás lítill hátalari þar sem tölurna streyma áfram endalaust. Allir reykjandi, einhvernvegin mistur í salnum en samt ekki, lyktin fer þó ekkert á milli mála. Samt á einhvern sérstakan hátt er staðurinn mjög snyrtilegur.

Við reynum að falla í hópinn, haga okkur eins og lókallinn en enhvernvegin erum við eins og aðkomumenn í kjörbúðinni á Tálknafirði, það sjá það allir að við erum drullu nervus og höfum ekki hugmynd um hvernig við eigum að haga okkur.

Nú er komið að okkar leik. Stjórnandinn er kominn í púltu og þylur upp endalausa bunu af leiðbeiningum og reglum sem sjálfsagt allir þekkja nema við en allir skilja nema við. Stjórnandinn heldur svo uppi léttu spjalli við sjálfan sig í um 15 sekúntur. Gömlu konurnar horfa á hann aðdáunaraugum og hugsa á milli þess sem þær sjúga á sígarettunum, “bara ef hann væri minn, hann er svo myndalegur, besti bingóstjórnandinn í West Sussex og þó víða væri leitað!”.

“Forty four, all the fours, four and four, sixteen, one and six, one six”, leikurinn er byrjaður, betra að hafa athyglina við það sem máli skiptir. Tveir og hálfur tími líða eins og fingri hafi verið smellt en engan vinning höfðum við uppúr þessu í þetta skiptið.

Þegar ég leggst svo á koddann um kvöldið hugsa ég með mér “Hvað gerði ég í dag?” Eftir stutta umhugsun var svarið ljóst, jú “Ég spilaði BINGÓ!”

Þetta var í fyrradag. Í gær reyndum við svo fyrir okkur á hundaveðhlaupi niðrí Hove. Öllum tókst okkur að vinna smáræði en komum þó flest út í mínus.

kv

sunnudagur, apríl 02, 2006

Mér leiðist og er skapi næst að semja um það ljóð. Í mig vantar hinsvegar alla stuðla og höfuðstafi þannig að ég held að okkur sé öllum best borgið ef ég hreinlega sleppi því.

Næst fer ég á námskeið 9. apríl, frí þangað til. Þá verður mér kennt að opna hurðir og hoppa út úr flugvéla án þess að hafa landgang, yyyyeeeeeeeeeeeeeeeeeeha.

Búinn að finna mér mótorhjólaleigu inní london, er að spá í að skella mér á hjól í nokkra daga og sjá hvert fákurinn ber mig.

Madrid fór út í veður og vind þegar ekki náðust samningar um viðráðanlegt verð á flugmiðum þangað.

kv
Mér leiðist og er skapi næst að semja um það ljóð. Í mig vantar hinsvegar alla stuðla og höfuðstafi þannig að ég held að okkur sé öllum best borgið ef ég hreinlega sleppi því.

Næst fer ég á námskeið 9. apríl, frí þangað til. Þá verður mér kennt að opna hurðir og hoppa út úr flugvéla án þess að hafa landgang, yyyyeeeeeeeeeeeeeeeeeeha.

Búinn að finna mér mótorhjólaleigu inní london, er að spá í að skella mér á hjól í nokkra daga og sjá hvert fákurinn ber mig.

Madrid fór út í veður og vind þegar ekki náðust samningar um viðráðanlegt verð á flugmiðum þangað.

kv

fimmtudagur, mars 30, 2006

Jájá, seisei,

Ekki mikið að frétta annað en að nú er ég útskrifaður í CRM enn eitt skiptið. Frekar rólegt næstu dagana og er ég mikið að spá í að skella mér til Madrid, meira um það síðar.

Góðar líkur á því að ég nái að fljúga eitthvað fyrir mánaðarmótin júní-júlí.

Áætlaðri heimkomu hefur verið seinkað um nokkra daga.

kv.

sunnudagur, mars 26, 2006

Nú fer ég út í fyrramálið og kem heim aftur 16. apríl. Ekki fæ ég að hanga í hornunum á neinni ótemjunni þetta skiptið heldur á að rifja það upp fyrir okkur hvernig maður ber sig að við slíka hluti. Creepy Crawley verður heimilið næstu þrjár vikurnar, gerum bara gott úr því.

Bendi á fyrir alla þá fjölmörgu sem koma til með að vilja hringja í mig á næstu þrem vikum þá er UK símanúmerið mitt hér uppi í hægra horni

kveðja

mánudagur, mars 20, 2006

Nú styttist í að maður hverfi af landi brott eitt enn skiptið. Nú er förinni heitið til fyrirheitna landsins........ ehemmmm Englands þar sem sitja skal námskeið í starfsháttum Excel Airways þar sem ég mun gera garðinn frægan í sumar. Ekki hef ég gert mikið af því að fljúga undanfarið og mun ekkert rætast úr því á næstu tveim mánuðum ef fram fer sem horfir. Meira um það síðar, kanski.


Kvennmannsleysinu á heimilinu var snarlega kippt í lag nýverið. Ég skellti mér í Blómaval og verslaði mér Heimilisfrið. Eftir að heim var komið gerði ég þau afdrifaríku afglöp að skíra blómið karlmannsnafninu Kjartan. Mér var svo bent á það af góðri vinkonu að það væri eitthvað skakkt við að blómið bæri karlmannsnafn. Því kippti ég snarlega í liðinn með því að afnefna blómið og vinn nú hörðum höndum að því að finna gott nafn á kellu, allar tillögur eru vel þegnar.



Svo er strákurinn bara allur að verða HEL KÖTTAÐUR, enda er tekið svo svaðalega á því í ræktinni að nýr standard hefur verið settur, skilst að WC sé að frjárfesta í þyngri lóðum þessa dagana.

Mikið hefur verið eldað á heimilinu síðan síðast. Í gær tók ég mig til og bauð hjónunum í mat. Er ég alveg sérlega stoltur af eftirréttinum sem ég eldaði frá scratch eins og sagt er á vondu máli. Súkkulaði soufflé var það heillin og tóks svona líka sérlega vel. Ég ætlaði að setja mynd með en hún bara vill ekki koma.

kv.

laugardagur, mars 18, 2006

þriðjudagur, mars 07, 2006

Loks koma myndir af drossíunni. Sý fyrsta er af Steindóri nokkrum meðeiganda þar sem hann stendur stoltur við trjónu gripsins. Proppinn vantar á en það hefur ekki valdið neinum vandamálum enn sem komið er.










Hér ber að líta bensíngjöf og proppskaft.... purrrrrrrrrrr þetta er verklegt......


















Mælaborðið í allri sinni fegurð. Skilur einhver rússnesku?









Tinni og Skafti eða Skapti













Það er greinilega margt sem gerist þegar ég er að heiman. Þessi mynd er tekin úr falinni myndavél sem komið var haglega fyrir í fataskápnum í herberginu mínu.









kv.

mánudagur, mars 06, 2006

Mikið bloggleisi hefur hrjáð landan undanfarið og svosum kanski ekki skrítið. Kvefpest hrellir flest höfuðból bæjarins eins og vera ber á þessum árstíma og lítið við því að gera annað en að taka því rólega.
Meira hef ég ekki að segja í bili,

kv.

miðvikudagur, mars 01, 2006


Jájá, ekki mikið að segja enda er maður heima þessa stundina. Kíkti í stutta heimsókn til Eyja í dag. Þar voru allir kátir, þeir sem eftir eru allavegana. Átti ekki erindi sem erfiði en þannig er það bara.
Annars eru þó stórtíðindi af mér sem ég man nú í einni svipan. Eftir að hafa lagst undir feld (bútasaumsteppi sem mamma saumaði) hef ég ákveðið að versla mér hlut í flugklúbbi. Hér er ekki um hvaða flugklúbb sem er að ræða heldur sá eini sem vit er í. Klúbbur sá er um ræðir ber ekkert nafn að því er ég best veit en á tvær svölustu einkaflugvélar landsins og svo víða væri leitað. Nú erum við ekki að tala um neitt venjulega rjómabúðinga með flata mótora heldur Rússneskar YAK18 og YAK52 sem báðar bera stjörnuhreyfla. Meira um þetta síðar.

Þessa öðlinga hitti ég svo á leiðinni frá Bakka í dag.

þriðjudagur, febrúar 28, 2006

Ísland... BEST Í HEIMI!

Tveir íslendingar eru úti í sveit að aka og sjá bíl fastan úti í kanti.
Þeir ákveða að hjálpa og fara út úr bílnum. Þetta eru útlendingar
og kunna íslendingarnir lítið í ensku en tekst að spyrja: "Dú jú vant
help?"
Útlendingarnir svara " no no this is ok"

Íslendingarnir vilja endilega hjálpa og gefa sig ekki og segja: Jes ví help jú
Útlendingarnir: No no this is ok
Íslendingarnir: Jes jes nó vesen - ví help jú

Þeir ná í reipi í bílinn sinn til að freista þess að draga bílinn -
í versta falli að ýta honum upp á vegkanntinn aftur.

Útlendingarnir: What are you gonna do?

Íslendingarnir: First ví reip jú - Þðen ví ít jú

föstudagur, febrúar 24, 2006


fimmtudagur, febrúar 23, 2006

10%

Nú er strákurinn búinn að kaupa sér sófa. Þeir verða afhentir á N81 stundvíslega klukkan tíu í fyrramálið. Nú er stóri höfuðverkurinn hvort sófarnir komist inn án þess að skápurinn þurfi að fara niður. Það er aðeins ein leið að komast að því.... prófa.

Í gegnum tíðina hafur þróunarkenning Darwins sannað sig svo um getur. Hér fyrir neðan fylgir texti sem sannar það svo um getur að við karlmenn höfum náð langt um lengra á þróunarbrautinni en þið konur. Njótið

How to Make a Woman Happy

It's not difficult to make a woman happy. A man only needs to be:
1. a friend
2. a companion
3. a lover
4. a brother
5. a father
6. a master
7. a chef
8. an electrician
9. a carpenter
10. a plumber
11. a mechanic
12. a decorator
13. a stylist
14. a sexologist
15. a gynecologist
16. a psychologist
17. a pest exterminator
18. a psychiatrist
19. a healer
20. a good listener
21. an organizer
22. a good father
23. very clean
24. sympathetic
25. athletic
26. warm
27. attentive
28. gallant
29. intelligent
30. funny
31. creative
32. tender
33. strong
34. understanding

35. tolerant
36. prudent
37. ambitious
38. capable
39. courageous
40. determined
41. true

42. dependable
43. passionate
44. compassionate
WITHOUT FORGETTING TO:

45. give her compliments regularly
46. love shopping
47. be honest

48. be very rich

49. not stress her out
50. not look at other girls

AND AT THE SAME TIME, YOU MUST ALSO:
51. give her lots of attention, but expect little yourself
52. give her lots of time, especially time for herself
53. give her lots of space, never worrying about where she goes
IT IS VERY IMPORTANT:
54. Never to forget:
* birthdays
* anniversaries
* arrangements she makes


HOW TO MAKE A MAN HAPPY



1. Show up naked
2. Bring food


kv.

föstudagur, febrúar 17, 2006

37.000 fetum ofar sjávarmáli á um 900 kílómetra hraða. Fór í þægileg föt um leið og um borð var komið og eignaði mér sætaröð sem mér leist á á efra þilfari. Las bók, varð þreyttur og laggði mig loks í um tvo tíma. Dreymdi að það væri sjálfsagt betra að leggja sig niðri þar sem fimm sæti eru í röð í staðin fyrir þrjú, það er óþægilegt að geta ekki teygt úr sér. Rumskaði og ákvað að það væri kjörið að geyma áframhaldandi svefn þar til síðar. Tók til við að leita að innstungu. Þær er gjarnan að finna nálægt hurðum og viti menn, þar fann ég eina. Tölvan sett í samband og moggi gærdagsins lesinn, ekkert fréttnæmt nema kanski að það mun glitta í sól þegar ég kem heim. Kíki á DV, Sirrí greiið á ekki sjö dagana sæla en hún er svo jákvæð að þetta mun allt fara vel á endanum, hún meira að segja verslaði skyr.is fyrir blaðamanninn. Elda mér mat, 17 mínútur á HIGH og voila, dírindis kjúklingaréttur framreiddur með kartöflugratíni og sveppasósu. Fæ mér sprite, er einhvernveginn búinn að missa lyst á gosi þannig að ég helli því eftir fyrsta sopann. Ríf upp pullu úr sætinu fyrir framan mig og kem mér vel fyrir þvervegis í sætaröð 66 á efra þilfari. Skrifa blogg, átta mig á því að ég þarf að stilla klukkuna í tölvunni, kippi því í liðinn. Tek fram DVD mynd sem ég verslaði í gær, GOOD NIGHT, AND GOOD LUCK. Mynd eftir barnalækninn George Clooney, skilst að hún sé ágæt. Bara tveir og hálfur tími eftir til Dubai og svo um sjö tíma flug áfram til Manston, reikna ekki með að ná kvöldfluginu þaðan heim þannig að það verður bara hádegið á morgun.

Eftir stutt sólbað á rampinum í Dubai sýndi Mási litlu 767 kvikindunum hvernig á að hafa risa úthafs þrýstiloftsflugvél í loftið. Ég dáðist að honum í stutta stund en ákvað svo að fara afturí og horfa á DVD. Celluar með Kim Basinger og öðrum stórleikurum fór í drifið. Gamla skutlan Kim sýnir glæsta takta í hlutverki móður sem lendir í hringiðu svika og pretta. Óvæntur endir þegar allt fór vel, kom algjörlega aftan að mér! Önnur mynd var svo tekin með trompi, man ekki hvað hún heitir lengur. Var þá kominn tími á að kvíla lúin augun. Í þetta skiptið fylgdi ég hjartanu og fór niður þar sem fimm sæta röð var í boði. Út frá ýtarlegri greiningu á ástandi mínu taldi ég að um eins og hálfs til tveggja tíma svefn yrði útkoman. Það næsta sem ég veit er að tröllvaxinn flugvirki hristir mig til meðvitundar úr djúpum drauma svefni þar sem aðeins fimm mínútur eru til lendingar. Manston var það heillin.

Eftir ítarlega toll og vegabréfaskoðun.... EEEEEEEHEM, var farið í rútu. Umferðaslys á M25 (longest car park in the world) olli því að eins og hálfs tíma ferðalag lengdist í um fjóra til fjóran og hálfan. Tíminn var notaður til hins ítrasta þar sem haldið var firmakeppni í Kana. Lengi vel hafði ég höfuð og herðar yfir andstæðniga mína en eitthvað var tímamismunurinn að leika sér að mér því eftir að hafa kallað Kana bað ég svo um rangt spil í upphafi og tapaði þannig fyrsta slag! -50 stig takk fyrir og við Siggi lentum á botninum.

Til að gera allt of langa sögu stutta þá komumst við inn á hótel, sváfum af okkur yfir nóttina og tókum svo fyrsta flug til Íslands.

kv

föstudagur, febrúar 10, 2006

Nú er ég alveg hlessa. Harðlínubræðurnir Steini og Hjalti virðast vera fara á límingunum yfir dægurmálunum heima, hlakka ég til að koma heim og sjá um hvað argaþrasið snýst.
Nú svo ég taki nú þátt í þessu samt þá skil ég nú ekki bofs í hvað hinn vestræni heimur er að hugsa þessa dagana og þá sértstaklega fréttamiðlar. Það voru mistök að birta þessar skopmyndir einusinni en til hvers í ósköpunum að birta þær aftur og aftur og aftur og aftur og aftur, hvað með smá virðingu?
Hvað um það, þetta var mitt pólitíska sjónarhorn þetta árhundruðið, búast má við næsta skoti einhverntíman uppúr því herrans ári 2100.

Nýjasta nýtt í heimkomusögum er að nú er planið að stíga fæti að frosna fold þann 15. febrúar.

Síðast en ekki síst, nýjar myndir á SLEPJUNNI

kv

mánudagur, febrúar 06, 2006

Jæja, nú er það komið á "hreint" að ég er að koma heim 17. febrúar eða þar um bil. Ferðalagið er einhvernveginn á þann veg að eldsnemma að morgni 16. febrúar að staðartíma í Jakarta mun bumba hefja sig til lofts frá Jakarta áleiðis til Dubai. EInhverntíman uppúr hádegi lendum við í Dubai, tökum nokkur tonn af eldnsneyti og höldum svo áfram til UK þar sem áætlað er að lenda einhverntíman milli 17 og 18 að staðartíma í Fairford. Hvað er í Fairford veit ég ekki, ég er ekki einusinni viss um að staðurinn heiti Fairford, veit bara að hann er vestur af london, sirka eins og hálfs til tveggja tíma akstur. Tveir newmannar hjá kompaníinu munu gera sitt besta til að vélin komist heil á leiðarenda en það eru þeir Mási og Frikki. Hef ég hugsað mér að framkvæma línutékk á þeimm á þessari leið og mun ég miskunarlaust refsa þeim fyrir hvert það skipti sem farið er út fyrir 757/767 SOP. Hvað um það, svo ég vitni nú í Baggalút þá kemur eftirfarandi texti upp í hugann:

Settu brennivín í mjólkurglasið vina því að ég er kominn heim.
Já skvettu brennivíni í mjólkurglasið vina því að ég er kominn heim.
Nú er ég kátur og kominn af heiðinni með kindurnar, hef fengið nóg af þeim.
Ég er búinn að vera svo lengi á leiðinni, loksins kominn heiiiiiiiiiiiiiiiiííííííííím, ég er kominn heim.

Settu sláturkepp í pottinn kæra vina því að ég er kominn heim.
Farðu og hengdu svo upp þvottinn vina því að ég er kominn heim.
Nú er ég kalinn og kominn af heiðinni með kindurnar hef fengið nóg af þeim............

Settu Clyderman á fóninn kæra vina því að ég er kominn heim.
...............

kv

föstudagur, febrúar 03, 2006

Alveg verður maður tækjaóður fjandi hérna á þessum slóðum. Maður er varla búinn að verlsa sér eitt leikfangið þegar maður rekur augun í annað dót sem manni langar í....... aaaaaaaaaarrrrggghhhhhhh. Svo finnur maður alltaf góða ástæðu fyrir því af hverju maður ætti að kaupa hitt og þetta.
Sundlaugin, gymmið, skoða DVD og annað dót, kvöldmatur, sofa....... svona eru dagarnir núna, vill einhver skipta? Ekki það að ég vilji skipta, maður bara spyr svona.

Gymmið kallar

kv.

þriðjudagur, janúar 31, 2006

Hér í Indó gengur allt svona líka glimmrandi vel....... Átti að fljúga í dag en af tæknilegum ástæðum verður það ekki fyrr en í fyrsta lagi eftir tvo daga eða þar um bil. Vekur það ekki mikla lukku þar sem ég yfirgaf ljúfa lífið í Jakarta fyrir tveim dögum til að standa þarflaust stanby og fljúga svo daginn eftir. Hvað um það. Þegar staðan er svona og maður byrjar að spennast allur upp þá er kjörið að skella sér í nudd einusinni sem oftar. Í dag og í gær hef ég farið þrisvar í nudd. Það er erfitt að neita sér um það þegar nuddtíminn kostar minna en dós af orabaunum í Nóatúni Rofabæ. Gærdagurinn hófst með höfuð og herðanuddi með dassi af handanuddi. Eftir stuttan göngutúr um fjarska fallega miðborg Banjarmasin rákumst við á fótanuddstofu. Við sviftum okkur þar inn og fengum snarlega ágætis fótanudd og þrif. Í dag var svo rölt um markaðinn hér í Banjar (myndir koma þegar ég kemst í almennilega tengingu) og var því fylgt eftir með full body massage.
Enn er ekkert frekar að frétta af heimkomu nánar en einhverntíman uppúr miðjum mánuði. Hefur mér borist til eyrna að sérlega gott kaffi fáist nú á heimilinu þökk sé leigutaka. Er það vel og verður boðið grimmt í kaffi þegar ég kem heim... með auðfúsu leyfi leigutaka að sjálfsögðu.


Nú eru hjónin Lalli og Helga Dröfn búin að versla sér íbúð í Breiðholtinu. Þau eru semsagt að verða Breiðhyltingar! Góðu fréttirnar eru að þau munu innan skamms fjárfesta í litlu VW Rúgbrauði og ráða til sín bílstjóra sem mun sjá um komplimentary sætaferðir uppí Breiðholt til að fólk komist í heimsókn. Hef ég heyrt að þetta sé mjög barnvænt umhverfi..... sem er gott.
Innilega til hamingju með íbúðina, hlakka til að gista hjá ykkur

kv

laugardagur, janúar 28, 2006

Það eru margar pælingar sem fara í gegnum kollinn á mannig þegar maður er í útlöndum. Sú nýjasta er að mála stofuna á N81 þegar ég kem heim. Mér þykir reyndar fátt leiðinlegar en að mála en hvað leggur maður ekki á sig fyrir sjálfan sig? Það er reyndar spurning um að bíða eftir að HD mæti aftur á klakann því ég veit það fyrir víst að henni þykir fátt skemmtilegra en að mála. Í staðin get ég bakað fyrir hana pönnukökur og lagað kaffi......... í kaffivél leigutaka míns.

kveðja

miðvikudagur, janúar 25, 2006

Nú ætla ég að játa nördisma minn með því að auglýsa eftirfarandi síðu. Ég vil þó taka það fram að nördismi þessi getur komið sér vel fyrir menn í rómantískum hugleiðingum því hvað er rómantískara en að liggja með sinni uppáhalds einhverstaðar í skítakulda uppá miðri heiði, bæði klædd í Kraft-galla og horfa á norðurljósin?

http://www.sec.noaa.gov/aviation/

Muna svo bara að kalla norðurljósin Aurora Borialis og slá um sig með því að kalla pólstjörnuna Stella Polaris....... með hæfilegum tilþrifum

Ég er annars staddur í Jakarta þessa stundina því við mér blasti fjögurra daga frí sem ég vildi enganvegin eyða í Banjarmasin. Gymmið og spa-ið hér er algjör snilld og góðar líkur á að maður komi hel-köttaður heim eftir margar góðar stundir á hlaupabrettinu.

Ég verslaði mér PSP í Jeddah. Svosum ekki mikið um það að segja á þessari stundu annað en að mér tekst ekki fyrir mitt litla líf að láta kóperuðu leikina virka. Það er sjálfsagt bara gott á mig og kominn tími til að versla sér eitthvað orginal.

kv

föstudagur, janúar 20, 2006

Skapgerðarbrestir

Nú hef ég ætíð talið mig vera frekar yfirvegaðann einstakling. Að sama skapi hef ég ætíð litið á golf sem einksonar “gentlemans” sport. Ég sé Steina félaga og hugsa... hann er undantekningin sem sannar regluna ;) Svo byrja ég að stunda golf. Hvað gerist? Það kallar fram allt mitt versta skap! Á mínum stutta golfferli hefur kylfa brotnað, við fleira en eitt tækifæri hef ég séð ástæðu til þess að leggja kylfu frá mér á þann hátt að hún endi sem lengst frá þeim stað þar sem ég stend hverju sinni, ég hef notast ljótara orðbragð en eðlilegt hefur talist hjá kirkjuræknum íslendingum hér fyrr á öldum og svo framvegis! Ætti ég að hætta að stunda sportið eða bara ná mér í örlitla leiðsögn?

Golfferð dagsins var farin á Sheraton völlinn hér í Jakarta sem er einn sá besti sem við höfum fundið á svæðinu. Allt gekk þetta svona líka vel þar til í kringum tólftu holu þegar allt fór að ganga á afturfótunum. Það lét ég yfir mig ganga þar til á átjándu þegar ég “ákvað” að hætta, það var ágætt að enginn sá til.

Annar var Emerates kapteinninn sem spilaði með okkur alveg svona líka fjallhress og ánægður að fá þrjá snarbilaða íslendinga til að spila með í staðin fyrir þurrkuntu asíu snobbara, svona nokkurnvegin haft eftir honum... ákil mér einhvern rétt til að muna þetta eins og mér hentar.

Af gríðar flóknum tæknilegum ástæðum er þetta er skrifað 19/01 en ekki hent á netið fyrr en 20/01. Segið svo að maður hafi ekki lært neinar góðar afsakanir úr bransanum!

kv

miðvikudagur, janúar 18, 2006

Nú veit ég ekki alveg hvað er í gangi hjá strák en af einskærri snilld hefur mér tekist að "tapa" símanum mínum tvisvar á síðastliðnum þrem dögunum en að sjálfsögðu "fundið" hann aftur í bæði skiptin. Af hverju gæsalappir?? Jú vegna þess að ég tapa ALDREI hlutum, ég bara set þá á staði þar sem ég á stundum erfitt með að muna eftir. Ég finn þá ALLTAF aftur.... ALLTAF!! Þess vegna er mér illa við að segja að ég hafi tapað símanum en það róar taugarnar ólýsanlega að setja gæsalappir sitthvoru megin við orðið.
Þannig er mál með vexti að ég ákvað að fara degi fyrr frá balí þar sem restin af drengjunum voru með bóka flug degi á undan mér og ég nennti ekki að hanga þar einn. Því tók ég bílinn með þeim út á völl en í staðin fyrir að geta tékkað mig beint inn þurfti ég að hlaupa á milli afgreiðsluborða í von um að geta breytt miðanum mínum yfir á þegar yfirbókað flug (það tókst reyndar á endanum svo vel að ég fékk sæti á bissnes á meðan drengirnir sátu þar sem þeim best fer.... á monkey class!). Um förtíu mínútum fyrir brottför átta ég mig á því að handsími er enginn í fórum mínum en honum hafði ég haldið á þegar við biðum eftir bílnum á hótelinu. Í einni svipan leitar á mig ljóð eftir þá snillinga Harald og Þórhall sem er einhvernveginn svona:

Símann, sumir telja,
talsvert flókinn hér,
ef viltu, númer velja,
ég vil kenna þér.

Fyrst þú heyrnartólið tekur
og berð það upp að eyra...
Ef að enginn heyrist sónn,
bilaður er telefónn.

Styður fingr' á skífun'
og stafinn fyrsta velur,
Síðan snöggt til hægri snú,
og hana nú.


Þar sem ég stend sönglandi á miðju flugstöðvargólfinu fyrrgreindann ódauðlegann textann átta ég mig á því að ég þarf að gera eitthvað í málinu!!!!!! Í snarhasti hringi ég upp á Hard Rock hótel þar sem síminn finnst. "TOLONG CEBAT" skræki ég í símann í von um að fá minn kæra áður en flugið fer en á þessum tímapunkti veit ég þó ekki hvort ég fái að fljóta með. Þetta tekst allt með herkjum og flýg ég til Jakarta eins og áður segir með hvítann borðdúk undir gæsapateiinu á meðan félagar mínir afturí valda vel hlutverki sínu að vera ballest á móti okkur merklilegra fólkinu frammí.
Annað skiptið var þegar ég fór út að eta hér í Jakarta og tókst af mikilli snilld að skilja símann eftir í sætinu á bílnum þegar ég greip veskið mitt til að borga 60.000 dúggúlúggús í bílinn. Bílsjtórinn átti sér svo einskis ills von nokkru síðar þegar hani fer að gala einhverstaðar aftur í bíl hjá honum. Símann fékk ég aftur og var svo ánægður að ég splæsti 70.000 kalli á bílstjórann.

Hvað um það,

Stefnan er tekin á Banjarmasin 20. jan og flug 22. til Jeddah. Í þetta skiptið lítur út fyrir að maður verði pungsveittur í fluginu því heilar þrjár ferðir til Jeddah er búið að setja á mann og þar á meðal síðasta flugið.

bið að heilsa í bili

föstudagur, janúar 13, 2006

Balíblogg

Ég lít aftur fyrir mig og sé að það er ein á leiðinni. Á minn standard er hún bara nokkuð stór, spurning hvort maður reyni við hana? Hún kemur nær og nær, hugsunin gerist ágengari, er hún of stór fyrir mig? Sýnist hún vera á annan meter! Ef ég bíð of lengi þá fer hún framhjá án þess einusinni að gera mér nokkuð gagn, ég þarf að ákveða mig! Neinei, big is beautifull, ég skelli mér á hana. Það er orðið svolítið áliðið, ég er orðinn dasaður en hvað gerir maður ekki til að skemmta sér aðeins? Ég set mig í stellingar, tilbúinn að vaða beint í hana og láta hana ekki komast upp með neinn yfirgang.
Þær eru góðar með sig hérna og hafa farið illa með menn en ef maður fer rétt að þeim þá getur maður átt góða stund í einrúmi með þeim. Það endist kanski ekki lengi en það er þó frekar vegna þess hversu óreyndur maður er en annað.
Loks kemur að þessu, ég hugsa til orða leiðbeinandans, tæknin skiptir öllu! Þeir eru búnir að stúdera þetta vel hérna á Balí og eru öllum hnútum kunnugir. Það er búið að kenna manni allt um það hvernig á að nálgast þær, komast uppá þær og svo að rúlla sér ofan af þeim eftir að gamanið er búið. Ef maður passar sig ekki getur þetta endað í leiðindum! Ég nennir ekki að standa í því, það getur skemmt fríið að standa í veseni eftir svona lagað. Ég er ekki í þessu til að horfa á sólarlagið, ég vill bara bleytu og nóg af henni! Ég leggst niður, hún kemur að mér, 1-2-3 ég stend.... hugsa um ballansinn, mynnist þess að hafa heyrt að maður eigi að halda sér neðarlega, annars kasta þær manni af. Ég finn það strax að ég hef tak á henni, hún er ekkert að fara án mín héðan af. Ég geri allt sem mér var kennt eins vel og ég get, hugsa um hendurnar, beyta þeim rétt, restin af líkamanum, stellingin skiptir öllu máli. Hlutirnir gerast hratt í bransanum og áður en ég veit er farið að styttast í þessu hjá mér. Ég náði nokkuð góðri ferð þarna og ég hélt að ekkert gæti stöðvað mig en allir góðir hlutir taka enda.
Áður en það er orðið um seinan rúlla ég mér faglega af eins og mér var kennt. Ég ligg í stutta stund áður en ég stend upp, gríp um brettið og læt vaða aftur út í brimið á móts við nýja öldu sem er einhverstaðar á leiðinni frá Ástralíu til móts við mig.


Það er erfitt að kvarta þegar maður hefur það gott..... þess vegna ætla ég alfarið að sleppa því. Frá Balí er allt það flottasta að frétta. Sunblock og mikið magn af aftersun hefur ráðið lögum og lofum hér síðustu dagana en þetta er allt að komast í horfið núna. Við fjórmenningarnir ég, Mási, Gummi og Frikki höfum ekki setið auðum höndum hér enda meira við að vera en maður á möguleika á að komast yfir á svo stuttum tíma sem tíu dagar eru. Rafting, parasailing, waterskiing og að sjálfsögðu surfing er hluti af því sem við höfum verið að eiga við hérna.


Síðast en ekki síst, nýjar myndir á SLEPJUNNI

Kveðja

þriðjudagur, janúar 03, 2006

Nú er strákurinn kominn til Jakarta þar sem allt er í lukkunar velstandi.
Eitthvað voru bambusarnir að stökkva í veg fyrir mig á golfvellinum í dag þegar ég ætlaði að chippa kúlunni inn á greenið því nían endaði í tveim hlutum eftir viðureign mína við kúluna. Það var ekkert annað að gera en að hætta eftir níundu holu til að halda geðheilsu og heilu golfsetti.

Tók indverskt nudd í dag sem er barasta eintóm snilld. Það jafnast að sjálfsögðu ekkert á við alvöru nudd hjá nuddmeistaranum Helgu Dröfn en þessi komst nærri. Planið að fara aftur á morgun... þetta er svo skelfilega ódýrt að maður getur ekki neitað sér að fá þetta.

Ekki á morgun heldur hinn er stefnan tekin á Balí í tæpa tíu daga. Þar verður gist á Hard Rock hótelinu þar sem við fengum einhvern ótrúlegan díl. Segi betur frá því eftir um hálfan mánuð.

kveðja í rigninguna heima

laugardagur, desember 31, 2005

GLEÐILEGT ÁR ALLIR SAMAN !!!!!!!!

Áramótin í ár verða í boði
Fahd Bin Abdul Aziz Arabíukonungs í borg allra borga.... Jeddah. Hvað gerir maður á gamlársdag, jú maður fer að leita að Nemó. Hann fann ég í rauðahafinu þar sem ég snorklaði í morgun. Planið var að taka myndir með leigðri neðansjávarmyndavél en hún var biluð þannig að ég vil benda á ÞESSA síðu sem er með myndum af eitthvað af fiskunum sem ég sá. Leiðinlegt að segja frá því en Nemó fann ég ekki. Kanski næst.....


Nú er Balí handan við hornið en í staðin fyrir að koma í slydduna og rokið heima þá hef ég kosið að liggja á strönd með bland og bús í hléinu sem er á milli fyrsta og annars hluta pílagrímaflugsins. Þetta er böl og pína en einhver verður að gera þetta! Ekki er mikið planað á Balí annað en að langþráður draumur um að læra að sörfa skal verða að veruleika.
Samkvæmt plönum, sem eiga þó eftir að breytast, er ég settur á síðasta flugið frá Jeddah þann 11. febrúar þannig að maður er sjálfsagt að koma heim í kringum 13.-14. febrúar eftir langa en góða útiveru.


Nokkrar nýjar myndir eru komnar inn á SLEPJUNA.

Langar að lokum til að óska Raggí frænku og Sigurgeir innilega til hamingju með daginn 29. desember. Ég hefði viljað vera á staðnum en heyri sögurnar þegar ég kem heim. Aftur, INNILEGA TIL HAMINGJU HJÓN.
Þar sem ég er svo spakur kasta ég fram hér spakmæli sem mér finst eiga vel við

Það er engin leið að hamingjunni, hamingjan er leiðin
Búdda (Siddhartha Gautama f. 563 f. Kr.)


ÁRAMÓTAKVEÐJA............

sunnudagur, desember 25, 2005


Nokkrar nýjar myndir komnar á MYNDASAFNIÐ auk þess sem ég skrifaði texta við flestar myndirnar

laugardagur, desember 24, 2005

Gleðilegt Jólablogg

Nú er upprisinn aðfangadagur jóla 24. desember 2005. Þétt dagskrá hefur verið frá því níu í morgun þegar jóla-klukkan hringdi inn jóla-aðfangadaginn. Jóla-morgunmaturinn rann ljúflega niður þar sem reyktur jóla-lax var í aðalhlutverki ásamt jóla-ommilettu sem tókst þó ekki nógu vel því jóla-kokkurinn laumaði jóla-osti í gripinn óumbeðinn þegar jóla-ég sá ekki til. Ég lét það nú ekki skemma fyrir mér jóla-aðfangadaginn enda hress með eindæmum. Að afloknum jóla-morgunmat skunduðum við jóla-Guðrún í jóla-mallið hérna handan götunnar til að jóla-Guðrún gæti verslað sér jóla-gjöf sem er þetta jóla-árið jóla-PS2 (Playstation) með tuttugu leikjum, svindlkubb og auka jóla-stýripinna. Þar sem við vorum stödd í jóla-mallinu þótti mér kjörið að skella mér í jóla-klippingu enda er ég að safna löndum þar sem ég hef farið í klippingu í. Enn sem komið er þá trónir Bretland hátt á toppi listans yfir VERSTU lönd heims til að fara í klippingu í og skal þá tekið fram að á lista þessum eru bananalíðveldi eins og Alsír, Frakkland og Sádí Arabía. Ég kom svona líka jóla-fínn út úr klippingunni og er jóla-sáttur við hvernig til tókst.
Jóla-DVD diskar voru skoðaðir af áfergju en samkomuleg náðist ekki um jóla-verð á fyrstu jóla-seríunni af Scrubs þannig að ég snéri mér um hæl og stunsaði út. Þegar upp á jóla-hótel var komið var tekið á því í jóla-Gran Turismo leiknum í PS2 og þykir mér leitt að tilkynna það að ég var ofurliði borinn þegar jóla-Guðrún sýndi ótrúlega jóla-takta í leiknum og sigraði mig æ ofan í æ. Skal það ekkert rætt frekar.
Jóla-tennis tók við af leikaraskap en sá leikur stóð ekki lengi því þótti okkur jóla-veðrið í ár vera í frekar í heitari kantinum til að spila jóla-tennis utandyra. Tók ég mig þá til og tók jóla-skokkið í jóla-gymminu og stóð mig nokkuð vel þó ég segi sjálfur frá.
Jóla-sturtan var tekin þegar upp á herbergi var komið enda var ég helsveittur eftir jóla-skokkið. Settist ég svo niður, smellti út nokkrum jóla-SMSum við dynjandi undirleik jóla-laga í flutningi Mahaliu Jackson og þambaði einn góðan jóla-vanillu Myoplex. Svörin við jóla-SMSunum streymdu fljótlega að og þakka ég kærlega fyrir jóla-hlýhug um jóla-hátíðarnar. Jóla-símtalið fékk ég að heiman frá jóla-mömmu og jóla-pabba. Jóla-skinkan var í eldun og allt á plani eins og alltaf.
Hafið það jóla-gott um hátíðarnar, borðið ekki yfir ykkur en haldið samt ekki aftur af ykkur, það kemur alltaf nýtt líkamsræktarkort eftir það sem rann út síðast. Þetta eru mín Jóla-ráð

Jóla-kv.

miðvikudagur, desember 21, 2005

Þá er strákurinn í Jakarta og búinn að versla sér golfsett. Settið með nokkrum kúlum og leðurhanska til að refsa kylfunum með kostaði 1.750.000 dúggúlúggús. Orginal Pro Thech (eða eitthvað í þá áttina), það kom ekkert annað til greina. Svo fór ég í golf en komst að því mér til mikillar mæðu að kúlurnar sem ég keypti voru ekki nógu góðar. Á svo mörgum sviðum eru þetta lélegar kúlur að það væri of mikið að fara út í díteila með það hér en ég nefni nokkur dæmi.
Það er erfitt að hitta þær. Þær eru hægrisæknar. Þær drífa stutt. Svo lélegar eru kúlurnar að driverinn endaði út í runna með viðeigandi öskrum og látum og á tíundu holu fór ég upp á hótel og lagði mig.
Það er annars komið á hreint núna að ég verð hérna í Jakarta um jólin, flýg til Banjarmasin 27. og verð svo í Jeddah um áramótin, skilst að enginn haldi upp á áramót eins og lókallinn í Sádí.

Gleðileg jól og áramót

kv.

mánudagur, desember 19, 2005

GSM númerið mitt í Indónesíu sem ég kem til með að nota þar til ég kem heim í feb
+62 81 348 404417

kveðja
Nú höfðum við það af að komast frá Dubai aftur til Banjarmasin. Vinnuskráin hefur hinsvegar öll tekið nokkur hliðarskref til hægri og lítur út í augnablikinu (legg áherslu á augnablikinu) að næsta flug hjá mér verði 28. des. Þegar það verður staðfest mun ég stökkva upp í næstu vél með stefnuna á Jakarta og leggjast flatur á hlaupabrettið á hótelinu þar.
Steini, ef þú verður í Jakarta einhverntíman á tímabilinu þá sendiru að sjálfsögðu SMS! Ég mun fá mér local númer síðar í dag og birta það hér.

kv.

fimmtudagur, desember 15, 2005

Nú er ég vegna óviðráðanlegra orsaka staddur í Dubai. Því miður eru hvorki Dubai Hjalti né Arabíu Steini á svæðinu til að taka mig í túr um borgina. Áhöfnin eins og hún leggur sig rölti í bæinn áðan, ég verslaði mér eitt Rolex og eitt Breitling á alveg hreint ótrúlega góðum prís. Þetta er borg sem kemur skemmtilega á óvart.
Ekkert meira að segja í bili, hetjusögur bíða betri tíma....... Þarna var ég í 35000 fetum!!......

kv

miðvikudagur, desember 14, 2005

Vegna óhemju fjölda áskorana þá hef ég tekið þá ákvörðun að setjast í sæti tungumálakennara hér.

ABAKABAR þýðir How'r you doing eða bara hvernig hefur þú það. Það er ofurflott ef maður getur sagt það Joey style, þá tísta flugfreyjurnar svo tímum skiptir.
TERIMA KASIH þýðir takk fyrir
GILA segir maður um einhvern, eitthvað sem er létt ruglað. Ekki sniðugt að segja við lögregluna, tollverði, hermenn og aðra sem halda á framhleypum.

Frá Stan.... THE MAN kom frasinn DIMINA ADA. DIMANA þýðir Where is the.... ADA Steini þarf svo að fræða okkur um það hvað ADA þýðir

HIC kom með Satu lagi Bintang - dingen !! Ég hef ekki hugmynd um hvað það þýðir nema að Bintang er local bjórinn hérna. HIC, útskýrðu máli þitt!!

Ellefu og hálfs tíma flug framundan, JÍÍÍÍÍÍÍÍÍÍÍÍÍHA!!!!!!!!!!!!!!!!!!

Kv

þriðjudagur, desember 13, 2005

Nú sit ég hérna á Albilad hótelinu í Jeddah, ný búinn að gúffa í mig spagetti bolognese og uploada myndum inn á slepjuna. Ég nenni ekki í augnablikinu að setja texta við myndirnar en svona í stuttu máli þá eru fyrstu myndirnar frá Singapore þar sem við vorum í gær með nokkrum úr áhöfninni. Þar eftir er ein af golfvellinum í Jakarta. Svo koma myndir af safni sem við fórum á í Jakarta þar sem fólk kom til okkar og vildi myndir með okkur og börnunum sínum. Five minutes of fame! Svo er restin frá Banjarmasin sem er á Borneo eða Kalamatan eynni í Indónesíu. Við leigðum okkur bát og skelltum okkur í skemmtisiglingu upp eftir ánni sem liggur í gegnum bæinn. Aftur var maður eins og stórstjarna, fólk kom hlaupandi út úr húsum til að sjá stóra hvíta fólkið og nokkrumsinnum var kallað á eftir okkur "I LOVE YOU!!".

Indónesíunámið gengur vel, frasar eins og ABAKABAR, TERIMA KASIH og GILA eru mikið notaður.

kv
Nú sit ég hérna á Albilad hótelinu í Jeddah, ný búinn að gúffa í mig spagetti bolognese og uploada myndum inn á slepjuna. Ég nenni ekki í augnablikinu að setja texta við myndirnar en svona í stuttu máli þá eru fyrstu myndirnar frá Singapore þar sem við vorum í gær með nokkrum úr áhöfninni. Þar eftir er ein af golfvellinum í Jakarta. Svo koma myndir af safni sem við fórum á í Jakarta þar sem fólk kom til okkar og vildi myndir með okkur og börnunum sínum. Five minutes of fame! Svo er restin frá Banjarmasin sem er á Borneo eða Kalamatan eynni í Indónesíu. Við leigðum okkur bát og skelltum okkur í skemmtisiglingu upp eftir ánni sem liggur í gegnum bæinn. Aftur var maður eins og stórstjarna, fólk kom hlaupandi út úr húsum til að sjá stóra hvíta fólkið og nokkrumsinnum var kallað á eftir okkur "I LOVE YOU!!".

Indónesíunámið gengur vel, frasar eins og ABAKABAR, TERIMA KASIH og GILA eru mikið notaður.

kv

laugardagur, desember 10, 2005

Jakarta

Eftir þrjátíu og eins tíma ferðalag komumst við loks til Jakarta helþreytt á fimtudagskvöld að staðartíma. Jakarta hefur farið þokkalega vel með okkur en eldsnemma í fyrramálið tökum við stefnuna á Banjarmasin. Samkvæmt gildandi vinnuskrá á ég svo að fljúga til Batam annað kvöld. Í batam er planið að taka á því í golfinu í um 30 tíma eða þar til við skellum okkur yfir til Jeddah. Í sunny Jeddah verður legið á ströndinni í aðra þrjátíu tíma eða þar til tími er kominn til að skella sér til baka til Banjarmasin. Nú vona og ég bið að Banjarmasin er ekki sú hola sem búið er að lýsa fyrir mér því við komuna þangað frá Jeddah tekur við NÍU DAGA stopp!! Þetta er einfaldlega ekki heilbrigt. Gæti svosum bjargast ef það er golfvöllur og eitthvað fleira á staðnum en kommon!

Í dag fórum við á safn hérna í Jakarta sem tekur saman helstu einkenni hinna mismunandi ættbálka sem lifa á öllum þeim eyjum sem tilheyra Indónesíu. Þjóðin samanstendur af um 211 milljónum manna. Eftir því hvaðan fólkið kemur hefur það mismunandi einkenni, allt frá því að tengjast Márum og innfæddum á Nýja Sjálandi og Ástralíu í það að hafa Indverskt útlit. Flestir eru Íslamstrúa en um 5-10% af þjóninni deilist milli hinna stærstu trúarbragðana. Sjálf vorum við eins og safngripir þarna því fólk hópaðist að okkur og vildi fá að taka myndir með okkur og börnunum/konunum sínum. Sjaldséðir eru stórir hvítir evrópubúar á þessum slóðum.

Svo á bara eftir að koma í ljós hversu gott netsamband er á Borneo og í framhaldi af því hversu duglegur maður verður að skrifa.

kv

þriðjudagur, desember 06, 2005

Hajj = Hats = Pílagrímaflug

Nú eru hlutir all verulega farnir að skírast, enda ekki seinna vænna. Ferðalagið hefst í fyrramálið með flugi frá Keflavík til London. Í London verður lagst inn á hótel í nokkra tíma þegar skundað verður aftur út á völl og tékkað inn hjá Cathay Pacific. Eftir tólf tíma endalausa gleði og hamingju í háloftunum tillum við niður fæti í gleðiborginni Hong Kong. Það verður þó stutt gaman því tveim tímum síða eigum við flug yfir til Jakarta, höfuðborg Indónesíu. Um tuttugu og sjö tímum eftir brottför frá Keflavík verðum við í blíðunni í Indó, helþreytt en vel sátt vona ég.

meira síðar

kv.

fimmtudagur, desember 01, 2005

Nú styttist í útferð til Indónesíu. Planið er víst þriðjudagur eða miðvikudagur í næstu viku en það á eftir að koma endanlega í ljós. Útivera í þetta skiptið er plönuð til mánaðamóta des/jan, nánari dagsetning kemur fram síðar.
Það markverðasta er annars að ég setti dempara á hurðirnar í elhúsinnréttingunni í dag. Þar af leiðandi má skella hurðum án þess að það komi að sök. Nýjasta elhúsáhaldið er flysjari sem kemur til með að berjast við honey dipperinn um vinsældatitil eldhúsáhalda.

Meira verður ekki gefið upp að þessu sinni.

kveðja

föstudagur, nóvember 25, 2005

Á öðrum í innflutningi hélt ég örlítið kaffisamsæti fyrir örfáa útvalda en stefnan var að fara svo annað og hitta fleira fólk, að mig mynnir. Þetta fór hinsvegar allt á versta veg og fylgir hér grafísk frásögn af atburðarrásinni.

















Hjalti lék á alls oddi og lét fara vel um sig í sófanum sínum sem hann var svo örlátur að lána húsráðanda



















Bjarni var dasaður og þar af leiðandi pirraður og nennti ekki að hlusta á ruglið í Halta



















Atli, eins og alltaf, er léttur á því og hefur gaman að vitleysunni í strákunum




















Hjalti tekur upp á því, án þess að spurja kóng né prest, að taka Snoop Dog með lagið Pimps In The Crib af fóninum og skipta yfir í Bítlavinafélagið og slagarann þeirra Danska Lagið














Bjarni er ekkert sérlega sáttur við lagaval Hjalta og lætur hann heyra það!! Atli er svona nokkuð sama hvað er spilað svo lengi sem hann getur sungið með.
















Ég sé í hvað stefnir og lýst ekkert á blikuna, "strákar rólegir núna!!"















Bjarni er aldeilis ekki tilbúinn til að gefa sig. Atli hinsvegar elskar friðinn og reynir að halda aftur af félaga sínum.














Bjarni lætur ekkert stöðva sig og löðrungar Hjalta með opnum lófanum á vinstri kinn















Stuðpúðinn Atli er rangur maður á röngum stað á röngum tíma og tekur við einum bláköldum frá Hjalta, sem ætlaður var Bjarna, eins og blautri tusku á hægri kinn



















Atli lætur ekki koma svona fram við sig og launar Hjalta lambið gráa með hægri krók í vinstri kjálka, sannkölluð BOBA!!!















Allt fór þetta vel á endanum þó menn hafi skiljanlega verið varir um sig fram eftir kvöldi.

fimmtudagur, nóvember 24, 2005

Er þá kominn tími til að ég segi söguna af því þegar ég fór til Rómar og Kúbu.

Róm var heimsótt á tímabilinu 10.-14. nóvember. Mikið grín, mikið gaman og gott veður sem er síður en svo hægt að treysta á þar á þessum árstíma. Fjórir dagar eru ekki nándar nærri nógur tími til að skoða borgina því þvílíkt magn af mynjum og merkilegum hlutum að sjá er ,held ég, erfit að finna á eins litlum bletti annarstaðar. Tíminn var þó nýttur vel og mætti segja að ég hafi náð góðri yfirsýn yfir staðinn. Endaði ferðina með því að henda smápening úr vinstri hendi framfyrir mig í Trevi gosbrunninn sem á víst að tryggja það að maður eigi afturkvæmt. Það var hinsvegar ekki fyrr en eftir að aurinn var floginn að mér var sagt að maður ætti að kasta honum afturfyrir sig úr hægri hendi yfir vinstri öxl. Hvort mín kasttækni leiði til árangurs á tíminn eftir að leiða í ljós.

Frá Róma var lennt í Keflavík seint að kvöldi 14. nóvember. 15. var nýttur í að þvo af sér drulluskítug fötin frá Róm og pakka fyrir Kúbuferð sem hófst eldsnemma að morgni 16. með pickupi klukkan 06:00 í Avion höllinni að Hlíðarsmára 3 í Kópavogi. Af einskærri góðmennsku og botnausu örlæti tók ég kommerat Bjarna með í ferðina. Mun hann verða mér eilíft þakklátur og sé ég fram á endalaust vín, víf og villtar meyjar á hans kostnað um ókomna framtíð, halelúja.
Á níunda tímanum tókst okkur svo að skríða í loftið og hanga þar í rúma sjö tíma þar til strendur USA voru að baki og hið frálsa alþýðulýðveldi Kúbu tók við okkur opnum örmum.
Hótelið sem dvalið var á er hið fínasta. Það er svokallað All Inclusive sem felur í sér að við check-in fær maður armband sem veitir manni frían aðganga að öllum veitingastöðum og börum á hótelinu. Strikið var tekið upp á herbergi, beint í sundbuxur og svo út að laug. Mojito kúrinn var tekinn með trompi en samkvæmt honum þá mun Mojito á dag koma skapinu í lag. Um tólf tímum eftir pickup í norðan stinningskalda og frosti í hlíðum Kópavogs var ég sestur við laugina í 27°c hita og sól með drykk í annari.
Til að gera langa sögu stutta þá var veðrið fínt, kíkt var til Havana í tvo daga og restin er eins og þeir segja history. Ferðin endaði svo með undurfagurri hliðarvindslendingu í norðan strekkings vindi og skítakulda á braut 02 í Keflavík eldsnemma í morgun.

Myndir af herlegheitunum eru komnar fyrir áhugasama á MYNDASAFNIÐ.

Þar að auki eru nokkrar myndir af kaffisamsæti sem haldið var á öðrum í innflutningi hér um árið.

kv.

þriðjudagur, nóvember 15, 2005

Nýjar myndir á SLEPJUNNI frá Róm
Myndir af íbúðinni koma svo fljótlega

Róm í gær, Reykjavík í dag, Varadero á morgun, hvað getur maður beðið um meira?


kv

mánudagur, nóvember 07, 2005

Fluttur

Nú er strákurinn fluttur, loksins kominn í sitt eigið. Ekki kominn með internetáskrift en tekst að stela tengingu frá nágranna þar til tenging kemst á.

Margir aðstoðuðu við flutninginn en fáir ef nokkur eins mikið og HJALTI GRÉTARSSON. Á hann miklar og innilegar þakkir skildar. Undir lokin toppaði hann svo aðstoðina með því að lána mér forkunnarfargran sófa sem sómir sér vel í stofunni, um hríð. Amma mætti með nýbakaðar pönnsur og mamma raðaði upp í skápa. Allt endaði þetta vel og nú sit ég í stofunni MINNI við sófaborðið MITT og nýt lífsins.
IKEA skatturinn er farinn að láta á sér kræla en eins og sagt er þá er tvennt í lífinu sem maður getur treyst á IKEA skattinn og dauðann.

Um helgina var svo farið í meningarferð niðrí bæ og notið þess að þurfa ekki að taka taxa til að komast heim.

Opið hús fyrir þá sem vilja kíkja í heimsókn. Kaffi og kanna eru til á heimilinu.

kv.

fimmtudagur, nóvember 03, 2005

22 tímar og 45 mínútur

þriðjudagur, nóvember 01, 2005

Þrír dagar

Já hver rækallinn, það styttist óðfluga í afhendingu.

Samningar hafa náðst við Vigdísi Finnbogadóttur fyrrverandi forseta. Mínir menn sátu á stífum samningafundum fram á nætur með hennar mönnum. Mínir menn settu hennar menn í skrúfstykkið, náðu fram settum markmiðum og undirskrift náðist undir morgunn þannig að óhætt er að opinbera að Vigga Finn verður verndari íbúðarinnar og eldabuska.
Dorrit Mússajeff óskaði eftir að fá að halda tölu við afhendingu lykla, mínir menn eru að skoða það og svar mun lyggja fyrir á næstu dögum.
Gjafir frá erlendum þjóðhöfðingjum streima í gámaförmum til landsins og bíða þess að ég taki við þeim. Svo ég vitni í heillaóskaskeiti frá nokkrum þjóðhöfðingjum:

Jacques Chirac Frakklandsforseti segir
"Vous partant Paris était une grande perte à notre nation qui fera en retard ou n'est jamais réparé. Nous faisons cependant trouvons la joie infinie dans le fait que vous a achetée un appartment et espère que vous appréciera beaucoup de Crêpe savoureux avec Nuitella et les bananes là-bas dans l'avenir prochain. "

José Luis Corcuera konungur Spánar sendi mér eftirfarandi línu
"Usted es el niño España nunca tuvo. Puédale prospera y vive felizmente en su castillo nuevo. "

Lalli og Helga Dröfn fundu sér tíma í opinberri heimsókn sinni til Noregs og skrifuðu mér nokkrar línur á norsku enda multilingo par með meiru.
"Vi finner tid besøke De, men mange barn vi gir fødsel til her i Engilstuna i Sverige. Om ikke med fly vi kjører vår Saab automobil fort nok hoppe over som en stein over havet til Island! "

Að lokum nokkur orð frá Helmut Kohl fráfarandi Kanslara
"Die deutsche Nation gratuliert Ihnen auf Ihrem aquisition des appartment auf Njálsgata 81. Es ist unsere Hoffnung und Glaube, dass Sie einen wohlhabenden Haushalt entwickeln werden, der auf der stabilen Grundlage die Elektronik von deutscher Präzision gebaut wird. "

Ég er djúpt snortinn af þessum hlýhug og hlakka til að bjóða þessum tignu gestum í nýja baðkarið mitt.

Bendi á freetranslation.com fyrir linguistically challenged fólk.

mánudagur, október 31, 2005

Fjórir dagar...

Eitthvað búið að seinka fluginu heim á morgun þar sem vélin á að fara í eitlitla skoðun áður en okkur verður treyst fyrir henni. Veðurspáin sýnist mér vera búin að taka 180° stefnubreytingu sem þýðir sól og blíða um allt land, en ekki hvað?

sunnudagur, október 30, 2005

Fimm dagar...

Simminn fór vel, allt gott um það að segja.

Jólagjafaleiðangur til London á morgun.

kv.

föstudagur, október 28, 2005

Sjö dagar....

fimmtudagur, október 27, 2005

Átta dagar í afhendingu.

Krónísk hálsbólga lætur á sér kræla en hefur lítil áhrif á tröllvaxinn og vöðvastæltann líkama minn. Með stuttum fyrirvara, varla þó að maður kalli þrjá daga stuttan fyrirvara hjá AAI, var ákveðið að ég skyldi fara til London til að sýna strákunum hvernig á að fljúga flugherminum, gefa þeim nokkrar góðar ábendingar og hjálpa þeim í að skilja hvernig þetta virkar allt saman. Í framhaldi af því óskuðu þeir eftir frekari aðgengi að sérfræðiþekkingu minni á þessu sviði og í þetta skiptið við að ferja flugvél TF-ATU frá LGW til KEF. "Að sjálfsögðu labbakútarnig mínir" sagði ég við þá og hló upphátt.
Það er kallt á toppnum.

kveðja

fimmtudagur, október 20, 2005

Eftirfarandi texti er tekinn af síðu Reuters og þýddur yfir á íslensku:

"Amoral Scandinavian farmers strike in effort to increase sales"

Eða

Siðblindir bændur auka sölu með óhefðbundum aðferðum


Upp hefur komist um óhefðbundna viðskiptahætti bænda í skandinavíu sem þykir jaðra á við samsæri gegn hinum almenna neytanda. Samsærið á sér rætur að rekja til norðurlandanna þar sem skandinavískir kúa- og sauðfjárbændur leika lausum hala. Virðist vera að þeir fái að stunda iðju sína óáreittir þrátt fyrir svívirðileg brot á samkeppnis og neytendalögum. Hefur þetta gengið svo langt að nú hefur auðhringur bænda, Skandinavisk Ku Och Får Samforbundt AS, betur þekkt sem SKUFS teigt anga sína yfir norðursjóinn til Íslands. Svo virðist sem fátt ef nokkuð fær stöðvar framgang bændanna nema þá kanski samstillt átak ríkis og neytenda.
Ljóst þykir að íslenskir bændur eigi einhverja hlutdeild í samsærinu þrátt fyrir að vera einungis með áheirnarfulltrúa á ársþingi SKUFS ár hvert. Hallfreður Jósafatson frá Ytra Hurðarbaki í Landsveitum syðri Rangárhrepps í Húnavatnssýslu neitaði að tjá sig um málið þegar hann var inntur eftir viðbrögðum.
Í hnotskurn snýst málið um það að bændur hafa látið hanna nýjan, ómótstæðilegan ostaskera sem sker að jafnaði 1,5-2 sinnum þykkari ostasneiðar en hingaðtil hefur verið talið eðlilegt af óháða þýska prófunaraðilanum Deutscher Associaton Für Die Käse-Schneidend-Prüfung eða DAFDKSP.
Í sameiginlegri fréttatilkynningu frá Ríkislögreglustjóraembættinu og Ríkissaksóknara kemur fram að Baugsmálið sé komið á "hold" um ótiltekinn tíma og allur mannskapur embættanna settur í að rannsaka Ostaskeramálið.

Nú dróst ég inn í hringiðu blekkinga og svika SKUFS snemma í síðustu viku þegar ég verslaði téðan ostaskera. Samdægurs var keypt rúmt kíló af lúffengum Gouda osti í Bónus. Osturinn var ætlaður til neyslu næstu vikurnar enda langt í síðasta neysludag. Nú um viku síðar er oststykkið búið á tíma sem vart hefur talist eðlilegur hingaðtil. Vil ég vara fólk við skeranum skæða og benda á SMAKA ostaskerann sem fæst á vægast sagt góðu verði í IKEA eða um hundrað krónum lægra verð en skaðræðisskerinn. SMAKA skerinn hefur þess á ofan staðist hinar ströngu MÖBELFAKTA prófanir sem þykja jafnast á við ELGS prófið í bílaiðnaðinum.

kv.

mánudagur, október 17, 2005

Hvað gerði ég í dag, jú ég skal segja ykkur það, ég man það ekki. Svo svakalega renna dagarnir saman að ég er ekki klár á því hvort það var í fyrradag eða á föstudag sem ég fór síðast í sturtu. Rrrrrrrrrrrrrr tsssssssss.

Ekki drífur mikið á dagana þessa dagana, allavegana ekki neitt sem maður segir frá á opinberum vetvangi. Næstu stórtíðindi er All Star samkoma Flugfélags Vestmannaeyja í Eyjum næstu helgi. Sálin Hans Jóns Míns var fengin til að spila og er talið að um 3500 manns verði í kaupstaðnum að þessu tilefni.

Á morgun er verður Hádegisverðarklúbburinn haldinn hátíðlegur á Kaffivagninum enda formaður klúbbsinns mættur helferskur á klakann eftir vikudvöl í pakkaparadísinni Liege. Klúbburinn fer sífellt og stöðugt stækkandi sem er bara hið besta mál.

Nú er tölvan mín að verða batteríslaus og engin leið að ég nenni að standa upp til að stinga henni í samband. Af þeim sökum verður þetta ekki lengra. Góðar stundir.

fimmtudagur, október 13, 2005

Góðar fréttir af vesturvígstöðvunum.
Komið hefur í ljós að fram að Hajjinu (pílagrímafluginu) verður ekkert meira UK, hvorki Manchester né Gatwick. Hvað kemur í staðin? Jú tvö flug með sólþyrsta Íslendinga frá Keflavík á vegum Úrvals Útsýn á 767-300 breiðþotu Air Atlanta. Það fyrra til Róm frá 10/11 til 14/11 og það síðari til Varadero á Kúbu frá 16/11 til 24/11.
Þetta þýðir að ég verð á staðnum til að skipa fyrir þegar hópur vina og vandamanna flytur fyrir mig sem er bara gott mál. Það sem þetta þýðir líka er bara meira frí heima sem er líka mjög gott mál.

kv.

miðvikudagur, október 12, 2005

Úr dagbók flugmanns í fríi:

Kæra dagbók, í morgun vaknaði ég klukkan níu. Ég leit á klukkuna og hugsaði, ahhhh fimmtán tímar af hreynni sælu framundan, svo lagði ég mig í hálftíma í viðbót.
Kæra dagbók, í dag fór ég í kringluna og keypti mér ostaskera. Þetta er enginn venjulegur ostaskeri skal ég segja þér kæra dagbók því hann er úr plasti og á ekki í neinum vandræðum með að skera mjúkan ost. Ómar keypti sér alveg eins ostaskera og var það í rauninni að hans frumvæði að við gerðum okkur ferð í Kringluna til að versla ostaskerana. Hann hafði frétt af því hjá Kára og Ragnhildi að þeir fengjust í búsáhaldabúðinni í Kringlunni og gerðum við okkur því ferð til að versla þá. Við vorum svo heppnir að að fá tvo síðustu ostaskerana af þessari týpu í búðinni. Ég læt fylgja með nokkrar myndir svo þú, kæra dagbók, áttir þig betur á því hvað ég er að fara. Fyrsta myndin er af Ómari. Hann var svo spenntur að prófa ostaskerann og svo ánægður með "performansinn" ef ég má sletta að hann hætti ekki fyrr en heilt oststykki var allt niðurkorið. Næsta myndin er af ostakeranum og eldspítustokk til að þú, kæra dagbók, áttir þig betur á stærðarhlutföllunum. Að lokum gefur svo að líta mynd af skeranum "in action", sérðu hvað skurðurinn er fínn kæra dagbók?

mánudagur, október 10, 2005

Þessi póstur er tileinkaður Lalla og Helgu Dröfn sem eru þessa stundina í feiknar fíling í Svíþjóð. Til að hressa þau eilítið við þá ætla ég að byrta nokkra vel valda norðurlandabrandara. Byrjum á einum finskum sem stendur alltaf fyrir sínu:

Ruotsalainen oli Suomessa eräässä kapakassa ja vakioasiakas ehdotti hänelle: -
Saat tonnin, jos saan iskeä kymmenen kaljapulloa päähäsi. Ruotsalainen mietti hieman ja lopulta suostui, osittain muun asiakaskunnan vaatimuksesta. Suomalainen iski ensimmäisen pullon ruotsalaisen päähän, sitten toisen ja niin edelleen, mutta lopetti iskettyään yhdeksän pulloa.
- No, milloinkas sinä isket sen viimeisen pullon? kysyi ruotsalainen.
- En minä mikään hölmö ole, suomalainen vastasi, silloinhan joutuisin antamaan sinulle sen tonnin.

Ef þið liggið ekki nú þegar í gólfinu, máttlaus af hlátri þá kemur hér rúsínan í pulsuendanum

A Finn, a Swede and a Norwegian found themselves deserted on a small island. A Cannibal tribe lived on the island, and they emprisoned the three men. The cannibals gave each of them a final wish. First they asked the Norwegian. The Norwegian wanted to see his wife once more. The cannibals went to find the wife. After he saw his wife, the Norwegian was eaten, and the cannibals made a canoe out of his skin. The Finn wanted to smoke one more cigarette. He got his cigarette. After he was finished, he was eaten and his skin was used to make a canoe. Then came the Swede's turn - he wanted a fork. He started to punch holes into himself, and yelled: "YOU WON'T MAKE A CANOE OUT OF ME!"

Biðst afsökunar á því að sá seinni var á ensku, þeir sem skilja ekki skulu leita til Enskrar málstöðvar EHF, Hafnarstræti 19.

Lalli og HD, hangið þarna inni!

kv

föstudagur, október 07, 2005

Þá er það víst orðið staðfest að ég fer í Hajjið. Hajjið, hvað er það? Jú Hajj er hið árlega pílagrímaflug sem Atlanta hefur tekið þátt í síðustu tuttugu árin eða svo. Það er gaman að vera örðuvísi og það verð ég og mínir félagar því við ætlum að gera þetta á 767-300 í staðin fyrir bumbu 747. Beisinn verður í Banjarmasin borg sem er staðsett á sunnanverðri Borneo. Hvað er að gerast dag frá degi í Banjarmasin? Jú það er hægt að lesa allt um það á Banjarmasin Post . Meira safaríkt finn ég ekki um staðinn í bili.

Kem heim 15:00 á mánudag.

kv