mánudagur, nóvember 07, 2005

Fluttur

Nú er strákurinn fluttur, loksins kominn í sitt eigið. Ekki kominn með internetáskrift en tekst að stela tengingu frá nágranna þar til tenging kemst á.

Margir aðstoðuðu við flutninginn en fáir ef nokkur eins mikið og HJALTI GRÉTARSSON. Á hann miklar og innilegar þakkir skildar. Undir lokin toppaði hann svo aðstoðina með því að lána mér forkunnarfargran sófa sem sómir sér vel í stofunni, um hríð. Amma mætti með nýbakaðar pönnsur og mamma raðaði upp í skápa. Allt endaði þetta vel og nú sit ég í stofunni MINNI við sófaborðið MITT og nýt lífsins.
IKEA skatturinn er farinn að láta á sér kræla en eins og sagt er þá er tvennt í lífinu sem maður getur treyst á IKEA skattinn og dauðann.

Um helgina var svo farið í meningarferð niðrí bæ og notið þess að þurfa ekki að taka taxa til að komast heim.

Opið hús fyrir þá sem vilja kíkja í heimsókn. Kaffi og kanna eru til á heimilinu.

kv.

fimmtudagur, nóvember 03, 2005

22 tímar og 45 mínútur

þriðjudagur, nóvember 01, 2005

Þrír dagar

Já hver rækallinn, það styttist óðfluga í afhendingu.

Samningar hafa náðst við Vigdísi Finnbogadóttur fyrrverandi forseta. Mínir menn sátu á stífum samningafundum fram á nætur með hennar mönnum. Mínir menn settu hennar menn í skrúfstykkið, náðu fram settum markmiðum og undirskrift náðist undir morgunn þannig að óhætt er að opinbera að Vigga Finn verður verndari íbúðarinnar og eldabuska.
Dorrit Mússajeff óskaði eftir að fá að halda tölu við afhendingu lykla, mínir menn eru að skoða það og svar mun lyggja fyrir á næstu dögum.
Gjafir frá erlendum þjóðhöfðingjum streima í gámaförmum til landsins og bíða þess að ég taki við þeim. Svo ég vitni í heillaóskaskeiti frá nokkrum þjóðhöfðingjum:

Jacques Chirac Frakklandsforseti segir
"Vous partant Paris était une grande perte à notre nation qui fera en retard ou n'est jamais réparé. Nous faisons cependant trouvons la joie infinie dans le fait que vous a achetée un appartment et espère que vous appréciera beaucoup de Crêpe savoureux avec Nuitella et les bananes là-bas dans l'avenir prochain. "

José Luis Corcuera konungur Spánar sendi mér eftirfarandi línu
"Usted es el niño España nunca tuvo. Puédale prospera y vive felizmente en su castillo nuevo. "

Lalli og Helga Dröfn fundu sér tíma í opinberri heimsókn sinni til Noregs og skrifuðu mér nokkrar línur á norsku enda multilingo par með meiru.
"Vi finner tid besøke De, men mange barn vi gir fødsel til her i Engilstuna i Sverige. Om ikke med fly vi kjører vår Saab automobil fort nok hoppe over som en stein over havet til Island! "

Að lokum nokkur orð frá Helmut Kohl fráfarandi Kanslara
"Die deutsche Nation gratuliert Ihnen auf Ihrem aquisition des appartment auf Njálsgata 81. Es ist unsere Hoffnung und Glaube, dass Sie einen wohlhabenden Haushalt entwickeln werden, der auf der stabilen Grundlage die Elektronik von deutscher Präzision gebaut wird. "

Ég er djúpt snortinn af þessum hlýhug og hlakka til að bjóða þessum tignu gestum í nýja baðkarið mitt.

Bendi á freetranslation.com fyrir linguistically challenged fólk.

mánudagur, október 31, 2005

Fjórir dagar...

Eitthvað búið að seinka fluginu heim á morgun þar sem vélin á að fara í eitlitla skoðun áður en okkur verður treyst fyrir henni. Veðurspáin sýnist mér vera búin að taka 180° stefnubreytingu sem þýðir sól og blíða um allt land, en ekki hvað?

sunnudagur, október 30, 2005

Fimm dagar...

Simminn fór vel, allt gott um það að segja.

Jólagjafaleiðangur til London á morgun.

kv.

föstudagur, október 28, 2005

Sjö dagar....

fimmtudagur, október 27, 2005

Átta dagar í afhendingu.

Krónísk hálsbólga lætur á sér kræla en hefur lítil áhrif á tröllvaxinn og vöðvastæltann líkama minn. Með stuttum fyrirvara, varla þó að maður kalli þrjá daga stuttan fyrirvara hjá AAI, var ákveðið að ég skyldi fara til London til að sýna strákunum hvernig á að fljúga flugherminum, gefa þeim nokkrar góðar ábendingar og hjálpa þeim í að skilja hvernig þetta virkar allt saman. Í framhaldi af því óskuðu þeir eftir frekari aðgengi að sérfræðiþekkingu minni á þessu sviði og í þetta skiptið við að ferja flugvél TF-ATU frá LGW til KEF. "Að sjálfsögðu labbakútarnig mínir" sagði ég við þá og hló upphátt.
Það er kallt á toppnum.

kveðja

fimmtudagur, október 20, 2005

Eftirfarandi texti er tekinn af síðu Reuters og þýddur yfir á íslensku:

"Amoral Scandinavian farmers strike in effort to increase sales"

Eða

Siðblindir bændur auka sölu með óhefðbundum aðferðum


Upp hefur komist um óhefðbundna viðskiptahætti bænda í skandinavíu sem þykir jaðra á við samsæri gegn hinum almenna neytanda. Samsærið á sér rætur að rekja til norðurlandanna þar sem skandinavískir kúa- og sauðfjárbændur leika lausum hala. Virðist vera að þeir fái að stunda iðju sína óáreittir þrátt fyrir svívirðileg brot á samkeppnis og neytendalögum. Hefur þetta gengið svo langt að nú hefur auðhringur bænda, Skandinavisk Ku Och Får Samforbundt AS, betur þekkt sem SKUFS teigt anga sína yfir norðursjóinn til Íslands. Svo virðist sem fátt ef nokkuð fær stöðvar framgang bændanna nema þá kanski samstillt átak ríkis og neytenda.
Ljóst þykir að íslenskir bændur eigi einhverja hlutdeild í samsærinu þrátt fyrir að vera einungis með áheirnarfulltrúa á ársþingi SKUFS ár hvert. Hallfreður Jósafatson frá Ytra Hurðarbaki í Landsveitum syðri Rangárhrepps í Húnavatnssýslu neitaði að tjá sig um málið þegar hann var inntur eftir viðbrögðum.
Í hnotskurn snýst málið um það að bændur hafa látið hanna nýjan, ómótstæðilegan ostaskera sem sker að jafnaði 1,5-2 sinnum þykkari ostasneiðar en hingaðtil hefur verið talið eðlilegt af óháða þýska prófunaraðilanum Deutscher Associaton Für Die Käse-Schneidend-Prüfung eða DAFDKSP.
Í sameiginlegri fréttatilkynningu frá Ríkislögreglustjóraembættinu og Ríkissaksóknara kemur fram að Baugsmálið sé komið á "hold" um ótiltekinn tíma og allur mannskapur embættanna settur í að rannsaka Ostaskeramálið.

Nú dróst ég inn í hringiðu blekkinga og svika SKUFS snemma í síðustu viku þegar ég verslaði téðan ostaskera. Samdægurs var keypt rúmt kíló af lúffengum Gouda osti í Bónus. Osturinn var ætlaður til neyslu næstu vikurnar enda langt í síðasta neysludag. Nú um viku síðar er oststykkið búið á tíma sem vart hefur talist eðlilegur hingaðtil. Vil ég vara fólk við skeranum skæða og benda á SMAKA ostaskerann sem fæst á vægast sagt góðu verði í IKEA eða um hundrað krónum lægra verð en skaðræðisskerinn. SMAKA skerinn hefur þess á ofan staðist hinar ströngu MÖBELFAKTA prófanir sem þykja jafnast á við ELGS prófið í bílaiðnaðinum.

kv.

mánudagur, október 17, 2005

Hvað gerði ég í dag, jú ég skal segja ykkur það, ég man það ekki. Svo svakalega renna dagarnir saman að ég er ekki klár á því hvort það var í fyrradag eða á föstudag sem ég fór síðast í sturtu. Rrrrrrrrrrrrrr tsssssssss.

Ekki drífur mikið á dagana þessa dagana, allavegana ekki neitt sem maður segir frá á opinberum vetvangi. Næstu stórtíðindi er All Star samkoma Flugfélags Vestmannaeyja í Eyjum næstu helgi. Sálin Hans Jóns Míns var fengin til að spila og er talið að um 3500 manns verði í kaupstaðnum að þessu tilefni.

Á morgun er verður Hádegisverðarklúbburinn haldinn hátíðlegur á Kaffivagninum enda formaður klúbbsinns mættur helferskur á klakann eftir vikudvöl í pakkaparadísinni Liege. Klúbburinn fer sífellt og stöðugt stækkandi sem er bara hið besta mál.

Nú er tölvan mín að verða batteríslaus og engin leið að ég nenni að standa upp til að stinga henni í samband. Af þeim sökum verður þetta ekki lengra. Góðar stundir.

fimmtudagur, október 13, 2005

Góðar fréttir af vesturvígstöðvunum.
Komið hefur í ljós að fram að Hajjinu (pílagrímafluginu) verður ekkert meira UK, hvorki Manchester né Gatwick. Hvað kemur í staðin? Jú tvö flug með sólþyrsta Íslendinga frá Keflavík á vegum Úrvals Útsýn á 767-300 breiðþotu Air Atlanta. Það fyrra til Róm frá 10/11 til 14/11 og það síðari til Varadero á Kúbu frá 16/11 til 24/11.
Þetta þýðir að ég verð á staðnum til að skipa fyrir þegar hópur vina og vandamanna flytur fyrir mig sem er bara gott mál. Það sem þetta þýðir líka er bara meira frí heima sem er líka mjög gott mál.

kv.

miðvikudagur, október 12, 2005

Úr dagbók flugmanns í fríi:

Kæra dagbók, í morgun vaknaði ég klukkan níu. Ég leit á klukkuna og hugsaði, ahhhh fimmtán tímar af hreynni sælu framundan, svo lagði ég mig í hálftíma í viðbót.
Kæra dagbók, í dag fór ég í kringluna og keypti mér ostaskera. Þetta er enginn venjulegur ostaskeri skal ég segja þér kæra dagbók því hann er úr plasti og á ekki í neinum vandræðum með að skera mjúkan ost. Ómar keypti sér alveg eins ostaskera og var það í rauninni að hans frumvæði að við gerðum okkur ferð í Kringluna til að versla ostaskerana. Hann hafði frétt af því hjá Kára og Ragnhildi að þeir fengjust í búsáhaldabúðinni í Kringlunni og gerðum við okkur því ferð til að versla þá. Við vorum svo heppnir að að fá tvo síðustu ostaskerana af þessari týpu í búðinni. Ég læt fylgja með nokkrar myndir svo þú, kæra dagbók, áttir þig betur á því hvað ég er að fara. Fyrsta myndin er af Ómari. Hann var svo spenntur að prófa ostaskerann og svo ánægður með "performansinn" ef ég má sletta að hann hætti ekki fyrr en heilt oststykki var allt niðurkorið. Næsta myndin er af ostakeranum og eldspítustokk til að þú, kæra dagbók, áttir þig betur á stærðarhlutföllunum. Að lokum gefur svo að líta mynd af skeranum "in action", sérðu hvað skurðurinn er fínn kæra dagbók?

mánudagur, október 10, 2005

Þessi póstur er tileinkaður Lalla og Helgu Dröfn sem eru þessa stundina í feiknar fíling í Svíþjóð. Til að hressa þau eilítið við þá ætla ég að byrta nokkra vel valda norðurlandabrandara. Byrjum á einum finskum sem stendur alltaf fyrir sínu:

Ruotsalainen oli Suomessa eräässä kapakassa ja vakioasiakas ehdotti hänelle: -
Saat tonnin, jos saan iskeä kymmenen kaljapulloa päähäsi. Ruotsalainen mietti hieman ja lopulta suostui, osittain muun asiakaskunnan vaatimuksesta. Suomalainen iski ensimmäisen pullon ruotsalaisen päähän, sitten toisen ja niin edelleen, mutta lopetti iskettyään yhdeksän pulloa.
- No, milloinkas sinä isket sen viimeisen pullon? kysyi ruotsalainen.
- En minä mikään hölmö ole, suomalainen vastasi, silloinhan joutuisin antamaan sinulle sen tonnin.

Ef þið liggið ekki nú þegar í gólfinu, máttlaus af hlátri þá kemur hér rúsínan í pulsuendanum

A Finn, a Swede and a Norwegian found themselves deserted on a small island. A Cannibal tribe lived on the island, and they emprisoned the three men. The cannibals gave each of them a final wish. First they asked the Norwegian. The Norwegian wanted to see his wife once more. The cannibals went to find the wife. After he saw his wife, the Norwegian was eaten, and the cannibals made a canoe out of his skin. The Finn wanted to smoke one more cigarette. He got his cigarette. After he was finished, he was eaten and his skin was used to make a canoe. Then came the Swede's turn - he wanted a fork. He started to punch holes into himself, and yelled: "YOU WON'T MAKE A CANOE OUT OF ME!"

Biðst afsökunar á því að sá seinni var á ensku, þeir sem skilja ekki skulu leita til Enskrar málstöðvar EHF, Hafnarstræti 19.

Lalli og HD, hangið þarna inni!

kv

föstudagur, október 07, 2005

Þá er það víst orðið staðfest að ég fer í Hajjið. Hajjið, hvað er það? Jú Hajj er hið árlega pílagrímaflug sem Atlanta hefur tekið þátt í síðustu tuttugu árin eða svo. Það er gaman að vera örðuvísi og það verð ég og mínir félagar því við ætlum að gera þetta á 767-300 í staðin fyrir bumbu 747. Beisinn verður í Banjarmasin borg sem er staðsett á sunnanverðri Borneo. Hvað er að gerast dag frá degi í Banjarmasin? Jú það er hægt að lesa allt um það á Banjarmasin Post . Meira safaríkt finn ég ekki um staðinn í bili.

Kem heim 15:00 á mánudag.

kv

miðvikudagur, október 05, 2005

Hefst þá leitið. Leitin að þeim sem eru willing and able. Nú fæ ég íbúðina afhenta 4. nóvember en Á hvern maður getur treyst og hvern ekki.
Ég hef þegar hringt í Icelandair og beðið um frí fyrir Ómar í byrjun mánaðarins. Steindór, Hjalta og Rúnu þarf ég ekki að hafa áhyggjur af því þau verða öll á landinu. Það verður orðið svo lítið að gera hjá Flugfélaginu Ernir að þeir verða teknir í heilu lagi. Frændgarðurinn bregst að sjálfsögðu ekki. Allt í allt telst mér til að um tuttugu manns verði í því að flytja fyrir mig á meðan ég hef það náðugt í UK. Svo verð ég bara í símasambandi til að gefa skipanir um hvert hvað á að fara.

kv.

mánudagur, október 03, 2005

Stutt newsflash...

Ég fæ íbúðina ekki afhenta fyrr en 4. nóv skv samningi um íbúðarkaup undirkrifuðum af mér og þynglýstum af sjálfum Sýslumanni Reykjavíkurborgar. Ástæðan eru óviðráðanlegar aðstæður.... sem hvorki ég né seljandi fáum ráðið við. Bömmer en ekkert við því að gera.

kv.

fimmtudagur, september 29, 2005

Finn mig knúinn til að setja eitthvað smá inn því ég verð eitthvað lítið í tölvusambandi næstu dagana.

Ætla að byrja á því að óska honum Bjarka Fannari Snorrasyni til hamingju með daginn í gær. Hann er reyndar ekki einn af tveim lesendum þessa bloggs af þeirri einföldu ástæðu að drengurinn er rétt orðinn sjö ára gamall, en ég treysti á að hamingjuóskum verði komið á framfæri við hann við tækifæri.

Svo er það spurning sem hefur nagað mig og mitt litla sálartetur núna í nokkra daga. Hver býr til nöfnin á kaffi?? Mocca Frappuchino, eitthvað í þá áttina. Er nefnd einhverstaðar í Brasillíuborg sem hittist á fimm og hálfs vikna fresti, sest niður, fær sér heitt Stro og piparkökur og hefst svo handa við að gera grín að heimsbyggðinni??

kv.

miðvikudagur, september 28, 2005

Jæja, eins og sjá má af myndinni fyrir ofan, eða neðan, þá er strákurinn búinn að fá sér nýtt úr. Kaupverð verður ekki gefið upp enda trúnaðarmál milli mín og seljanda en ég get þó gefið það upp að úrið fékkst á mjög góðum prís einhverstaðar undir 640.000kr.

Fyrir ljósmyndasnillinga tuttugustuogfyrstu aldarinnar langar mig að koma með ábendingu og þá sérstaklega fyrir þá sem taka mikið af myndum út um fram- og hliðarrúður þrýstilofts- og skaftdrifinnagastúrbínuloftafar úr hærri hæðum lofthjúpsins. Glímum við mikið við það vandamál að rakinn í lofthjúpnum vill gera myndirnar sviplausar. Örvæntið ekki því ég er með lausn á þessu hvimleiða vandamáli.
Í öllum betri myndvinnsluforritum svo sem Photoshop og Photoshop Elements er fúnksjón sem gerir manni kleift að fikta í LEVELS. Ég kann ekki öll góðu íslensku orðin til að geta útskýrt hvað þetta gerir nákvæmlega þannig að ég ætla að sleppa því. Hinsvegar get ég sýnt ykkur muninn á mynd eins og hún kom beint úr kúnni og svo þegar ég var búinn að láta Photoshop Elements laga LEVELS.
Það fer eftir forritum hvernig þetta virkar en oft er bæði hægt að láta forritið gera þetta fyrir mann sem og að gera þetta handvirkt. Fyrir leikmenn held ég að það sé betra að gera þetta automatiskt en það er samt góð æfing að fikta og gaman að sjá hvað kemur út úr því. Í Photoshop Elements sem dæmi er farið í Enhance -> Auto Levels og bing barabúmm ef myndin er verðugur kandidat batnar hún margfallt. Annars er mjög góð lesning um þessa hluti á dpreview.com

Annars búið að vera nokkuð gott að gera undanfarna vikuna. Adam er hinsvegar yfirleitt ekki lengi í paradís hér í UK og uppistaða næstu daga er standby sem er þó alltaf betra en ekki neitt, nema maður hafi eitthvað betra að gera en við þær kringumstæður er sby góð leið til að spilla góðum degi. Hvað um það,

kv.





föstudagur, september 23, 2005

Gleymdi að nefna það hver klukkaði mig. Það var hinn margfrægi Snorri Örn skákmeistari með meiru og bróðir. Ég hef mikið verið að hugleiða þetta og hef komist að einni niðurstöðu, ég einfaldlega skil þetta ekki. Á ég að nefna fimm atriði sem eru gangslaus fyrir aðra að vita eða fimm hæfileika sem ég hef sem eru mér gangslausir eða.... ég bara skil þetta ekki. Þar af leiðandi ætla ég að semja mínar eigin reglur og koma með fimm atriði yfir það sem ber að varast þegar fólk umgengst mig og ætlast ég til þess að allri sem lesa þetta fari eftir þessu eins og um hina heilögu ritningu sé að ræða! Hver veit, kanski verður til bók eftir tvö þú sund ár sem fólk les? Kanski fer fólki í Birkju á sunnudögum og tilbiður Brist og pabba hans Buð. Þegar allt kemur til alls er ég einstakur.
Hefst þá ritningin:

1) Ég er takkaóður fjandi, sýnið því skilning því hvernig lærir maður öðruvísi en að prófa sig áfram?
2)Ég veit allt og skil allt manna best. Ekki segja mér að ég hafi rangt fyrir mér, ég hef aðeins einusinni haft rangt fyrir mér, þá hélt ég að ég hefði rangt fyrir mér.
3)Mér leiðist leiðinlegt fólk. Ekki vera leiðinleg(ur) í kringum mig. Ég neita að fara út í þá umræðu hvernig leiðinlegt fólk er leiðinlegt.
4)Ég hef orðið var við það að eightís (80's) klæðnaður er að komast aftur í tísku, sé að verða móðins. Ég er alfarið á móti þessari þróun og krefst þess að fólk klæði sig ekki eins og fífl í kringum mig
5)Ekki gera eitthvað sem ég skil ekki í kringum mig, ég þoli það ekki þegar fólk hagar sér á einkennilegan máta og heldur að ekkert sé eðlilegra. Hreinlega óþolandi.

nú ætla ég að "klukka" bumbubræðurna Hjalta og Steindór og skella einum á Lalla því ég sé að konan hans er bara búin.

kv.

fimmtudagur, september 22, 2005

ég var klukkaður

Vissi nú ekki að það væri eitthvað svona í gangi á netinu en það er víst blákaldur veruleiki. Maður er s.s. klukkaður af einhverjum öðrum bloggara og á þ.a.l. að búa til lista yfir fimm gangslaus atriði um sjálfan sig. Ég lagðist yfir þetta krefjandi verkefni eða eins og maður segir á ensku, I took the bull by its horns. Þetta reyndist þrautinni þyngri því í mínu lífi gerist ekkert gagnslaust. Ég er þó ég segi sjálfur frá hagkvæmasti maður sem stigið hefur fæti sínum á jörðu.

1) Þetta verður að bíða betri tíma því mér dettur ekkert í hug

kv.

þriðjudagur, september 20, 2005

Alveg er þetta magnað. Spam á kommentinu. Ég hélt að ég væri búinn að loka á þetta en svo var ekki. Búinn að því núna en það á að virkar þannig að þegar þið finnið hjá ykkur þörf til að skrifa eitthvað uppbyggjandi á kommentið þá þurfið þið að staðfesta með því að skrifa upp einhvern texta sem byrtist á einhverri mynd... skýrir sig vonandi sjálft.

Annars er það að frétta að ég ætti að fá íbúðina stuttu áður en ég fer út næst. Ég kem heim 10 okt en stefnan er að þetta gerist einhverntíman í kringum 26. eða 27. okt. Vegna þess að ég er í kappi við Ómar þá stefni ég á að halda innflutningspartí strax helgina eftir þ.e.a.s. 28. eða 29. okt. Þetta er samt ekki 100% en maður vonar bara það besta.

kv.

mánudagur, september 19, 2005

Nú er strákurinn farinn út og verður frá næstu þrjár vikurnar, sjáum til hvernig netsambandið verður á því tímabili. Kem aftur 10. okt.

Kv.

föstudagur, september 16, 2005

Nú er ég hneikslaður og finn mig knúinn til að segja frá.
Fór ég á stúfana nú í vikunni að leita að afmælisgjöf fyrir frænda sem er ótrúlegt en satt að verða sjö ára. Lego lestarteinar eru efstir á afmælisóskalistanum því hann fékk lest þegar fjölskildan fór til DK hér um árið en teinarnir sem fylgdu henni ná bara í hálfan hring eins einkennilegt og það má vera. Hvað um það, eftir að hafa gert víðreist um borgina fann ég loks besta legóúrval landsins í Leikbæ Skeifunni. Þar finn ég fyrrnefnda teina og gríp tvo pakka í þeim hugleiðingum að versla þá og bæta þar við 80 tommum í lestarkerfi Hraunbæjar 188. Verður mér þá snarlega litið á verðmiðan sem mynnir mig svo um munar á þá svellköldu staðreind að ég er flugmaður. Tvö þúsund kall fyrir hvorn pakkann, varla handfylli! "Nei takk, hingað og ekki lengra, ég tek ekki þátt í svona löguðu" hrópa ég yfir búðina svo allir nærstaddir átti sig á afsöðu minni í málinu. Legg ég þá frá mér teinana og tek stefnuna rakleiðis út úr versluninni, staðráðinn í að finna teinana ódýrari á netinu og versla þá í UK.
Á vegi mínum út úr búðinni er Playmo deildin. Verður mér litið á stórt plaggat af Playmo hjónum í rómantískri lautarferð, ein án barnanna því þau eru sjálfsagt í pössun hjá Playmo afa og ömmu. Rekur mig þá í rogastans þar sem ég sé hvernig klámmenningin hefur rutt sér leið inn í leikfangaiðnaðinn. Playmokonana, eiginkona Playmomannsins var með barm. Þá erum við ekki að tala um neinn lítinn, svona til málamynda til að aðgreina Playmokonuna frá Playmokallinum ef maður skyldi vera með samfélag sköllóttra Playmo karla og kvenna heima hjá sér og hefði þ.a.l. ekki síða hárið til að aðskilja. Best held ég sé að láta myndirnar tala því þær segja meira en þúsund orð. Hér gefur að líta Playmo brúðhjón, ný gift og ótrúlega hamingjusöm, hvað ætli þau geri í kvöld eftir veisluna???? Það eina sem vantar er að háu ljósin séu kveikt. Þetta var ekki svona þegar ég var lítill að leika mér að Playmo og ég er mjög ósáttur við þessa þróun.

meira var það ekki

miðvikudagur, september 14, 2005

Hér sit ég við eldhúsborðið á Hjarðarhaganum, hakka í mig skúffuköku sem slett var í í morgun. Ómar fer hamförum á skúffukökunni, bætti ís við og afsakar sig á sunnudagsreglunni með því að hann verði ekki heima næsta sunnudag. Sjálfsblekking af verstu sort if you ask me. Pælingar dagsins sem ég hef reynt af fremsta megni að halda mig sem lengst frá eru ryksugur. Alveg sárlega vorkenni ég sölumanninum í Eyrvík sem veit meira en góðu hófi gegnir um ryksugur og allt sem þeim fylgja. Ómar mætir í Eyrvík og spyr hvort hann eigi að fá sér 1800W eða 1900W ryksugu.
Líkt og ljón yfirbugar bráð sína er sölumaðurinn kominn á Ómar og segir:
"Þegar menn mæta hingað og spurja þessarar spurningar spyr ég alltaf á móti; viltu kaupa bíl sem eyðir 10 eða 20 lítrum á hundraðið. Wöttin segja EKKERT um það hversu mikinn sogkraft ryksugan hefur!!! EKKERT!"
Í framhaldi af þessu hefst hann handa við að lista þá hluti sem fara verst í ryksugur í krónólógískri röð. Á þeim tímapunkti sé ég mig knúinn til að snúa mér um 180° og finna eitthvað áhugaverðara til að skoða. Fljótlega finn ég mér gashelluborð sem er með nógu mörgum tökkum og snerlum til að halda mér uppteknum í góða stund.
Eftir að hafa tekið grand túr um verslunina á ég leið hjá ryksugusekjsóninu og yfirheyri hver staðan er á ryksugurannsóknum Ómars.
"þannig að er það rétt skilið hjá mér að vöttin segja ekkert um sogrkaft ryksugunnar" segir Ómar
"Já, það er rétt, wöttin segja ekkert, EKKERT til um sograft ryksugunnar. Þú getur kíkt á síður eins og test.de sem er þýsk síða sem fer yfir svona hluti"
sé ég að það lifnar yfir ómari og sölumaðurinn heldur áfram
"og þar eru einmitt ryksugur prófaðar og sogkrafturinn mældur og þeir komust t.d. að þeirri niðurstöðu að þessi hér"
bendir af miklum ákafa á eina af ryksugunum sem hann selur
"sem er 1800w var með gríðarlega góða sograft í sínum flokki."
Það er eins og við manninn mælt, ég finn hjá mér óstjórnlega löngun til að fikta í gufuháf með fjöldan allan af styllingum og ótalmörgum tökkum. Tíminn þýtur hjá og áður en ég veit af er bankað í öxlina á mér. Ég sný mér við og fyrir framan mig stendur Ómar, fölur og fár.
"Þessi maður er ótrúlegur, hann veit allt um ryksugur" segir hann með lotningu fyrir gáfum sölumannsins.
Við göngum út úr verslun Eyrvíkur við Suðurlandsbraut, Ómar margs vísari en ég bara í nokkuð góðum fíling.

Stefnir í nýjar myndir á myndasíðunni

fimmtudagur, september 08, 2005

Nýjar/gamlar myndir á myndasafninu.

Manchester

og svo

Myndir frá Íslandi

kv

miðvikudagur, september 07, 2005

Hvað skal segja þegar ekkert er að segja. Menn eru bara í fríi heima hjá sér, drekka latte og slappa af. Kaffihúsalíf mitt er reyndar það langt gengið að ég verslaði mér latte klippikort á Kaffibrennslunni um daginn og er vel á veg kominn með það. Á hinum enda lífs míns sem er um þessar mundir Wilmslow í nágrenni Manchester er ég orðinn það reglulegur gestur Cafe Nero að starfstúlkunar voru farnar að spurja mig þegar ég kom hvort það væri það sama og venjulega.

Hef síðustu þrjú kvöld sótt námskeið til endurnýjunar á FI(A) flugkennararéttindum. Nú er því lokið og get ég ekki á nokkurn hátt megnað að lýsa hversu ánægður ég sé að þetta sé yfirstaðið. Reyndar var síðasta kvöldið ágætt því þar var farið yfir hluti sem maður gat meðtekið. Fyrri tvö kvöldin voru hinsvegar svo langt fyrir utan mitt athyglisspan að þó það hafi máski litið út fyrir það á tíðum að ég væri að fylgjast með þá var það einfaldlega vegna þess að mér er að takast ágætlega til við að þróa svip (facial expression) sem ég kýs að kalla "já er það virkilega!!??!?!" og nota gjarnan á flugstjóra sem vita það að jörðin er flöt.

Hvað um það.

Snjór niður fyrir miðjar hlíðar á Akureyri í morgun.

góða nótt

fimmtudagur, september 01, 2005

Ísland.... BEST Í HEIMI!

Fékk þennan sendan frá Stulla stuðfrænda, nokkuð góður:

Þær fréttir bárust í vikunni frá Kína að fornleifafræðingar hefðu grafið 1.000 m niður í jörðina og fundið koparvíra. Kínversk stjórnvöld segja að þetta sýni svo að ekki verði um villst að Kínverjar hafi verið búnir að finna upp símann fyrir 1.000 árum.

Daginn eftir bárust þær fréttir frá Þýskalandi að fornleifafræðingar hefðu grafið 1.000 m niður í jörðina og fundið ljósleiðara. Stjórnvöld þar í landi og Evrópusambandið
segja að þetta sýni að þjóðir meginlandsins hafi fundið upp stafrænar símstöðvar fyrir 1000 árum.

Í gær bárust þær fréttir frá íslandi að fornleifafræðingar hefðu grafið 1.000 m ofan í jörðina
en ekki fundið neitt.

'islensk stjórnvöld fagna þessu mjög og segja hafið yfir allan vafa að það hafi verið íslenskir landnámsmenn sem fundu

upp þráðlaust símkerfi.

sunnudagur, ágúst 28, 2005

Sit hérna á MAN flugvelli að bíða eftir SAS flugi til Köben. Ætlunin var að ná að hlaupa milli véla þar á innan við 50 mínútum. Slæmu fréttirnar eru þær að það er búið að seinka fluginu um 15 mínútur sem gefur mér 35 mín til að hendast á milli. Góðu fréttirnar eru að ég er með allt í handfarangri héðan þannig að það er ekki eftir neinu að bíða þegar hurðin er upnuð á vélinni í Köben.

Var búinn að skrifa skelfilega langan blogg um daginn sem fjallaði um raunir mínar í gleraugnakaupum. Bloggurinn tók á þeirri geðshræringu sem ég varð fyrir þegar ég komst að því að mistök urðu í vali á glerjum og hvernig ég brotnaði saman og grét með ekkasogum þegar ég áttaði mig á því að ég þyrfti sjálfsagt að bíða annan mánuð. Enn þann dag í dag skelf ég og tárast þegar ég hugsa til þess.

kv

mánudagur, ágúst 15, 2005

Flaug til Larnaca i gaer. Attum slott tima til ad fara i loftid klukkan 10:05 sem vid rett misstum af. Naesti timi sem vid fengum var 11:30. Thad var ekki fyrr en sidar ad vid frettum ad thad vaeri ut af flugslysi a okkar leid, vel ad koma fra Larnaca a leid til Athenu.
Fer fra Gatwick i dag, rett i tima til ad sleppa vid ad hitta bumbubraedurna Steina og Olla sem eg hald ad maeti hingad a morgun.
Naesta flug eftir viku... vona ad thad breytist snarlega thvi ef fram heldur sem horfir verd eg buinn med bokina sem eg er ad lesa og langt kominn med ad klara Medal of Honor i PS2.

kv.

laugardagur, ágúst 13, 2005

Svo madur svari nu ahangendum manns sem skrifa inn a commentid i hundrudatali a degi hverjum.....

Dagbjort:
Ur ordinu FERD er haegt ad mynda morg skemtileg samsett ord. Utferd, uppaferd, heimferd, dags ferd og yfirferd eru einungis orfa theirra. Sum theirra geta thytt meira en eitt, thad byggist svo alfarid a hugarastandi hvers og eins hvada skilning einstaklingur leggur i ordid og samhengi thess.

Hannes:
Thakka ther kaerlega fyrir kvedjuna. Eg vona tho innilega ad 'astar partur kvedjunnar komi fra kvenntjodinni tharna a vellinum.

Lalli og HD:
Barattukvedjur til Engilstuna. Hef fulla tru a thvi ad madur eigi eftir ad heimsaekja ykkur otal sinnum i komandi framtid til Svithjodar. Stay in there!


Annars er eg i Gatwick eftir ad hafa flogid til Corfu fra Manchester i nott og endad her. Flyg a morgun til Kypur, mynnir mig og fer thada til Manchester, held eg.

kv.

sunnudagur, ágúst 07, 2005

Til hamingju Íslendingar, fyrsta haustlægðin hefur sýnt sig í sinni verstu mynd. Þetta er alltaf skemtilegur tímapunktur. Rokið, rigningin, mirkrið, kuldinn, slabbið, snjórinn, saltið á götunum og svo margt margt fleira. Sumarið búið og veturinn að taka við. Þá er nú best að skella sér í heitt bað með nuddi..... sem mynnir mig á að...

drengurinn er búinn (því sem næst) að versla sér íbúð, og það ekki af lakari kantinum. Njálsgata 81 verður heimili mitt frá og með ótilteknum tímapunkti í nálægri framtíð. Íbúðin er búin nuddpotti fyrir fjóra, gaseldavél og neyðar kaðalstiga svo eitthvað sé nefnt. Og hvað kostuðu herlegheitin?? Það kemur ekki nokkrum manni við en ég held þó að flestir viti það því ég hef sagt öllum sem hafa spurt.
MYNDIR eru komnar inn á myndasíðuna til skoðunar. Innflutningsteiti verður haldið einhverntíman í október/nóvember, takið daginn frá.

Annars er komið að útferð. Fer út í fyrramálið, aftur til Manchester. Planið svo að koma heim aftur 29. þessa mánaðar til að taka við íbúð og flytja inn, takið daginn frá!

miðvikudagur, ágúst 03, 2005

Mér til mikillar mæðu vonbrigða áttaði ég mig á því fyrir örfáum dögum að gallabuxur sem ég verslaði ekki fyrir svo löngu eru ekki gerðar fyrir örvhenta. Það kemur sér virkilega illa fyrir örvhentan einstakling eins og mig. Í hverju liggur téður hönnunargalli buxananna? kunnið þið að spurja. Af einhverri óskiljanlegri ástæðu hafa beltishöldur buxnanna verið saumaðar þannig á að tvær fremstu eru ójafnar. Framanverð vinstramegin er nær miðju en framanverð hægramegin. Þetta orakar það að belti sem fer í buxurnar þarf að hafa á hvolfi til að silgjan sitji á réttum stað. Þar af leiðir að nú þarf ég að venja mig á að opna silgjuna vinstra megin í hvert skipti sem ég geng örna minna og þarf að sama skapi að læra að þræða beltið í öfuga átt þegar ég hef aflokið viðskiptum mínum við salernið. Þetta er tímafrekt og leiðinlegt ferli sem ég nenni ekki að ganga í gegnum en finn mig samt knúinn til að afbera. Ég hef sett saman og sent formlegt kvörtunarbréf til höfuðstöðva Blend Of America og á von á svari á næstu dögum, ég mun birta það hér um leið og það berst.

U2 tónleikar eru afstaðnir. Ýtarleg lýsing á þeim er á síðu Hjónanna og ég hreinlega nenni ekki að endursegja allt sem þar stendur, enda ferst Lalla það verk mjög vel.
Myndir af tónleikunum má svo finna á MYNDASÍÐUNNI .

Heitasta æðið í dag hjá öllu þenkjandi fólki er SUDOKU. Einfaldast er að útskýra sudoku með dæmi.
Hér fyrir neðan er dæmi um þraut eins og hún byrtist manni. Borðið er 9x9 reitir og skiptist niður í 9 kassa, hver með 9 reitum í. Þrautin gengur svo út á það að í hvern kassa á að setja tölurnar frá 1 upp í 9. Í hvern kassa má hver tala aðeins koma fyrir einu sinni og í hverja röð lárétt og lóðrétt gildir það sama, hver tala á bilinu 1-9 má bara koma fyrir einu sinni. Þetta er sérlega góð leið til að láta tímann líða þegar maður er að ferðast, þegar maður er í vinnuni eða ef manni leiðist og það besta er að það eru engin batterí.
Þetta er að tröllríða öllu í Bretlandi þar sem hægt er að kaupa sérstakar Sudoku þrautabækur en það var með kaupum á einni slíkri sem ég kynntist þessu og hef ekki verið samur síðan.
Ég skora á ykkur, lesendur kærir, að prófa og ef ykkur langar í meira þá er hér nokkuð fín SUDOKU síða og svo er að sjálfsögðu hægt að versla þetta á AMAZON .

Að lokum langar mig að ræða Stafrænan Hákon. Eitt það skemtilegasta við Stafrænan Hákon er að drengurinn heitir ekki einusinni Hákon. Ég ætla ekkert mikið út í þá sálma hver þetta er, það er hægt að lesa allt um það á alnetinu, en hann heitir Ólafur Jósephsson.
Stafrænn Hákon hefur gefið út nokkrar plötur, bæði á geysla og vinyl, og sætir furðu hversu fjörugt ímyndunarafl kauði hefur þegar kemur að titlum bæði á plötum og lögum. Sem dæmi um útgefið efni þá kom út platan "ventill/poki" síðastliði haust. Þar áður hefur félagi okkar gefið út plötur á borð við "Per:Segulsvið - Kysstu mig Þungi Spánverji", "Glussajól"og "Skvettir edik á ref". Sem dæmi um heiti laga má nefna "Sítrónudurgurinn" af "Eignast Jeppa", "Kjæfusafi" af "Prjónar Húmmus" og "Tætir Rækju" af "Skvettir edik á ref".
Hvernig tónlist erum við að tala um? Jú, ykkar einlægur fór á stúfana og kannaði efni og innihald. Til að spanna sem breiðast feril listamannsinns voru tekin til hlustunar lög af plötunum "Eignast jeppa", "Í ástandi rjúpunnar", "Prjónar húmmus", "Skvettir edik á ref", "ventill/poki" og síðast en ekki síst "Per:Segulsvið - Kysstu mig Þungi Spánverji". Við fyrstu hlustun mynnir tónlistin á blöndu af Sigur Rós og SKE. Ágætis tónlist til að slaka á við eða hlusta á þegar maður vill komast hjá því að hugsa um nokkurn skapaðan hlut.
Nú er margur sjálfsagt farinn að hrista hausinn í þeirri bjargföstu trú að ég sé endanlega genginn af göflunum og að allt um Stafrænan Hákon sé uppspuni frá rótum..... allir nema kanski Cpt. Garðarson. Kíkið endilega á shakon.com og látið sannfærast. Undir sounds má finna slatta af lögum sem hægt er að niðurhlaða og spila á tölvunni heima í stofu.
Að lokum textinn úr laginu "Vísur fyrir þreytta fugla"

Hermann staflaði nokkrum rjúkandi vorrúllum á bretti og sýndi Alexei frænda sínum þannig stuðning, en hann var að keppa á íslandsmeistaramótinu í botnalangauppskurðum sem haldið var á Sankti Jóseps spítala sjöunda árið í röð. Hann hafði þegar lokið 24 aðgerðum á 48 mínútum og átján sekúndum og var sem stóð í 3-4 sæti í riðlinum. Á eftir doktor Togga og doktor Kalla sem voru efstir. Doktor Kalli langefstur og öruggur áfram með 38 uppskurði á einni klukkustund sléttri. Þar af eina glæsilega ennisholuaðgerð, sirkusaðgerð sem hann skellti inn í lokinn við mikinn fögnuð viðstaddra. Sérstaklega Hafrúnar hjúkrunarforstjóra sem grét af geðshræringu þegar mestum greftrinum hafði verið náð úr stífluðum ennisholunum. "Jíbbí!", hrópaði hún "Jibbí!", og brunaði á mótórhjólinu sínu í hádegismat. Með standarann á.

kv.

þriðjudagur, ágúst 02, 2005

sunnudagur, júlí 31, 2005

Sex tímar í U2, ekkert meira um það að segja

Gleðilega verslunnarmannahelgi

fimmtudagur, júlí 28, 2005

Margt hefur drifið á daga mína síðan síðast, svo margt að það er ekki nokkur leið fyrir minn mynnislausa haus að muna. En svo fátt eitt sé nefnt:
Gerðist svo frægur að fara á tónleika með Emelíönu Torrini á NASA Jóa, Röggu, Magnúsi, Caritu og Bennu. Mjög góðir tónleikar fyrir utan það að þeir voru standandi sem er ekki mér að skapi við svona tónlist, en hvað um það.
Hélt svo grill í tilefni þess að danskur leggur fjölskyldunnar var á landinu. Eftir mat mættu fleiri gestir og eftir góðan tíma var svo farið á aðal staðinn í bænum, Hressó þar sem tekið var all hressilega á því. Daginn eftir var hinsvegar þoka á fjallvegum sem var í takt við veðrið utandyra og því ekkert af nokkru tagi gert.
Mikið hef ég setið á Austurvelli undanfarið enda hefur verið bongó blíða allt síðan ég kom heim. Það ætlar að sannast enn aftur að góða veðrið fylgi mér því nú um helgina þegar ég fer af landi brott verður súld og sunnan stinningskaldi á annesjum en spáir strax batnandi veðri á landinu þegar ég kem aftur á mánudag eftir helgi.
Náði loks að ljúka mótorhjólaprófinu í dag. Verklegu tímarnir voru teknir með trukki þegar þeir komust loks í gang, byrjaði á laugardag og tók svo prófið eins og áður sagði í dag, með glæsibrag. Nei ég ætla ekki að kaupa mér hjól..... hérna heima allavegana. Það er aldrei að vita hvað gerist ef það er ekki of mikið stórmál og ég rekst á eitthvað á réttu verði í UK.
Annars er stóra málið núna komandi U2 tónleikar um helgina í Köben. Fer út á morgun og skilst að hjónin ætli að taka á móti mér útá velli með einn kaldan en fá í staðin flösku af íslensku lindarvatni beint úr krananum á Hjarðarhaganum.

Að lokum, myndir frá grillinu um síðustu helgi hjá mér á ÞESSARI SÍÐU og svo á MYNDASÍÐUNNI HENNAR RÖGGU

KV.

fimmtudagur, júlí 21, 2005

Ekki lengi að því sem lítið er, nýjar myndir frá Manchester base og ættarmótinu

kv

miðvikudagur, júlí 20, 2005

Til að fyrirbyggja allan misskilning þá var ég alsgáður og akandi þegar ég ritaði síðast póst.

Miklar og stórar pælingar í gangi, eins og alltaf svosum. Ég held áfram að hafa fasteignamarkaðinn í gjörgæslu. Styttist í að mótorhjólanámið komist á alvarlegt stig og þar með er farið að kitla mann að hafa aðgang að hjóli í UK. Stærsta vandamálið er að tryggja gripinn því maður er ekki með lögheimili úti en það má vera að laus hafi fundist á því þannig að það er aldrei að vita.....

Eyjarnar heimsóttar í dag. Islanderinn byrjaður að fljúga við taumlaus fagnaðarlæti Eyjamanna. Á bakkanum er allt að koma saman, skilst að vígsla á nýrri flugstöð sé á þriðjudag. Einar bakkabróðir er kominn með fjögur fjórhjól sem verða leigð út á sanngjörnu verði undir nafninu Fjörhjól. Ég tók út hjólin í dag og skemst frá því að segja að þau stóðust möbelfakta prófanir af stökustu príði.

Myndir á leiðinni inn á myndasafn.

kv

sunnudagur, júlí 17, 2005

Jahá, jamm og jæja, seisei já og dirrindí....

Ekki mikið að frétta frekar en fyrri daginn. Fyrsta útilega sumarsins yfirstaðin. Betra er seint í rassinn gripið en að grípa í tóman rass eins og segir í hinu fornkveðna. Það var eins og við manninn mælt, rigndi eins og hellt væri úr fötu og var dvölin sem átti að vera allavegana fram á mánudag stytt svo um munaði og keyrt á öðru hundraðinu í bæinn á bling bílnum fræga því eins og sagt er betri er einn fugl í sósu en tveir í frysti. Með í för var Ragga sem var gott því fátt smátt gerir lítið eitt eða ekki neitt.
Látum þessu rugli lokið því einsdæmi er að dæmigerðar dæmisögur séu dæmdar dæmalausar.

kv.

miðvikudagur, júlí 13, 2005

Nú er maður bara orðinn frægur, mynd af mér framan á fréttablaðinu í dag 13/7, svona þannig séð allavegana. Þarna sit ég í sætaröð 28C í TF-FIK á leiðinni frá Glasgow til Keflavíkur á sextíu ára afmæli millilandaflugs frá Íslandi. Myndin er reyndar tekin úr ágætri fjarlægð, utanfrá og hendi einhvers óþokka blokkerar þann part vélarinnar sem ég sit í. Frægur engu að síður.

U2 tónleikar í Köben framundan. Út 29. júlí og heim 1. ágúst. Þetta verður magnað.

kv.

föstudagur, júlí 08, 2005

Virkilega slaemt adgengi ad nettengrdi tolvu skilar ser i virkilega sloppu bloggi og fleiru.
Allt ad verda vitlaust i London. Hjalti, Steindor og Benni bumbuflugmenn og eg vorum i London i fyrradag, tha var allt med kyrrum kjorum, sem betur fer. Nu er eg hinsvegar kominn aftur i kotid mitt i Wilmslow.
Roleg helgi framundan thannig ad plandi er ad skella ser a Duxford flugsyninguna sem verdur serlega stor i ar vegna 60 ara afmaelis stridsloka.

Kem heim 13. juli

kv.

þriðjudagur, júlí 05, 2005

Ekki mikid ad segja. Buinn ad vera i Manchester i viku nuna. Skellti mer i dag til Gatwick thar sem eg a ad ferja vel hedan a fimmtudag til Newcastle.
Kem heim a midvikudag.....

kv

mánudagur, júní 27, 2005

Kominn til UK, mynni a uk GSM sem stendur efst vinstramegin

Tenerife a morgun

kv

sunnudagur, júní 26, 2005

Nú skellti ég mér norður á krókinn á föstudag. Tilefnið var að Rúna var að halda innflugtningsgrill í skemmuna sína og vildi svo til að það var sveitaball um kvöldið. Mér fanst vera kominn tími til að fara á sveitaball því það hafði ég aldrei áður gert. Hljómsveit kvöldsins voru Stuðmenn sem bregðast sjaldan ef maður er í rétta gírnum með réttu fólki. Dansinn dunaði langt fram eftir nóttu og jafnaðist á við nokkuð góða eróbik æfingu. Tvisvar um kvöldið tóku Stuðmennirnir lag sem stuðmannadansinn var dansaður við í Með Allt Á Hreinu og að sjálfsögðu sá ég mig knúinn til að stíga þann dans. Mér var hinsvegar sagt að ég hafi verið sá eini sem hafi stigið þennan dans og að það hafi vakið óskipta athygli meðal annara dansgesta sem voru farnir að spurja Rúnu hver þessi maður væri.
Þykir mér það miður að þessi dans sé að falla í gleymsku því þó hann beri hvorki vott um þokka eða fegurð þá er hann óhemju skemtilegur og tekur vel á.

Nú eru hjónakornin flogin af landi brott til að nema lönd á meginlandinu og koma sjálfsagt ekki heim aftur öðruvísi en í heimsókn í laaaaaaaangan tíma. Þau verða hinsvegar þeirrar ánægju aðnjótandi að hitta mig í lok júlí þegar þau taka á móti mér á Kastrup með öl og smörrebröd.

Ég er annars sjálfur floginn burt í fyrramálið og í þetta skiptið til Manchester. Þar verð ég bara í sextán daga því ég var búinn að vinna af mér nokkra daga til að komast í ættarmótið á vestfjörðum um miðjan Júlí.

kv.

fimmtudagur, júní 23, 2005

Það þarf að sjálfsögðu ekki að segja frá því að ég náði bóklega mótorhjólaprófinu með miklum stæl í gærmorgun án þess að hafa lært svo mikið enda fæddur með sérlega góðar og yfirgripsmiklar gáfur. Nú er bara að taka verklegu tímana en ég næ að öllum líkindum ekki að gera það fyrr en ég kem heim næst 13.07.05.

kv.

miðvikudagur, júní 22, 2005


Teki� �r v�l Air Atlanta Posted by Hello

þriðjudagur, júní 21, 2005

Þegar maður hefur ekkert mikið annað að segja er oft bara ágætt að splæsa inn nokkrum bröndurum.
Fyrst kemur vísa sem lýsir vel raunum okkar aðstoðarflugmannana.

The Copilot
I am the copilot. I sit on the right.
It's up to me to be quick and bright;
I never talk back for I have regrets,
But I have to remember what the Captain forgets.

I make out the Flight Plan and study the weather,
Pull up the gear, stand by to feather;
Make out the mail forms and do the reporting,
And fly the old crate while the Captain is courting.

I take the readings, adjust the power,
Put on the heaters when we're in a shower;
Tell him where we are on the darkest night,
And do all the bookwork without any light.

I call for my Captain and buy him cokes;
I always laugh at his corny jokes,
And once in awhile when his landings are rusty
I always come through with, "By gosh it's gusty!"

All in all I'm a general stooge,
As I sit on the right of the man I call "Scrooge";
I guess you think that is past understanding,
But maybe some day he will give me a landing.
— Keith Murray


Flaug heim frá LHR í dag, las þetta í local blöðunum þar:
At Heathrow Airport today, an individual, later discovered to be a public school teacher, was arrested trying to board a flight while in possession of a compass, a protractor, and a graphical calculator.
Authorities believe he is a member of the notorious Al-Gebra movement.
He is being charged with carrying weapons of math instruction.



Og svo vegna þess að uppáhalds flugstjóri minn Herra Neaushitler er nú þýskumælandi og leigusali minn er af þýsku bergi brotinn þá finst mér viðeigandi að maður læri nokkur vel valin þýsk flug-orð

German Aviation Terms
AIRCRAFT---Der Fliegenwagen
JET TRANSPORT---Der Muchen Overgrossen Biggenmother Das Ist FliegenHighenfaster Mit All Der Mach Und Flightenlevels. (Built by Boeing)
PROPELLER---Der Airfloggen Pushenthruster
ENGINE---Der Noisenmaken Pistonpusher Das Turnens Der AirfloggenfanPushenthruster
JET ENGINE---Der Schreemen Skullschplitten Firespitten SmokenmakenAirpushenbacken Thrustermaker Mit Compressorsqueezen Und TurbinespinnenBladenrotors. (Made by Pratt & Whitney)
CONTROL COLUMN---Der Pushenpullen Bankenyanken Schtick
RUDDER PEDALS---Der Tailschwingen Yawmaken Werks
PILOT---Der Pushenpullen Bankenyanken Tailschwingen Werker
PASSENGER---Der Dumbkopf Das Est Strappened En Der Baacken Mit Der OtherDumbkopfs Das Est Expecten To Leave Undgo On Scheduledtimen Und Arriven mitDer Luggagebags Somplaceneisen
STUDENT PILOT---Der Dumbkopf Das Learnen Fliegen Un Hopen To Jobenfinden MitDer Airlinens
FLIGHT INSTRUCTOR---Der Timenbuilder Mit Less Den 1000 HrsMultienginefliegen. Teachen Dumbkopfs To Fliegen Vile Waitenwatchen Fer DerLetter Mit Der Joboffering Frum United
AIRLINE TRANSPORT PILOT---Das Grosse Overpaiden Und Under WerkenWhinencomplainer Biggen Schmuck Dat Fliegen Mit Das Big Airlinen
PARACHUTE---Der Stringencotten Das Est Usen To Floaten Der TailschwingenPushenpullen Bankenyanken Werker Down To Earthen Ven Der Fliegenwagen EstKaputen
FAA---Der Friggenfliegen Dumbkopf Schmucks Das Maken Alder Rulens UndRegulations
Helicopter --- Der Flingen Wingen Maschinen mit der Floppen Bladens dot istFliegen by der Dumbkopfs vas iss too Stupiden for Knowen dees Maschinens eesnot Safen ver Fliegen.

Annars er bara allt gott að frétta. 757 hermirinn gekk bara eins og best verður á kosið þannig að allir eru sáttir. Næsta útferð er mánudaginn næstkomandi, verð þá úti í einungis 16 daga.

kv.

laugardagur, júní 18, 2005

Myndir frá Skotlandi komnar inn á Slepjuna

kv.

fimmtudagur, júní 16, 2005

Lítið varð af ferð minni til UK 15.-18. til að læra á 757 því ég valdi að fara frekar til Skotlands að sækja Islander, nýja flugvél Flugfélags Vestmannaeyja, með Heimi yfirflugstjóra flugfélagsins.
Það gekk allt í sögu eftir að við komumst loks af stað frá Cumbernauld flugvellinum sem er mitt á milli Glasgow og Edinborgar. Leiðin sem var flogin var um Stornoway, Færeyjar og svo beint á Eyjar þar sem múgur og margmenni tók á móti okkur.
Í staðin fer ég svo til Uk í 757 kassann á laugardaginn 18. júní og kem heim þriðjudaginn þar eftir. Fer svo aftur út mánudaginn 27. júní og kem að lokum aftur heim 14. júlí. Nóg að gera og bara gaman að því.

kv.

föstudagur, júní 10, 2005

Jammogjæja
Nú er öllum ljóst að ég er heima, fer ekki framhjá neinum enda þekktur fyrir að láta mikið fyrir mér fara.
Eins og venjulega er tekið hús á helstu hetjum samtímans og á góðum degi heimsækja hetjurnar mig.
Renndi á Bling Bílnum mínum uppí Skorradal þar sem Baggabotn liggur. Þar býr Jói Pálma. Grillað, drukkinn bjór, drukkið rauðvín, stungið á kýlum og sagðir brandarar. Er ekki frá því að það sé að verða kominn tími á eina góða útilegu innan um hina íslensku sauðkind í iðgrænni íslenskri náttúrunni.
Fer örstutt út 15.-18. júní til að læra á 757.

kv.

þriðjudagur, júní 07, 2005

Nú er drengurinn enn og aftur kominn heim í sunnan súldina, sem er satt best að segja bara nokkuð hressandi. Eftir að hafa verið tekinn í gíslingu í Gabon af VP Operations hjá Air Gabon prísar maður sig sælann að vera orðinn laus af meginlandi Afríku.... í bili. Gabon samningurinn er HALLAS eins og maður segir á góðri arabísku og flestir bara nokkuð sáttir við það.
Sumarið verður tekið í Manchester við það að fljúga með sólþyrsta, bjórþambandi Breta til allra helstu sólaráfangastaða Evrópu og Afríku á smáþotunni 757-200. Til þess að ég teljist hæfur að fljúga þeirri skepnu skilst mér að ég þurfi að fara út í miðju fríi í nokkra daga til að grípa í fákinn og taka próf. Hvenar það verður nákvæmlega á eftir að koma betur í ljós.

kv.

föstudagur, júní 03, 2005

Utlaginn snyr aftur...... Gott heiti a mynd og jafnvel meira en thad.
Nu litur loksins ut fyrir ad eg fari ad komast aftur til Parisar hedan fra Gabon eftir langa dvol sem hefur borid litid annad af ser en full mikid af solbadi og of haan hotelreikning.
Foreldrarnir eru komin til Paris og a timabili leit ut fyrir ad thau mundu fara thadan aftur an thess svo mikid sem ad hitta mig............. sem hefdi verid skelfilegt svo ekki se meira sagt.

Motorhjolanamskeidid bidur handan vid hornid og er ekki viss um hvor er spenntari fyrir thessu, eg eda riddari gotunnar, sjalfur Larus Motorhead Halldorsson.

Rennur af stað ungi riddarinn,
rykið það þyrlast um slóð.
Hondan hans nýja er fákurinn,
hjálmurinn glitrar sem glóð.

Tryllir og tætir upp malbikið,
titrar og skelfur allt hér.
Reykmettað loftið þá vitið þið
er riddari götunnar fer.

(viðlag)
Ég hef alltaf verið
veik fyrir svona strák,
sem geysist um á mótorfák,
og hræðist ekki neitt.

Aftan á hjóli hans situr snót,
sú sem hann elskar í dag.
Sýna þau hvort öðru blíðuhót
og svíf'inní kvöldsólarlag.

viðlag

kv

þriðjudagur, maí 31, 2005

Nu er thad buid ad vera i umraedunni lengi ad eftir sumarid verdi madur fluttur yfir a B747 .
Er farinn ad efast um ad thad gerist heldur verdi eg fluttur yfir a skipaflota Avion Group thar sem eg verd gerdur haseti og mun stunda vikulegar siglingar til Rotterdam og Nyfundnalands. Thad mun ekki vera stormal fyrir mig ad skipta yfir thvi vill svo til ad eg er mjog vel mali farinn i sjoara lingoi.
Daemi:
Kastid honum ut fyrir lunningarnar strakar!
Thad gefur a hann i dag strakar, eg a nu ekki von a braelu a morgun.
Bolvadir anskotans raeflarnir!

Thad sem upp a vantar kem eg til med ad laera med lestir Tinna boka og af heimsoknum til Hauks Barkarsonar.

kv

sunnudagur, maí 29, 2005

On time, en ekki hvad!

Sa storfenglegi atburdur atti ser stad i nott ad flug AGN611 fra CDG til LBV var a aetlun. Thetta hefur ekki gerst sidustu sex manudina sem thessi samningur hefur verid i gangi. Og hverju er ad thakka?? Engum odrum en mer!
Gabon er annars vid sama heigardshornid. Her er sol og gott vedur, kjorid til ad horfa a CNN. Haestvirtur flugstjori minn, herra Neausiedler, hagadi ser bara nokkud vel i fluginu og yrti ekki mikid a mig. Vil eg tha helst thakka Dagbladinu Visi fra 12. og 13. mai fyrir frabaera frammistodu i ad halda mer uppteknum i tha sex og halfa tima sem flugid stod og adstoda mig i ad gefa ekki faeri a mer i samraedur.

kv.

föstudagur, maí 27, 2005

Nú er sumarið komið til París með hvelli. 30°c+ sól og bongó blíða. Það er ekkert annað að gera en að skella sér niðrí bæ í stuttbuxum og ber að ofan, stoppa við hér og þar og fá sér öl og að sjálfsögðu að fara í bestu ísbúðinna í bænum til að fá sér einn kaldan..... ís. Sumir, nefnum engin nöfn, kjósa hinsvegar að fara í mollið að versla og fara svo snemma að sofa.
Skemst frá því að segja að Rúna og Steindór eru búin að vera í heimsókn í París síðustu dagana til að hamast á 747 flughermi Air France. Ég tók Rúnu í stóra Parísarrúntinn sem ég hef verið að þróa síðustu vikur með því að gæda ólíklegasta fólki hér um bæinn, Steini var hinsvega vant við látinn sbr. fyrr málsgrein.

Nú ætla gömlu hjónin að kíka í heimsókn á litla strákinn helgina áður en hann fer heim, stóðust ekki fríu gistinguna og góða veðrið og ákváðu að skella sér með stuttum fyrirvara.


kv.
Góðu fréttirnar eru að frunsan er history að mestu leiti, einungis lítið sár á vör. Slæmu fréttirnar eru þær að ég þarf að fljúga með einum leiðinlegasta manni mannkynssögunnar á morgun. Það verður samt ekkert mál því maður notar bara "wil not speak unless spoken to" tæknina og tekur góða bók með sér.

Bongóblíða í París 30°c+ og sól, maður kvartar ekki, nema kanski yfir því að þetta er svona í heitara lagi.

kv.

sunnudagur, maí 22, 2005

Nú er það helst í fréttum að ég er kominn með frunsu í hægra munnvik.

mánudagur, maí 16, 2005


Óeirðir í París Posted by Hello

Hvar er Valli? Nú, þarna er hann Posted by Hello

Hvar er Valli?

Allt síðan ég var ungur drengur og sá bókina um hann Valla í afmælisveislu hef ég leitað. Ég hef leitað um víða veröld en aldrei fundið. Fór ég til Eyja og taldi mig hafa fundið hann en sá klæddist aldrei hvít/rauð röndóttum peysum. Stefnulaust ráfaði ég um hinar ýmsu borgir til þess eins að finna Valla, án árangurs. Þar til einn góðan veðurdag í París að ég geng fram á félaga. Hann er svo ánægður að sjá mig að hann baðar út öllum öngum, svo hamslaus af gleði er hann að hann rotar mig nærri með stafnum sínum. Við eigum saman langt og gott spjall og kveðjumst svo í mesta bróðerni enda finst okkur báðum sem við höfum þekkst allt frá því að ég sá bókina um hann fyrst. Hann bað mig þó áður en leiðir okkar skildu að segja engum, ekki nokkrum manni, frá því hvar hann felur sig því náskildur frændi hans er víst kviðmágur Osama Bin Laden og þar af leiðir að FBI, CIA og Gestapo eru að leita hans í tengslum við áætlaðar hriðjuverkaárásir á Seaworld í Flórida.

Ég held annars áfram að skoða París enda er ég í fjögurra daga fríi.

kv.

sunnudagur, maí 15, 2005


Your own, personal, aircraft Posted by Hello

miðvikudagur, maí 11, 2005

Leiðrétting

Það skal tekið fram að Maggi átti þátt í að gefa mér sírópið frá Canada og leiðréttis hér með....

kv

sunnudagur, maí 08, 2005

Nú átti ég afmæli í gær, loks orðinn lögráða. Fékk margar góðar gjafir og ber þá helst að nefna Flúðasveppi frá Hjalta, dæld á bílinn minn frá ótilgreindum verkfræðinema, Guyana romm frá Ómari, Kúbuvindil frá Jóa, Síróp frá Bjarna, Amarula líkjör frá Rúnu og heljarinnar grillveislu og salatverktól frá familíunni.
Hélt svo lítið teiti á mínu nýja heimili. Þar tók snillingurinn hann Hjalti sig til og eldaði máltíð úr nokkrum gjafanna. Honum er einungis fyrirgefið vegna þess að rétturinn var sérlega bragðgóður og á sjálfsagt stóran þátt í því að heilsan var nokkuð góð í morgun. Til öryggis hringdi hann svo niðurbrotinn maðurinn í dag og baðst auðmjúklega afsökunar á því að hafa eldað gjafirnar mínar. Á þeim tímapunkti var erfitt að fyrirgefa þar sem ég hafði nýverið eytt lunganum úr morgninum í þrif á eldavélinni þar sem dugði ekkert minna en stálull og ótæpilegt magn af Eðal þvottasápu.
Bærinn var tekinn með trompi og enn á ný staðfestist það að íslenskt kvennfólk er með slæmann smekk því ekki litu þær við einum efnilegasta piparsveini síðari ára.

Nú er farið að styttast ískyggilega í brottför. Fer út á miðvikudag og kíki svo aftur heim mánudaginn 6. júni.

Nýjar myndir ættu að fara líta dagsins ljós á myndasíðunni og þar á meðal verður mynd af hluta afmælisgjafanna...... Takk Hjalti

kv.

sunnudagur, maí 01, 2005

Þá er strákurinn kominn heim úr heljar ævintýri í svörtustu afríku. Congobúar eru hinir hressustu, elda fínasta shavarma og þá sérstaklega komi þér frá Líbanon.
Það er stutt stoppið núna. Ekki vegna þess að ég sé að selja daga heldur þvert á móti vegna þess að ég er að losa mig við daga sem ég skulda sem og að færa til daga sem ég ætla að taka í sumar.
Nú má skeiðklukkan fara í gang því nýr sími var verslaður í fríhöfninni í gær og af fyrri reynslu má ætla að það sé bara tímaspursmál hvenar ég tapa honum á einn eða annan hátt.
Svo var playstation 2 tölva versluð í París undir því yfirskyni að nota hana sem DVD spilara, virkar fínt sem slík.

kv.

þriðjudagur, apríl 26, 2005

Og svo var thad siminn....

Ja, hvad haldid thid, var ekki bara simanum minum stolid
Var a gongu um breidstraeti Parisarborgar i bullandi romantik. Talandi i simann, kikjandi a kort. Veit ekki fyrr en buid er ad rifa simann af mer og gleraugun komin i gotuna. Teigi mig eftir gleraugunum thvi an theirra hefdi eg ekki geta borid kennsl a sakamanninn. Brillurnar komnar a og se eg tha ekki thar sem madur i svartir hettupeyru og blaum gallabuxum hverfur fyrir horn med simann i hendi. Hvad geri eg, ekki nokkurn skapadan hlut enda ekkert vid thessu ad gera nema fynna upp heila ordabok af nyjum blotsyrdum.

kv.

Je suis une Gabonese

Godmennskan an drepa mann. Atti ad koma heim i gaer, manudag, en vegna kroniskrar kvefpestar hja flugmonnum flugfelagsins Atlanta var eg bedinn um ad redda malunum. Vegna thess ad thad er buid ad vera svo hrikalega dautt hja mer undanfarid akvad eg ad bjarga flugfelaginu fra bradri glotun og hlaupa i skardid. Sendur med Air France 777-200 fra Paris til Libreville. Thufti ad tekka toskuna mina inn thratt fyrir ad vera mein illa vid that thvi af vidtaekri reynslu minni dro eg tha alyktun ad hlutirnir ganga ekki alltaf fyrir sig i Afriku eins og madur hefdi kosid. Flugid var skitsaemliegt fyrir utan thad ad eg hef sjaldann a aefi minni thurft ad njota eins litils fotaplass og thad a long-haul flugi. Eftir rumlega sex tima flug var Libreville ordid ad veruleika. Er tha ekki verkfall hja Air Gabon, aldrei thessu vant thannig ad thad er enginn til ad taka toskur ur mallanum a velinni. Eg stod thvi tharna i uniforminu einu fata med flugtoskuna mina sem inniheldur ekkert sem getur komid mer ad gagni vid adstaedur sem thessar. Nu, niu timum sidar er ekkert enn ad fretta fra af gangi mala thannig ad stefnan er tekin a minjagripabud hotelsins til ad versla ser einhver smekkleg fot med myndum af giroffum og filum a.

kv

sunnudagur, apríl 24, 2005

Danskur sigur á Norðurlandamóti í pípulögnum

Henrik Hansen, 22 ára gamall pípulagnanemi frá Kruså í Danmark, fór með sigur af hólmi á Norðurlandamótinu í pípulögnum, sem lauk í Perlunni í dag. Hinir keppendurnir fjórir voru úrskurðaðir jafnir í öðru sæti en þeir voru Tómas Ingi Helgason, Svíinn David Josefsson, Finninn Henri Koskinen og Norðmaðurinn Markus Kaltvedt. Þetta var fjórða Norðurlandamótið í pípulagningalistinni, og í fyrsta skipti sem keppnin er haldin hér á landi.

Áhugavert, ekki satt

kv.

sunnudagur, apríl 17, 2005

Nýjar myndir á slepjunni

kv.

fimmtudagur, apríl 14, 2005

Nú hef ég ákveðið að skella mér á skellinöðrunámskeið þegar ég kem heim og þar af leiðandi skoða ég þessa síðu á hverjum degi!

miðvikudagur, apríl 13, 2005

Ef það er eitthvað sem ég hef lært af henni móður minni þá virðist það vera að elda allt of stóra skammta af mat. Tók mig til í fyrradag og eldaði hakk og spagettí(tagliatelli). Af einhverri ástæðu sem er fjarri mínum skilning verslaði ég 500 g af hakki. Með fimmhundruð grömmum af hakki fara um hundraðogfimtíu grömm af sveppum og að sjálfsögðu fjögurhundruðtuttuguogfimm grömm af sósu. Þarna erum við komin með máltíð uppá rúmt kíló nema hvað að allt pastað er eftir. Ég lagði það ekki á mig að vikta pastað, enda hef ég ekki vog hér í þessari annars ágætu íbúð, en það hefur sjálfsagt verið soðið um sjöhundruð og fimtíu grömm. Þarna var ég því kominn með máltíð uppá tæp tvö kíló, fyrir mig einan og óstuddan. Ekki er hægt að ætlast til þess að maður í stífri megrun eins og ég sjálfur takist að granda tveggja kílóa trölli í einni atrennu þannig að það voru afgangar í gær.

Keypti mér nýtt Flight Kit í fyrradag. Ég kingdi stoltinu og fékk mér tösku á hjólum en ég er þá undantekningin sem sannar regluna því einungis stelpur og hommar nota flightkit á hjólum.

Nokkrar nýjar myndir komnar inn

kv.

þriðjudagur, apríl 12, 2005

Hvað haldið þið að sé að gersast. Nú er ég búinn að vera úti í viku, búinn með eitt flug og lítur úr fyrir að ég fljúgi ekkert fyrr en 19. apríl. Hvað skal segja, ætli ég skoði ekki bara allt sem hægt er að skoða í þessari borg og nágrenni næstu vikuna.

Gerði víðreist í dag. Flengdist um alla borg með það eitt að markmiði að skoða allt það helsta sem hægt að er berja augum í borg rómantíkinnar. Byrjaði daginn á hressandi morgungöngu uppúr hádegi í Pere Lachaise kirkjugarðinum. Þar eru grafin mörg stórmennin ber þar helst að nefna Jim Morrison, Barónessan af Stroganoff og Edith Piaf.

Til að ná mér niður eftir kirkjugarðinn kíkti ég á Bastillutogið þar sem hið illræmda Bastillu fangelsi stóð forðum daga. Ég leyfi mér að vitna í Michelin túristhandbókina í þágu örlítillar sögukennslu. “Að morgni 14. júlí 1789 marseraði múgur Parísarbúa niðrí Invalides að ná sér í vopn og héldu svo til Bastillunar gráir fyrir járnum. Seinnipartinn sama dag hafði Marquis de Launay fangelsistjóri Bastillunnar gefist upp, múgurinn náð stjórn á virkinu og murkað lífið úr Marquis og kumpánum hans. Á táknrænan hátt var svo öllum sjö vistmönnum Batillunar sleppt lausum en þar á meðal var snarbilaður kleppari “madman” sem hefði sjálfsagt betur setið áfram inni. Síðar sama ár var virkið rifið af átta hundruð verkamönnum.”

Ráfaði svo að mestu leiti stefnulaust um borgina með stuttum stoppum við Notre Dame og Montparnasse sem er rúmlega tvöhundruð metra há bygging og þar með hæsta bygging Parísar ef Eiffel turninn er ekki tekinn með í dæmið.

Kv.

sunnudagur, apríl 10, 2005

Ljúfa lífið í París

Sveimérþá ef París er ekki bara töluvert betra en Oran þá má ég hundur heita.
Strákurinn er að taka á honum stóra sínum hérna, út að skokka á hverjum degi í garði Napoleons Bonaparte. Þess á milli er rölt niðrí bæ, menningin skoðuð, farið í bíó, kaffihús, Virgin Megastore og alla hina staðina sem var ekki hægt að gera í Oran.
Kíkti í á bíó í gær í minnsta bíó sal sem sögur fara af. Bíóið, staðsett við Bastilluna, var að sýna Hotel Rwanda sem ég mæli með að allir sjái. Fimmtán vasaklúta mynd en ekki á vemmilegan væminn hátt heldur af því að þetta er sönn saga af átökum Tútsa og Hutu í borgarastyrjöldinni sem var þar í byrjun tíunda áratugarins.

Nóg annars í bili

þriðjudagur, apríl 05, 2005

Ragga fór á jammið um síðustu helgi, tók nokkrar myndir og lét taka mynd af sér...
Ekkert meira um það að segja

kv

mánudagur, apríl 04, 2005

Nú er strákurinn kominn til París og býr á Pierre et vacance. Er með númer beint inn á herbergi sem ég man ekki í augnablikinu en það verður birt við tækifæri svo fjöldinn geti farið að hringja í mig. Fyrsta flug á morgun. Ég er farinn að efast um að ég kunni yfir höfuð að fljúga eftir fríið, það kemur þó í ljós á morgun.
Meira síðar

kv.

fimmtudagur, mars 31, 2005

Nú á ég afmæli fjótlega. Eftir að hafa lagst undir feld með höfuðið í bleyti hef ég ákveðið hvað ég vil og ætla að fá í afmælisgjöf.

Um er að ræða hljómdiska með mínum uppáhalds tónlistamanni Ken Dravis . Dravis hefur gefið frá sér nokkra snilldar diska um ævina en tveir þeirra höfða sérstaklega til mín og ég krefst þess að fá þá á afmælisdaginn. Umræddir diskar heita Hooked on flight og Songs of the Sky. Lög eins og Logbook, Flyin' High og Airport Spy höfða sérstaklega vel til mín og lýsa af ótrúlegu innsæi ástum, gleði og sorgum flugmanna. Slíkt innsæi fæst aðeins af því að hafa lifað lífi flugmannsins eða hafa horft á þættina Mile High á Stöð 2.
Ég skora á þau ykkar sem hafa iTunes að fara í Music Store og fletta upp Ken Dravis. Þar er svo hægt að heyra tóndæmi af meistaraverkunum.

kv.

miðvikudagur, mars 30, 2005

Nú er ég kominn með dagsetningar fyrir út og heimkomur fram í júlí. Það er nú ekkert stórmál að giska í eyðurnar í framhaldi af því en hér kemur allavegana það sem ég hef fengið opinbert

Út 4. Apríl
Heim 25. Apríl

Út 16. Maí
Heim 6. Júní

Út 27. Júní
Heim 18. Júlí


Stutt opinber heimsókn til Eyja er nýaflokin. Þar sýndi ég görpunum hvernig á að gera hlutina, tók Hannes í gegn í flugvikjuninni og kyssti Brynnku Bleiku á kinnina og má segja að það hafi verið hápunktur ferðarinnar enda hef ég ekki kysst stúlkukind svo mánuðum skiptir. Svo skulum við bara vona að Valli sér ekkert að skoða þetta enda kemur honum þetta ekkert við!

Ég á bara fyrstu tólf þættina af Lost, svo ég svari spurningunni úr commentinu.

bið að heilsa

þriðjudagur, mars 08, 2005

Jæja dudes og dudettes, hvað er upp?

Nú lítur út fyrir að ég komist heim á fostudag þó það sé ekki staðfest. Planið er eins og fram hefur komið að það koma tveir gaurar hingað í línuþjálfun. Annar þeirra ætti að koma á morgun þannig að ég geti stungið af á fimtudag og tekið föstudagsflugið frá parís heim. Það er reyndar séns fram á fimtudag fyrir hann að koma því þá getur hann tekið við fluginu í parís og ég get farið af þar. Ég er orðinn nokkuð vongóður um þetta en það þýðir þó bara eitt... þetta á aldrei eftir að ganga eftir, ég sé blikur á lofti sem geta skemmt þetta allt saman og seinkað heimför um nokkra daga en það verðu að bíða betri tíma að koma í ljós.
Ég er svo ríkur eftir þessa dvöl hérna í Oran að annð eins hefur ekki sést lengi. Nú er bara spurningin hvað á að gera við fúlguna. Mikið af draumum sem liggja í dvala en munu hugsanlega líta dagsins ljós. Það versta er að allir mínir vinir og vinkonur eru nýbúin að versla sér steipu í stórum stíl og eru þar af leiðandi blankari en ýmsir aðrir eða eru að gera aðra góða hluti.
Ég er núna búinn að hanga í tvo daga hérna að horfa á snilldar sjónvarpsþætti sem ég fékk hjá einum í París og þvo gallabuxurnar í klósettvaskinum. Lost heitir annar þátturinn og hinn er Joey. Hvað varðar gallabuxurnar þá voru þær farnar að kalla á þvott. Ekki það að ég hafi ekki þvegið þær svo lengi heldur það að um daginn fórum við á veitingastað hérna í Ain El Turck. Hinn ágætasti matur, Paella uppá spánksa mátann og steiktur smokkfiskur. Það vildi ekki betur til en að fötin mín lyktuðu eins og steiktur smokkfiskur hefði tekið sér bólfestu í þeim og skipti þá engu máli hversu lengi ég viðraðu þau. Eftir að hafa tekið þær með mér til Gabon í von um að anganin mundi hverfa með tíð og tíma ákvað ég að nú væri komið nóg. Dró fram fljótandi þvottaefnið sem ég verlsaði í París og handþvó buxurnar eins og alvöru karlmaður. Nú eru þær eins og nýjar og öllum frjást að lykta við tækifæri.
Maður verður helvíti þreyttur á þessu hangsi, jafnvel þó maður sé á launum... sérstaklega þegar næstum allir eru farnir héðan og enginn til að hanga með á daginn. Á morgun fæ ég hinsvega tveggja daga skamt af flugi sem verður gott og gaman, sérstaklega ef skipt verður um kaptein í eftir tvo leggi því annars verður deginum eitt með Alfred Neusiedler (Alfred Hitler eins og einn kallaði hann). Planið er að kíkja fyrst til París af gömlum og góðum sið og tékka svo á stemmaranum í Lyon. Langur dagur en alveg þess virði.
Þegar heim kemur, hvenar sem það verður, er planið að taka á honum stóra sínum og skella sér í ræktina af mikilli og miskunarlausri hörku. Það jafnvel vottar fyrir áætlunum um að draga fram skvass spaðann og rifja upp gamla takta.... nú skulu ástarhöldin fara að vara sig!

Það verður gaman að kíkja heim og taka hús á góðu fólki og snæða góðan heimalagaðan mat.

mánudagur, mars 07, 2005

Jæja, eins og oft áður þá er ekkert að frétta en oft er má að skrifa ýmislegt um ekkert. Þetta orðatiltæki mun byrtast í páskaeggjum Mónu 2006!

Nú skylst mér að það sé þáttur á stöð tvö sem fjallar um flugáhöfn hjá bresku sólarlandaflugfélagi sem heitir Fresh. Ég var spurður að því fyrir nokkru hvort lífið í fluginu væri eins og kemur fram í þessum þáttum. Ég gat ekki svarað því þá því ég hafði ekki séð þessa þætti en nú um daginn þegar ég gerði garðinn frægan í UK var ég svo heppinn að sjá einn þátt. Nú get ég sagt, með fullri vissu, að þetta er nákvæmlega eins og þessum þáttum. Sérstaklega hérna í Oran þar sem við erum 12 stykki og þar af einn kvennmaður.

Miklar gleðifréttir streima nú suður á bóginn. Bjarni captain hefur fengið sér nýja vinnu. Það besta er að hann hættir ekkert að vera captain, ef eitthvað er þá verður hann CAPTAINNINN, jafnvel RJÓMAÞEITARINN.
Samúðarkveðjur frá mér til eyja því annað eins flugmannsefni hefur ekki yfirgefið eyjuna síðan í júní síðastlinum og finnast þeir ekkert á hverju strái. Það verða ekki allir flugmenn Eyjaflugmenn.

Nú styttist í heimkomu. Það er ekki vitað nákvæmlega hvenar frekar en fyrridaginn en það er vonandi fyrr en síðar.

Síminn minn er bilaður. Já nýji fíni NOKIA síminn sem Rúna var svo góð að kaupa fyrir mig í Kuala. Skjárinn einfaldlega dó og hefur ekki jafnað sig síðan það gerðist. Ekki senda mér SMS!
Síminn virkar ég bara sé ekki á skjáinn og þ.a.l. get ég hringt í þau þrjú númer sem ég kunni áður en ég fékk mér GSM fyrir margt löngu.

Nú hef ég bætt örfáum myndum í myndaalbúmið.

kv.

fimmtudagur, mars 03, 2005

Nú er ég í aðeins betra skapi, búinn að fá útborgað og svona.... jájá kallið mig bara grunnhygginn en "money makes the world go round!". Annars kom það líka upp að ég er að fara eitt flug til Gabon þannig að á sama tíma á morgun mun ég sitja við sundlaugarbakkann í svitakófi að berjast við að ná mér í brúnku áður en ég kem heim einhverntíman... vonandi.... um miðjan mánuðinn.

kv.

þriðjudagur, mars 01, 2005

Nú er ég alveg yfirgengilega búinn að fá nóg af þessu öllu saman, ekkert frekara comment um það!
Sagan um það hvenar þessi beis mun taka enda hefyr breyst þrisvar í dag. Mitt mottó um kjaftasögur styrkis dag frá degi. Blakaðu eyrunum eins og þú getur en ekki taka mark á neinu. Maður fellur samt öðru hvoru í þá grifju að hafa trú á því að það sem maður sé að heyra sé einhverstaðar nálægt sannleikanum... getur valdið vonbrigðum og pirringi.

Ef það vantar yfselon einhverstaðar í þennan texta þá bæti ég hér með upp fyrir það YYYYYYY

kv.

mánudagur, febrúar 28, 2005

Þá er ég búinn að hendast fram og til baka til Sameinaða Konungsveldisins. Þar gerði ég garðinn frægan í flugherminum hjá Almennum Raftækjum . Einhvernvegin tókst mér að komast í gegnum þetta allt saman og er nú löglegur til að skandalera í sjálfri flugvélinni næstu sex mánuðina.
Annars er Oran við sama heigarðshornið, dauði og dj####r. Miklar kjaftasögur skutu upp kollinum á föstudag um það að nú hefði Air Algerie undið kvæði sínu í kross og að þessum beis yrði því lokað strax eftir mánaðarmót. Nú veit enginn neitt nema bara að það er flug á morgun, svo sjáum við bara til.

kv.

fimmtudagur, febrúar 24, 2005

Það er aksjón á þessum bæ

Hér er allt á öðru hundraðinu. Í dag fékk ég loksins langþráðar upplýsingar um það hvenar ég fer í flugherminn í UK. Það verður 26. og 27. febrúar. Ég fer þá til París og London á morgun, verð þar í þrjá daga og kem svo aftur í stuðið hér mánudaginn 28. febrúar.
Fór í aftur í 80 króna klippingu. Það gekk þar til maðurinn skar næstum af mér eyrað, komst að því eftirá að hann hét Kamel van Gogh

kv.

laugardagur, febrúar 19, 2005

Dagur í lífi alsírsks rútubílstjóra sem er í fríi þann daginn... aldrei þessu vant.

Mikil og stór plön gerð fyrir daginn:

8:30-8:45 Fara með einkennisfatnaðsbuxurnar og bindið í hreinsun á hótelinu
8:45-12:00 leggja sig
12:00-24:00 Láta daginn líða

Dagurinn í raun og veru:

8:30 vekjaraklukkan hringir.... ahhhhhhh ég hef til 9:00 til að fara með fötin svo ég fái þau á morgun, hvar er snooz takkinn?
8:40 vekjaraklukkan hringir... úffff... ahhh hvað er í gangi... ég hef enþá tuttugu mínútur til að redda þessu, snoozzzzzzzz
8:50 vekjaraklukkan hringir... ahhh það er nú alveg nóg að koma með þetta á slaginu, svo á ég líka einar hreinar buxur enþá þannig að þetta er ekkert stress snooz.
9:00 vekjaraklukkan hringir... hvað er í gangi hérna???? Snoooooz
9:10 vekjaraklukkan hirngir... hvaða rugl er þetta, ég er búinn að missa af hreinsuninni, get alveg sofið aðeins lengur... snoooz
9:20 vekjaraklukkan hringir.... allt of snemmt til að vakna hef ekkert að gera fram að hádegi snooz
9:30 vekjaraklukkan hringir... hvað er í gangi hérna, enginn svefnfriður? Snoooooz
9:40 vekjaraklukkan hringir.... ahhh hvað er klukkan eiginlega? Heirðu mig nú, farin að ganga tíu, rúmir tveir tímar í hádegismat snooooz
9:50 vekjaraklukkan hringir..... þetta er nú meira ruglið, snooooz
10:00 vekjaraklukkan hringir... JÆJA nóg komið.... vekjaraklukkan sett á off og svo ZZZZZZzzzzzzzZZzzzZZZzzzzzzzzzzzzzz
10:45 ranka ég við mér að sjálfsdáðum enda búinn að fá kjörsefn fyrir mann á mínum aldri.
10:50-11:30 Sendi e-mail og spjalla við HD á MSN þar til háhraða módem sambandið slitnar og ég kem út sem bölvaður dóni sem kveð ekki áður en ég læt mig hverfa
11:30-11:50 Sturta og allt sem því fylgir
11:50-12:00 Leita að einhverjum til að rölta með mér niðrí bæ til að snæða morgun/hádegisverð. Sú leit skilar engum árangri því menn eru annaðhvort flúnir til París á frídeginum (skiljanlega) eða nýbúnir að panta room service.
12:00-12:20 Gaufa í herberginu mínu
12:20-13:00 Hádegismatur þar sem nokkrir mekkar láta sjá sig, lít á klukkuna, bara sjö tímar í kvöldmat
13:00-13:50 Fæ lánaðan gítartuner og stilli gítarinn minn sem hefur verið með kvef síðustu vikurnar og þar af leiðandi verið lítið notaður. Æfi mig svo aðeins.... “Róóóóóóómeóóóóóóó, Júlíaaaaaaaaaaaaaaaaaa.....” og “Hlustá Zeppelin, og ég ferðast aftur í tímann....” Bubbi klikkar ekki. Er svo lánsamur að hafa enga nágranna í næstu herberjum þannig að maður getur óhræddur látið ljós sitt skína
13:50-14:00 Vá, klukkan bara að verða tvö, ótrúlegt hvað tíminn líður hratt
14:00-14:45 Kíki meira á netið... skoða hluti á netininu sem mig bráðvantar
14:45-16:30 Les bók, “Deception Point” sem er nokkuð spennandi, þakka fyrir það í hljóði að lesa hægt því bækurnar sem ég les verða flestar nokkuð drjúgar þannig.
16:30-18:00 Annríki dagsins ber mig ofurliði og ég steinsofna þar sem ég ligg uppí rúmi og er að lesa bók
18:00-20:00 Fæ nokkra geisladiska lánaða til að rippa...
20:00-21:00 Kvöldmatur, rifja upp kynni mín við filet minjon with peppersauce sem ég hef ekki haft lyst á að smakka síðan við skiptum um hótel hérna og ég borðaði annan hvern dag í tvo mánuði.
21:00-22:30 Barinn heimsóttur... aldrei þessu vant. Stella í góðum gír eins og venjulega. James Bond (hann heitir það í alvörunni og er hálf íslenskur í þokkabót) kíkir við með gítarinn sinn. Hýrt par í sem er að eyða vikunni á hótelinu í tilefni valentínusardags fær gripinn að láni, annar spilar nokkur vel valin lög á meðan hinn reynir að syngja við með mis slæmum árangri.
22:30-22:40 Tvær DVD myndir fengnar að láni
22:40-23:20 Dýrmætum tíma eytt í að skrifa þetta blogg sem er út í hött
23:20... Horft á DVD myndir.... segi frá þeim í löngu máli á morgun.

kv.

föstudagur, febrúar 18, 2005

Tilkynning

Það gleður mig að tilkynna að mér hefur verið tilkynnt að Steindóri félaga var tilkynnt að ég væri víst kominn á FFF. Það er að sjálfsögðu mikið ánægjuefni því nú tekur alvara lífsins við.... töluvert meira frí en áður hefur þekkst á mun betri laun en launareikningur minn hefur nokkurntíman kynns.
Opinberlega skilst mér að maður ætti þá að detta í frí frá og með 21. feb en það er víst svo undirmannað hér að maður verður að sitja eitthvað á sér, sjáum til hversu lengi það verður.
Ég er þá farinn á barinn að fagna þessu með vinkonu minni Stellu.

Það sem er mest móðins hjá upprennandi flugmönnum í dag er að versla sér steipu og gler... ég tilkynni það hér með að ég ætla ekki að gera það næstu mánuðina heldur nýta mér góðvild félaga minna sem hafa reist skjaldborg um miðbæ Reykjavíkur þannig að það verður alltaf einhver til að heimsækja annaðhvort fyrir eða eftir að maður hefur fengið sér í litlu tánna.

kv.

þriðjudagur, febrúar 15, 2005

Móna

Þetta skrifaði ég í fyrradag en komst ekki í að setja það online
Nú er ég búinn að vera í París í fjóra eða fimm daga, týndi tölunni einhverstaðar á miðri leið. Það er skemst frá því að segja að á þessum tíma ætlaði ég mér að fara á skíði með foreldrum mínum einhverstaðar í Austurrísku ölpunum en eins og dagpeningarnir mínir gefa klárlega til kynna þá er ég með öllu ómissandi og komst því ekki frá. Í staðin tók ég uppá því að láta vélina bila í París (þetta var nú einusinni minn leggur) þannig að ég fengi frí þar í staðin... á launum að sjálfsögðu. Ég lét verða af því að skella mér á Lúvr til að berja hana Mónu loks augum. Þvílíkan og annan eins antiklímax hef ég sjaldan upplifað. Ég var búinn undir allan þann storm tilfinninga sem ég bjóst við að upplifa við þessa to-be stórfenglegu sjón. Gleði, undrun, kláði, sæla, algleymi..... þetta er rétt upphafið að því sem ég bjóst við að upplifa við það að sjá verkið sem reyndist svo bara vera lítið merkilegra en restin af því sem finnst þarna. Í staðin fyrir að vera bergnuminn af fegurð Mónu, sem er nota bene sjálfsmynd karlmanns, fór ég að velta fyrir mér sögusviði DaVinci lykilsins sem gerist einmitt að hluta til þarna. Merkileg fundust mér hinsvegar verkin innan um allar trúarlegu jesúmyndirnar sem voru ýmist með afhöggnum hausum eða fólki standandi í hóp með sveðju hoggna niðrí miðja hauskúpu. Ef einhver getur útskýrt þetta fyrir mér þá er það vel þegið.

Dagurinn í dag:
Vann það stórvirki að fljúga frá Oran til Alsírsborgar á um fjörtíu mínútum sem þykir nokkuð eðlilegt. Í Alsírsborg var hellingur af rauða dótinu á sjónvarpsskjánum hjá mér, s.s. leiðindar veður. Mikill hristingur sem endaði með því að elding varð á vegi okkar og skilst mér að almenn skelfing og óp hafi ráðið ríkjum afturí. Það er gott að farþegarnir sáu ekki til mín því mér brá svo hrikalega að ég meig á mig... þannig séð. Það var nú fljótt að þorna þannig að það er ekkert meira um það að segja. Eftir að hafa eytt svo níu tímum í Algeirsborg í að gera ekki neitt var stefnan svo tekin aftur á Oran þar sem ég er staddur á hótelinu núna í Ain El Turk...... eru ekki allir búnir að ná því að hótelið er í Ain El Turk? Hint: Hvernig les maður Ain El Turk á ensku?

Kv.

mánudagur, febrúar 07, 2005

Stóratburður í langri og glæstri sögu Air Algerie átti sér stað í dag þegar framúrstefnulega frækin áhöfn flugvélarinnar TF-ATY flaug frá Oran til Orly og til baka á áætlun báðar leiðir. Þetta gekk það langt að lending í Oran, framkvæmd af ykkar einlæga, fór fram klukkan 14:00 staðaltíma en áætlaður lendingartími var einmitt 14:00 staðaltíma. Þrátt fyrir þetta afrek var enginn rauður dregill, engar rósir, ekkert kampavín, engar fáklæddar stúlkur dansandi steppdans.... cabin crewið beið meira að segja ekki eftir okkur með rútuna þannig að við þurftum að ganga löngu leiðina úr vélina upp að húsi.

kv.

laugardagur, febrúar 05, 2005

Jæja Steini, þú getur tekið gleði þína því það er búið að færa mig yfir á bumbuna . Þar sem ég er yfir meðallagi bjartur ungur drengur þurfti ég ekkert námskeið, ekkert rugl, bara beint að fljúga, þetta eru allt Partenaviur í mismunandi stærðum hvort eð er.

Kíktum niðrí Oran í dag. Einn lét ræna af sér síma, $200 og visa gullkorti, þessi mynd er tekin skömmu áður.

Nokkrar nýjar myndir komnar á myndasíðuna.. hér og þar

kv

miðvikudagur, febrúar 02, 2005

Hvað haldið þið, ég er ekki farinn til UK og ég er að fara að fljúga á morgun.
Annars er gríðarlegt action á manni. Um daginn fékk ég 4.1 í vibration á LPT á vinstri mótor... hugsið ykkur. Svellkaldur eins og ég er tók ég þessu nú bara með stóískri ró. Ekkert meira um það að segja.

Fer víst ekki til UK fyrr en í lok mánaðarins þannig að við getum öll verið nokkuð róleg yfir því. Fékk vinnuskrá fyrir mánuðinn í gær. Var ekki búinn að hafa hana undir höndum í fimm mínútur þegar fyrsta breytingin kom. Hún var þó smávægileg og sammvinnuþýður eins og ég er tók ég því nú bara með jafnaðargeði. Annars ætti þessi mánuður að vera þokkalegur, miðað við það sem gengið hefur á, heilir 57 tímar áætlaðir í háloftunum. 12 ferðir til Orly og tvær til Algeirs, fjölbreytileikinn er að ganga frá mér hérna. I will survive.

annars kveðja á frónina og til annara afkima

sunnudagur, janúar 30, 2005

Dirty old Amsterdam

Myndir frá Amsterdam komnar inn á slepjuna
http://www.slepja.com/gallery/album68

föstudagur, janúar 28, 2005

Norður Afríka?????

Hvað gerir maður í norður Afríku þegar hann tekur til við að snjóa?
Þetta þurftum við að spurja okkur að í morgun þegar við mættum upp á völl. Í Oran hefur víst ekki snjóða í 54 ár en tvær nætur í röð hefur undantekningin sannað regluna. Byrjum á því að sjá hversu lengi það tekur snjóinn í 3°c hita að bráðna af vélinni. Þegar við komumst að því að það er ekki vænlegt til árangurs er kústurinn tekinn fram og á örskotstundu er vélin flughæf. Svo er alltaf hægt að kalla til slökkviliðið og fá þá til að skola af vélinni... létum Air Algerie þó alfarið um þær tilraunir.
Annars tíðindalítið. Lífið gengur sinn vana gang, flug í dag, þriggja til fjögurra daga frí, svo afutr flug.

http://www.slepja.com/gallery/album61?page=2

Kv.

mánudagur, janúar 24, 2005

80 cents worth

Á þessum tuttugasta og fimta degi ársins þegar það eru bara þrjúhundruðogfjörtíu dagar þar til við fögnum nýju ári og þrjúhundruðþrjátíuogsjö þar til við höldum gleðileg jól þar sem ég sit og horfi á einhverja ömurlega hrillingsmynd í anda Outbreak nema hér er það ekki sýkill heldur ormur með heilan helling af tönnum sem er að terrorisera en í báðum leikur Morgan Freeman generalinn sem bjargar heiminum langar mig til að koma að misáhugaverðri frásögn af deginum sem leið þó án þess að nota punkt eða kommu af hverju spyrjið þið bara vegna þess að mig langar til þess og þar hafið þið það ég fór í klippingu í dag og borgaði heil 80 evrucent fyrir og mætti segja að ég hafi fengið “my 80 cents worth” af klippingu því þegar ég kom inná hótel og leit betur í spegilinn sé ég að félaginn klippti hárið mis sítt/stutt án þess að það kanski blasi við en þó sést það þegar maður fer að virða kollinn fyrir sér því sumstaðar stendur stutt hárið hálfpartinn út en annarstaðar liggur aðeins síðar hárið frekar niður en það er ekkert við því að gera því ekki treysti ég félaganum til að laga þetta ef honum tekst ekki að gera þetta þokkalega í fyrsta skiptið en þetta kann að vera ástæðan fyrir því að aðstoðarpiltur klipparans var í hláturskasti allan tíman sem hann vann að því að klippa brúskinn púnktur

sunnudagur, janúar 23, 2005

Daddaraaaaaaaaa
Strákurinn loksins orðinn alvöru flugmaður. Línuþjálfunin loks að baki, kláraði hana í gær með glæsibrag. Og hvað þýðir það? Jú nú má ég gera tóma vitleysu og segja flugstjóranum að skipta sér ekki af því sem honum kemur ekki við! Eina vandamálið er að hér í Oran eru bara þjálfunarflugstjórar þannig að maður þarf að vera fyrirmyndaflugmaður áfram.
Í öðrum fréttum er það að í byrun febrúar er stefnan tekin á Stóra Bretland þar sem tími er kominn á flughermi. Í leiðinni verður tekin mismunaþjálfun á B757 þannig að maður verður aðal kallinn, ekki amalegt það.
Nú er hitinn farinn að skrúfast aðeins upp aftur hérna í Alsír þanig að það styttist í að maður kíki í laugina. Annars veit enginn hversu lengi við verðum hérna. Samningurinn rennur út í lok febrúra en það er möguleiki á framlengingu, hvenar við fáum að vita..... veit enginn.

Bið að heilsa í bili

Kv.

miðvikudagur, janúar 19, 2005

Amsterdam

Staddur i Amsterdam. Flugum med vel i vidhald hingad a sunnudag og fengum agaetis fri herna thar til i dag.
Rauda hverfid var kannad ytarlega, settumst inn a "Coffee shop" og svo framvegis.

kv.

laugardagur, janúar 15, 2005

Ekki mikið að frétta,
Flaug fyrsta flugið í dag eftir að ég kom út, ekkert um það að segja

Gaman frá því samt að segja að bærinn sem nýja fína hótelið er í heitir Ain El Turck.

Kv.

föstudagur, janúar 14, 2005

Fæ ég ekki fréttir af því að Jói frændi, bróðir Röggu.... sem er á.... nei við skulum ekkert vera að fara út í þá sálma, er byrjaður að blogga frá Danmörku þar sem hann er þessa stundina að mála bæinn rauðan. Stóra spurningin er þessi: Hver er búinn að hössla mest í DK?????? Skora á alla að fara inn á síðuna og kjósa Jóa, stöndum með okkar manni. Ég hef líka trú á hinu gullna vestfjarðageni og virkni þess erlendis, þrátt fyrir að það sé ekkert að há mér. Auk þess sem höfuðið á Jóa er í dönsku fánalitunum og ef það er ekki nóg til að heilla danskar snótir þá veit ég ekki hvað skal til ráðs taka. Staðan þessa stundina er sú að Jói heldur eins atkvæðis forskoti yfir einhverjum Val 42% gegn 38%. Ragnar rekur svo lestina og grunar mig að það sé vegna þess að dönsku stelpurnar eiga einfaldlega í erfiðleikum með að bera nafnið fram.

stattu þig jói!

kv.

fimmtudagur, janúar 13, 2005

Hvernig er það, var ég búinn að sýna ukkur mynd af sundlauginni? Hvað með ströndina?

kv.

miðvikudagur, janúar 12, 2005

Aftur í Oran og ekkert svo ósáttur við það bara!

Nú er pjakkurinn mættur aftur til Oran og viti menn, það er búið að skipta um hótel. Fimm flugna hótelið Phoenix við flugvöllinn var kvatt og fimm stjörnu Eden Palace tók við sem áhafnaheimili. Og hvað er betra við Eden Palace?? Látum okkur sjá:
1 – Snyrtileg herbergi
2 - Hrein sundlaug sem er opin
3 – Góður matur
4 – Góð þjónusta
5 – Vinalegt starfsfólk
6 – Alveg við ströndina
7 – Ferðafrelsi, maður getur farið í göngutúra um nánasta nágrenni í björtu
8 – Búðir / Markaðir í grendinni
9 – Sturtuhaus sem hægt er að standa undir án þess að beigja sig
10 – Svalir út frá herberginu
11 – Lyfta sem virkar


og þetta er rétt byrjunin, ég er nýkominn þannig að það er fleira sem á eftir að koma í ljós reikna ég með. Á morgun er ég ekki að fljúga þannig að ég á eftir að nota daginn til að líta í kringum mig.
Í þetta skiptið tók ég með mér gítarinn þannig að útilegufara næsta sumars skulu fara að vara sig, aldrei að vita nema maður verði orðinn það mellufær að hægt sé að spila eins og tvö til þrjú lög. Bendi ykkur hinsvegar á að skerpa söngraddirnar því ef ég á að halda uppi söng þá er fólk fljótt að fara í háttinn.

Símanúmer í Oran er +213 4144 3441 herbergi 1130

Að lokum má benda á það að ég hef opnað með pompi og prakt myndasíðu með aðstoð diggra stuðningsmanna en það má bæði nálgast með því að smella HÉR eða á linkinn sem er einhverstaðar hægramegin. Af gefnu tiefni ætla ég að benda á að það er meira en ein mynd á síðunni, það þarf að smella á flugvélamyndina, TVISVAR til að komast inn í eina albúmið sem er þarna í augnablikinu, seinna verða fleiri og þá verður þetta einfaldara fyrir þá sem ekki skilja.

kv.

sunnudagur, janúar 09, 2005

Kapteinninn

Nú hafa eyjarnar enn eitt skiptið verið heimsóttar, mjög gott mál.
Mjög sáttur við margt sem er að gerast þar og þá sérstaklega við það hversu vel Bjarni Rafn Garðarsson hefur aðlagast yfirflugstjóra hlutverkinu.
Dæmi:
Það kemur upp sjúkraflug. Cpt. Bjarni hrekkur beint í gírinn, tekur stjórn á vetvangi og sér til þess að hlutir séu gerðir, geltir skipunum á fólk í kringum sig sem með óttablandinni virðingu þorir ekkert annað en að hlýða. Það eru nú samt 40 mínútur í að sjúkrabíllinn komi þannig að kapteinninn hefur tíma til að sinna sínum málum. Ég stend og spjalla við Hannes eldri sem er að leiða mig í allan sannleikann um lífið. Bjarni kemur fyrir horn og geltir á mig "BIRKIR, KOMDU MEÐ MÉR!!!", ég skil ekki alveg hvaðan á mig stendur veðrið en áður en ég næ að bregðast við öskrar hann “NÚÚÚÚÚÚNNNNAAAAAAAAAAAAAAAAA!”, snýr sér við og strunsar í átt að dyrunum. Ég trítla á eftir honum, óviss um hvað taki við eða hvað ég hafi gert en eitt er víst, ég andmæli ekki yfirflugstjóranum. Þegar út er komið er ljóst hvað hann ætlar sér. Örfáum mínútum áður hafði TF-EGD einkaflugvél flugstjórans lent í Vestmannaeyjum og á meðan aðstoðarflugmaðurinn Friðrik undirbjó flugið á sjúkravélinni þurfti flugstjórinn að skella sér í örstuttan rúnt til að koma sér í rétta gírinn. Við tökum þrjár snertilendingar á mettíma og þar af fæ ég auðmjúklega að taka eina. Það skal tekið fram að mjög hæfur dómari með menntun á háskólastigi dæmdi lendingarnar okkar skal það tekið fram að mín lending hlaut tíu prósentustigum hærri einkunn en lending flugstjórans. Lendum við og ökum uppá plan. Stígum um borð í rauðan sportbíl (Hjondæ smáhest) flugstjórans og ökum út að sjúkrafleyinu. Flugstjórinn er mættur á staðinn, það fer ekkert á milli mála. Valli og Hannes standa út í horni, tala lágt saman, Frikki aðstoðarflugmaður er með vélina tilbúna og ég kem trítlandi á eftir kapteininum. Þrátt fyrir að vera ekki í vinnu þarna sé ég fljótlega að ég er dottinn í þjónustu við kapteininn gírinn. Ég átta mig á því þegar ég geng inn í skýlið að ég held á veðrinu og flugplaninu fyrir flugstjórann. Fljótlega eftir að inn í skýlið er komið heyri ég öskrað “BIIIIRRRRKIR, HVAR ER HEADSETTIÐ MITT??? BOOOOOOOOOOOOOOOOSINN MINN!!!!!” Ég fer undan í flæmingi en mynnist þess að hafa séð headsett töskuna í sportbílnum. Tekst að hiksta upp hvar tækið er “Þa, þþþþa, það er í b, b,b,b,b,bbbbbbílnum þínum, hhheld ég”. Kapteinninn svara um hæl “HVERJU ERTU AÐ BÍÐA EFTIR??? NÁÁÁÁÁÐU Í ÞAÐ NÚÚÚÚÚNAAAAAAAAA!!!!!!!!!!!!!”. Ég hleyp eins og fætur toga út í bíl og sæki Bose headsettið, læðist með það inn í skýli og rétti kapteininum, “Láttu þetta ekki koma fyrir aftur.... VINUR” segir hann, og gengur á brott.

Eftir viðburðalítið flug til Reykjavíkur og baka var farið á þrettándabrennu og svo að sjálfsögðu á Maríuna. Þar var snædd Cafe María samloka með auka Bernessósu........ þvílíkt og annað eins.

Nú fer ég út í fyrramálið,

Meira um annað seinna.

Kv.

miðvikudagur, janúar 05, 2005

Gleðilegt ár takk fyrir það gamla o.s.frv.

Enþá er ég á klakanum og sýni ekki á mér neitt fararsnið. Í dag fékk ég símtal frá henni Andreu Graham sem tjáði mér að útferð væri plönuð á mig þann tíunda þessa mánaðar. Förinni er heitið til sweet sweet Oran. Dvölin þar verður ekki svo löng án þess að ég fái að stíga fæti á siðmenntaða jörð því í byrjun febrúar er komið að mínum fyrsta hálfsárs flughermistíma. Það verður í meira lagi spennandi að sjá hvernig maður kemur út úr því, lífs eða liðinn.

Hef ég notað tímann vel síðan ég kom, ferðast um landið í móðursýkiskasti þar sem ég hélt að dvölin yrði stutt og etið mikið af góðum mat. Nú skulu eyjamenn... og meyjar (múhúhahahhahaha puuurrrrrrrr!) fara að vara sig því opinber heimsókn er í farvatninu. Nákvæm dagsetning verður ekki gefin upp af öryggisástæðum og ótta við hriðjuverk en sjá, þér munuð vita er stíg ég á eyland yðar í allri dýrð minni og munu himnar.... jæja, fer ekkert lengra með þetta.

nóg í bili,
kveðja